गड आला पण सिंह गेला! तेलंगणामध्ये विद्यमान आणि भावी मुख्यमंत्र्यांना पराभूत करत भाजपचा आमदार ठरला जायंटकिलर

मुंबई : देशातील चार राज्यांच्या विधानसभा निवडणुकीचा निकाल लागला. भाजपने मध्य प्रदेश, राजस्थान आणि छत्तीसगड राज्यात विजय मिळवला. तर काँग्रेसने एकमेव तेलंगणामध्ये विजय मिळवला. काँग्रेस प्रदेशाध्यक्ष रेवंत रेड्डी तेलंगणामध्ये मिळालेल्या विजयाचे शिल्पकार ठरले आहेत. मात्र काँग्रेससाठी एक वाईट बातमी आहे. रेवंत रेड्डी यांचा पराभव झाल्याने काँग्रेसला मोठा धक्का बसला आहे. त्यासोबत रेवंत रेड्डी यांच्यासह (केसीआर) चंद्रशेखर राव यांचा कामारेड्डी मतदार संघातून पराभव झाला आहे. विद्यमान आणि भावी मुख्यमंत्र्यांना भाजपच्या आमदाराने पराभवाची धूळ चारली आहे.

भाजपचा ‘हा’ आमदार ठरला जायंटकिलर

कट्टीपल्ली वेंकट रमना रेड्डी यांनी दोघांचा पराभव करत सर्वांनाच चकित केलं आहे. कट्टीपल्ली वेंकट रमना रेड्डी यांना 66,652 मते मिळाली आहेत. कटिपल्ली यांनी सीएम केसीआर यांचा 6741 मतांनी पराभव केला आहे. दुसऱ्या क्रमांकावर असलेल्या केसीआर यांना 59, 911 मते मिळाली. तिसऱ्या क्रमांकावर तेलंगणा काँग्रेस प्रदेश समितीचे अध्यक्ष रेवंत रेड्डी आहेत. त्यांना 54916 मते मिळाली आहेत.

उत्तर तेलंगणातील कामरेड्डी ही जागा मुख्यमंत्री के चंद्रशेखर राव आणि नंतर रेवंत रेड्डी यांच्या प्रवेशामुळे चर्चेत आली होती. दोन दिग्गजांमध्ये झालेल्या लढतीत येथून भाजपचे उमेदवार कटिपल्ली व्यंकट रमण रेड्डी विजयी झाले. 2018 च्या निवडणुकीत बीआरएस उमेदवार गम्पा गोरवधन यांनी ही जागा जिंकली होती. याआधी 2014 च्या निवडणुकीतही काँग्रेसने येथून विजय मिळवला होता, मात्र 2023 मध्ये आता भाजपने जागा आपल्या ताब्यात घेतली आहे.

Please don’t ignore this great man! BJP’s Katipally Venkata Ramana defeated both the sitting CM of Telangana, KCR and Congress CM candidate, Revanth Reddy from Kamareddy Assembly seat. This is a major victory which is not being discussed at all! pic.twitter.com/2snVEXTVTd

— Kiren Rijiju (@KirenRijiju) December 3, 2023

दरम्यान, भाजपचे केंद्रीय मंत्री किरेन रिजिजू यांनी ट्विट करत कट्टीपल्ली वेंकट रमना रेड्डी यांंचं अभिनंदन केलं आहे.  केसीआर आणि रेवंत रेड्डी विधानसभेवर असणार आहेत. दुसऱ्या मतदार संघातूनही त्यांनी निवडणूक लढवली होती तिथे ते विजयी झाले आहेत.