शरद पवार म्हणाले, माझ्या 55 वर्षाच्या संसदीय कारकिर्दीत मी कधीही असं पाहिलं नव्हतं, नेमकं काय घडलंय?

राज्यसभेत घटना दुरुस्ती विधेयक मंजूर झाल्यानंतर विमा विधेयकावर चर्चा सुरू झाली. त्याला विरोधकांनी विरोध केला असता संसदते महिला खासरांना धक्काबुक्की करण्यात आली. (Sharad Pawar slams ‘attack’ on women MPs in Parliament)

शरद पवार म्हणाले, माझ्या 55 वर्षाच्या संसदीय कारकिर्दीत मी कधीही असं पाहिलं नव्हतं, नेमकं काय घडलंय?
sharad pawar
टीव्ही 9 मराठी डिजीटल टीम

| Edited By: भीमराव गवळी

Aug 12, 2021 | 2:14 PM

नवी दिल्ली: राज्यसभेत घटना दुरुस्ती विधेयक मंजूर झाल्यानंतर विमा विधेयकावर चर्चा सुरू झाली. त्याला विरोधकांनी विरोध केला असता संसदते महिला खासरांना धक्काबुक्की करण्यात आली. यावरून राष्ट्रवादीचे अध्यक्ष शरद पवार यांनी संतपा व्यक्त केला आहे. माझ्या 55 वर्षाच्या संसदीय कारकिर्दीत मी असं कधीच पाहिलं नव्हतं, असं शरद पवार म्हणाले आहेत. (Sharad Pawar slams ‘attack’ on women MPs in Parliament)

राष्ट्रवादीचे अध्यक्ष शरद पवार यांनी मीडियाशी संवाद साधताना ही प्रतिक्रिया व्यक्त केली. माझ्या 55 वर्षाच्या संसदीय कारकिर्दीत मी असं कधीच पाहिलं नाही. राज्यसभेत महिला खासदारांना धक्काबुक्की झाली. हे यापूर्वी कधी घडलं नव्हतं. बाहेरच्या 40 हून अधिक पुरुष आणि महिलांना सभागृहात आणलं गेलं. हे वेदनादायी आहे. हा लोकशाहीवरील हल्ला आहे, असं पवार म्हणाले.

मलिकांचा हल्लाबोल

राष्ट्रवादीचे प्रवक्ते नवाब मलिक यांनीही या प्रकारावरून केंद्रावर हल्ला चढवला आहे.संसदेत महिला सदस्यांसोबत पुरुष मार्शलने जी धक्काबुक्की केली. बळाचा वापर करण्यात आला ही घटना अशोभनीय आहे अशा शब्दात राष्ट्रवादी काँग्रेसचे मुख्य राष्ट्रीय प्रवक्ते आणि अल्पसंख्याक मंत्री नवाब मलिक यांनी नाराजी व्यक्त केली आहे.

संसदेचे कामकाज दोन दिवसाअगोदर स्थगित करण्यात आले. याचा अर्थ केंद्रसरकार जनतेच्या प्रश्नापासून पळ काढत होते. पेगॅसस प्रकरण, शेतीचा कायदा असेल, जातनिहाय जनगणना असेल या सर्व प्रश्नांवर चर्चा न करता किंवा त्याचे उत्तर न देता संसदेचे कामकाज स्थगित करण्यात आले. याचा अर्थ संसदेत कोणतेच उत्तर द्यायचे नाही असे धोरण सरकारचे होते, असे मलिक म्हणाले. महिला सदस्यांचा अपमान करण्यात आला. लोकशाहीत अशाप्रकारची घटना योग्य नाही. यावर लोकसभा अध्यक्ष व राष्ट्रपतींनी चिंता व्यक्त केली परंतु त्यांनी सरळ- सरळ केंद्रसरकारला याप्रकरणी विचारणा करण्याची गरज होती. मात्र त्यांनी राजकीय दबावामुळे तसे केले नसावे, असेही त्यांनी सांगितलं.

सर्वच नेते अस्वस्थ

शिवसेना नेते संजय राऊत यांनीही या प्रकारावर संताप व्यक्त केला. 55 वर्षाच्या संसदीय कारकिर्दीत मी कोणत्याही सभागृहात असं चित्रं पाहिलं नाही. हे पवारांसारख्या नेत्याला अस्वस्थतेतून बोलावं लागलं. माझ्याशी बोलले ते. मीडियाशी बोलले. ते फार अस्वस्थ होते. ज्यांनी संपूर्ण हयात संसदीय राजकारणात घालवली आहे ते सर्व नेते अस्वस्थ होते, असं राऊत म्हणाले.

नेमकं काय घडलं?

संसदेत 127वं घटना दुरुस्ती विधेयक मंजूर करण्यात आलं. मात्र, विमा विधेयकावर दुसऱ्या दिवशी ठरलेलं असतानाही केंद्र सरकारने हे विधेयक चर्चेला मांडलं. त्यामुळे विरोधक संतापले. शरद पवार आणि मल्लिकार्जुन खरगेंसह इतर नेत्यांनी त्याला विरोध केला आणि या घटनेचा जोरदार निषेध केला. शिवसेनेसह इतर पक्षाचे नेते वेलमध्ये उतरले. त्यामुळे एकच गोंधळ उडाला. त्यातच महिला कमांडोजना सभागृहात पाचारण करण्यात आल्याने विरोधक आणखीनच संतापले. त्यात महिला कमांडोजकडून महिला खासदारांना धक्काबुक्की करण्यात आल्याने विरोधकांचा पारा चढला. परिणामी सभागृहात अभूतपूर्व गोंधळ झाल्याने सभागृहाचं कामकाज अनिश्चित काळासाठी तहकूब करण्यात आलं. (Sharad Pawar slams ‘attack’ on women MPs in Parliament)

 

संबंधित बातम्या:

खासदारांना आवर घालण्यासाठी महिला कमांडोज आणता ही कसली मर्दानगी?; संजय राऊत भडकले

अनेक स्त्रियांशी संबंध, जातीवाचक शिवीगाळ आणि मारहाण, मनसे नेते गजानन काळेंवर पत्नीचे गंभीर आरोप

सरकारने आजारी माणसाला गोळी दिली, पण अर्धीच; घटना दुरुस्ती विधेयकावरून किर्तीकरांचा हल्लाबोल

(Sharad Pawar slams ‘attack’ on women MPs in Parliament)

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें