झाड एक काम अनेक; या छोट्याशा रोपट्यामुळे साप तर घरात येतच नाहीत, पण डास अन् झुरळांपासून देखील होते कायमची सुटका
भारतामध्ये अशी काही विशिष्ट झाडं आहेत, ज्याच्या वासामुळे साप घरात प्रवेश करत नाहीत. परंतु त्यामध्ये एक झाडं असं देखील आहे, ते जर घरात लावलं तर घरात सापच नाही पण झुरळ आणि डासं सुद्धा येत नाहीत.
अनेकांना आपल्या घरात किंवा घराच्या परिसरात झाडं लावण्याची आवड असते. सुंदर, सुंदर फुलं देणारी झाडं, फळं देणारी झाडं अनेकजण लावतात. मात्र तुम्ही कधी विचार केला आहे का? की तुम्ही तुमच्या घरात किंवा परिसरात जी झाडं लावतात, त्या झाडांचा उपयोग केवळ शोभेची वस्तू किंवा फळ, फूल देण्यापुरताच उपयोग होत नाही. तर यातील असे काही झाडं आहेत, जे जर तुम्ही घरात लावले तर या झाडांच्या विशिष्ट वासामुळे साप घरात येत नाहीत. आज आपण अशा एका झाडाची माहिती घेणार आहोत, हे झाड सापांना तर घरात येऊच देत नाही, मात्र हे झाडं जर तुमच्या घरात असेल तर पाली, झुरळं आणि डास देखील घरात प्रवेश करत नाहीत. या झाडाचा वास देखील खूपच सुवासिक असतो.
सध्या उन्हाळा सुरू झाला आहे. उन्हाळा आणि पावसाळ्याच्या दिवसात घरात विषारी कीटक तसेच साप घरात येण्याच्या प्रमाणामध्ये वाढ होते. या काळात डासांचं प्रमाण देखील अधिक असतं. आपण डासांच्या बचावासाठी विविध उपाय करतो. मात्र हे एक झाड जर तुम्ही लावलं तर डासांचा कायम स्वरुपी बंदोबस्त होऊ शकतो. तसेच या झाडांमुळे पाल आणि झुरळापासून देखील घराची सुटका होते.
झेंडूचं झाड – झेंडूच्या झाडाला येणारं फूल हे खूप आकर्षक असतं, या फुलांमधून विशिष्ट अशा प्रकारचा सुवासिक वास येतो. घराला तोरणं लावण्यासाठी देखील झेंडूच्या फुलांचाच वापर करतात. मात्र या झाडाचा आणखी एक फायदा असा की झेंडूच्या झाडाच्या पानाला आणि फुलांना जो विशिष्ट प्रकारचा वास असतो, त्या वासाचा सापांना त्रास होतो. त्यामुळे जिथे झेंडूचं झाडं असतं तिथे साप येत नाही, तसेच या वासांचा त्रास इतरही किटकांना होतो, त्यामुळे ते देखील घरात घुसत नाहीत. झेंडूच्या झाडामुळे पाली आणि डासांपासून देखील घराच्या संरक्षण होते. झेंडू प्रमाणेच लव्हेंडरचं देखील झाड लावू शकता. याच्या वासामुळे देखील डास घरात येत नाहीत.
