Tukaram Mundhe: तुकाराम मुंढे पुन्हा एकदा अ‍ॅक्शन मोडवर, मुंबईतील 6 मोठ्या हॉटेल्सला दिला दणका
Tukaram Mundhe FDA Actions: मुंबईतील अन्न सुरक्षा विभागाने (FDA) तपासणीदरम्यान स्वच्छता, साठवणूक, तापमान नियंत्रण आणि देखभालीमध्ये त्रुटी आढळल्याने मुंबईतील अन्न आस्थापनांचे परवाने निलंबित केले आहेत.
Tukaram Mundhe FDA: मुंबईतील अन्न सुरक्षा विभागाने (FDA) तपासणीदरम्यान स्वच्छता, साठवणूक, तापमान नियंत्रण आणि देखभालीमध्ये त्रुटी आढळल्याने मुंबईतील अन्न आस्थापनांचे परवाने निलंबित केले आहेत. याव्यतिरिक्त, अन्न सुरक्षा मोहिमेचा भाग म्हणून इतर सहा आस्थापनांना सुधारणा सूचना (improvement notices) जारी करण्यात आल्या आहेत. एफडीएच्या म्हणण्यानुसार, कोणत्याही आस्थापनांचा परवाना रद्द करण्यात आलेला नाही.
ज्या आस्थापनांवर कारवाई होत आहे, त्यांमध्ये वांद्रे येथील ऑटर्स क्लब, दहिसर येथील डेली फ्रेश बेकर्स, खार पश्चिम येथील प्रिन्स ऑफ वेल्स रेस्टॉरंट, अंधेरी पश्चिम येथील कॅफे सिफारिश आणि चेंबूरमधील झेप्टो आउटलेट यांचा समावेश आहे. ऑटर्स क्लबमध्ये अन्नाची अयोग्य साठवणूक आणि हाताळणीमध्ये त्रुटी आढळल्या. तपासणीत असेही आढळून आले की, पंजाब सिंध डेअरीकडून पुरवलेले अॅनालॉग पनीर ‘रेग्युलर पनीर’ म्हणून दिले जात होते.
प्रिन्स ऑफ वेल्स रेस्टॉरंटमध्ये अन्नाच्या तापमानावर नियंत्रण, साठवणूक, उपकरणांची स्वच्छता आणि कीटक नियंत्रणामध्ये त्रुटी आढळून आल्या. कॅफे सिफारिशमध्ये अन्नाची पुरेशी साठवणूक आणि तापमान नियंत्रण प्रणाली आढळून आली. कर्मचाऱ्यांच्या वैयक्तिक स्वच्छतेच्या सुविधांमध्येही त्रुटी आढळल्या. सुधार सूचना मिळूनही, कॅफेने दिलेल्या वेळेत अहवाल सादर केला नाही.
चेंबूरमधील झेप्टोच्या एका आउटलेटमध्येही तपासणीदरम्यान, मांसाहारी शीत पदार्थांचे तापमान 9 अंश सेल्सिअस आणि फ्रॉजन फूडचे तापमान -11 अंश सेल्सिअस असल्याचे आढळून आले. एफडीएने म्हटले आहे की, दोन्ही पदार्थ निर्धारित तापमानापेक्षा जास्त तापमानात साठवले होते. ही कारवाई महाराष्ट्र एफडीए आयुक्त तुकाराम मुंडे यांच्या ‘सुरक्षित अन्न, सुरक्षित महाराष्ट्र’ मोहिमेअंतर्गत करण्यात आली. या मोहिमेदरम्यान, राज्यभरातील रेस्टॉरंट्स आणि इतर खाद्य आस्थापनांमध्ये स्वच्छतेशी संबंधित उल्लंघने आढळून आली.
बर्गर किंगवरही कारवाई एफडीएने यापूर्वी पुण्यात अन्न सुरक्षा आणि स्वच्छतेच्या नियमांचे उल्लंघन केल्याबद्दल कारवाई केली आहे. 11 ऑगस्ट ते 14 ऑगस्ट 2026 दरम्यान, ‘सुरक्षित अन्न, सुरक्षित औषध, सुरक्षित महाराष्ट्र’ या मोहिमेअंतर्गत, पुणे एफडीए विभागाने हॉटेल्स, रेस्टॉरंट्स, ई-कॉमर्स प्लेटफॉर्म आणि डेअरींची विशेष तपासणी केली. अस्वच्छ परिस्थिती आणि अन्न सुरक्षा मानकांचे उल्लंघन आढळून आल्यानंतर, 16 आस्थापनांचे परवाने तात्काळ निलंबित करण्यात आली. या मोहिमेअंतर्गत, पुण्यातील कॅम्प परिसरातील सर्वात जुन्या बर्गर किंग आउटलेटवरही कारवाई करण्यात आली.
