मोठी बातमी! आणखी एका पक्षाला मोठा झटका;10 खासदार नॉटरिचेबल, बैठकीलाही दांडी, नावांची यादी समोर
गेल्या काही दिवसांपासून पक्षांतराला वेग आला आहे, वेगवेगळ्या पक्षांमधून आमदार, खासदार बाहेर पडून दुसऱ्या पक्षात प्रवेश करताना दिसून येत आहेत. आता राजकीय वर्तुळातून आणखी एक मोठी बातमी समोर आली आहे.
गेल्या काही दिवसांपासून पक्षांतराला वेग आला आहे, वेगवेगळ्या पक्षांमधून आमदार, खासदार बाहेर पडून दुसऱ्या पक्षात प्रवेश करताना दिसून येत आहेत. काही दिवसांपूर्वीच शिवसेना ठाकरे गटाला मोठा झटका बसला आहे. शिवसेनेमध्ये पडलेल्या फुटीनंतर हा शिवसेना ठाकरे गटाचे प्रमुख उद्धव ठाकरे यांच्यासाठी दुसरा मोठा धक्का होता. शिवसेना ठाकरे गटाच्या नऊ पैकी तब्बल सहा खासदारांनी शिवसेना ठाकरे गटाला सोडचिठ्ठी देत शिवसेना शिंदे गटात प्रवेश केला. त्यामुळे राज्यात शिवसेना शिंदे गटाची ताकद वाढली. या खासदारांच्या पक्षप्रवेशानंतर आता राज्यात महायुतीमध्ये शिवसेना शिंदे गटाकडे सर्वाधिक खासदारांची संख्या झाली आहे. दुसरीकडे पश्चिम बंगालमध्ये झालेल्या विधानसभा निवडणुकीनंतर तृणमूल काँग्रेसला देखील मोठा धक्का बसला होता. विधानसभा निवडणुकीत झालेल्या पराभवानंतर तृणमूल काँग्रेसमधून तब्बल 20 खासदार बाहेर पडले, त्यांनी एनसीपीआय पक्षात प्रवेश केला. त्यानंतर आता राजकीय वर्तुळातून आणखी एक मोठी बातमी समोर येत आहे.
ती म्हणजे तृणमूल काँग्रेसमधून बाहेर पडलेल्या आणि एनसीपीआय पक्षात प्रवेश केलेल्या 20 पैकी 10 खासदारांनी पक्षाच्या बैठकीला दांडी मारली आहे. यामध्ये खासदार युसूफ पठाण यांचा देखील समावेश आहे. त्यामुळे आता चर्चेला उधाण आलं आहे. दरम्या यासंदर्भात पक्षाकडून स्पष्टीकरण देखील देण्यात आलं आहे, काही खासदार हे परदेशात गेले आहेत, तर काही खासदार आपल्या कौटुंबीक जबाबदाऱ्यांमुळे व्यस्त असल्याचं पक्षाकडून सांगण्यात आलं आहे.
दरम्यान या खासदारांच्या अडचणी देखील आता वाढण्याची शक्यता आहे. तृणमूल काँग्रेसमधून बंडखोरी केल्या प्रकरणात लोकसभेचे अध्यक्ष ओम बिर्ला यांनी या खासदारांना नोटीस पाठवली होती, त्यांना उत्तर देण्यासाठी दोन आठवड्यांचा वेळ देण्यात आला होता. हा वेळ गुरुवारी संपला आहे, या खासदारांनी आता लोकसभा अध्यक्षांकडे आणखी दोन आठवड्याचा वेळ मागितला आहे, आता सर्व लक्ष हे लोकसभा अध्यक्षांच्या भूमिकेकडे लागलं आहे. या खासदारांवर सध्या अपात्रतेच्या कारवाईची टांगती तलावर आहे. त्यामुळे आता यांना आणखी दोन आठवड्याचा वेळ मिळणार का? की कारवाई होणार हे पहावं लागणार आहे.
बैठकीला दांडी मारलेल्या खासदारांची नावं
काकोली घोष दस्तीदार, सायोनी घोष, यूसुफ पठाण, माला रॉय, जून मालिया, पार्थ भौमिक, मिताली बाग, कालीपद सोरेन, असीत माल
