ज्याची भीती होती तेच घडलं, चिंता वाढवणारी बातमी; तेलाचे पुन्हा भडकले भाव, पेट्रोल-डिझेलची किमत आता…

Today Petrol Diesel Rate: होर्मुझच्या सामुद्रधुनीतील इराणच्या हल्ल्यानंतर कच्च्या तेलाच्या किमती गगनाला भिडल्या आहेत. शुक्रवारी सकाळी 6 वाजण्याच्या सुमारास ब्रेंट क्रूड तेलाच्या किमती 1.26 टक्क्यांनी वाढून प्रति बॅरल 83.53 डॉलरवर पोहोचल्या. दरम्यान, तेल विपणन कंपन्यांनी नेहमीप्रमाणे सकाळी 6 वाजता पेट्रोल आणि डिझेलचे दर जाहीर केले. दिलासादायक बाब म्हणजे दोन्ही इंधनांच्या दरात कोणताही बदल झालेला नाही. इंधन वापराबाबतही एक बातमी आहे. भारतातील इंधन वापर मागील महिन्याच्या तुलनेत जुलै 2026 मध्ये अंदाजे 3 टक्क्यांनी वाढून 19.92 दशलक्ष मेट्रिक टनवर पोहोचला आहे. मार्च 2026 नंतरची ही सर्वोच्च पातळी आहे. ही माहिती पेट्रोलियम मंत्रालयाच्या पेट्रोलियम नियोजन आणि विश्लेषण कक्षाने प्रसिद्ध केलेल्या आकडेवारीतून समोर आली आहे.

जुलैमध्ये, पेट्रोलची विक्री जूनच्या तुलनेत 0.8% आणि गेल्या वर्षीच्या तुलनेत 9.2% ने वाढली. डिझेलचा वापर, गेल्या वर्षीच्या तुलनेत 10% ने वाढला असला तरी, जून 2026 च्या तुलनेत 6% ने घटला. फेब्रुवारी 2026 पासूनची ही सर्वात कमी पातळी आहे. जर आंतरराष्ट्रीय कच्च्या तेलाच्या किमती दीर्घकाळ कमी राहिल्या आणि सरकारने करांमध्ये बदल केले, तर येत्या काळात पेट्रोल आणि डिझेल स्वस्त होऊ शकतात. मात्र, जर कच्च्या तेलाच्या किमती वाढल्या, तर दर वाढण्याची शक्यता आहे. तर दर महिन्यात सिलिंडरच्या दरातही बदल होताना दिसतात. 1 ऑगस्टपासून एलपीजी सिलेंडरच्या दरात कोणताही बदल झालेला नाही. ऑगस्टच्या पहिल्या दिवशी व्यावसायिक सिलेंडरच्या दरात 200 रुपयांची घट झाली होती. जुलैमध्ये एलपीजीचा वापर महिन्या-दर-महिना 7.5% पेक्षा जास्त वाढून 2.35 दशलक्ष टन झाला, जो मार्चनंतरचा सर्वोच्च स्तर आहे. वार्षिक आधारावर त्यात सुमारे 16% घट झाली आहे.

भारतातील पेट्रोल आणि डिझेलच्या किमती आंतरराष्ट्रीय कच्च्या तेलाच्या किमती, डॉलरच्या तुलनेत रुपयाची स्थिती, मालवाहतूक शुल्क, उत्पादन शुल्क आणि राज्य सरकारांनी आकारलेल्या व्हॅटवर अवलंबून असतात. परिणामी, इंधनाच्या किमती राज्य आणि शहरानुसार बदलू शकतात. प्रत्येक शहरात एकसारखी किमत नसते, प्रत्येक शहरात किमतीत बदलताना दिसतात. कुठे खूप जास्त किमती असतात तर कुठे खूप कमी किमती असतात.