मोठी बातमी! तामिळनाडूच्या राजकारणात मोठा ट्विस्ट, थलपती विजय यांनी गेम फिरवला, अखेर संख्याबळाचं गणित जुळलं

तामिळनाडूच्या राजकीय वर्तुळातून मोठी बातमी समोर येत आहे, अखेर थलपती विजय यांच्या टीव्हीकेचा सरकार स्थापनेचा मार्ग मोकाळा झाला आहे. याबाबत आज सायंकाळी पत्रकार परिषद घेऊन थलपती विजय हे घोषणा करण्याची शक्यता आहे. तामिळनाडून विधानसभा निवडणूक निकालामध्ये मोठा उलटफेर पहायला मिळाला होता. थलपती विजय यांनी एआयएडीएमके आणि डीएमके सारख्या प्रस्तापीत पक्षांना चांगलाच धक्का दिला. टीव्हीकेला तामिळनाडूच्या विधानसभा निवडणूकीत सर्वाधिक जागा मिळाल्या. टीव्हीकेचे उमेदवार तब्बल 108 जागांवर विजयी झाले. तर दुसरीकडे सत्ताधारी डीएमके आणि एआयएडीएमके पक्षाला या निवडणुकीत मोठा फटका बसला होता. खुद्द स्टॅलीन यांचा देखील पराभव झाला.

मात्र जरी थलपती विजय यांचा पक्ष तामिळनाडूमधील सर्वात मोठा पक्ष ठरला असला तरी देखील त्यांच्याकडे बहुमत मिळेल एवढा आकडा नव्हता. तामिळनाडूनमध्ये सत्ता स्थापन करण्यासाठी 118 जागांची आवश्यकता आहे, आणि टीव्हेकेला 108 जागा मिळाल्या होत्या. त्यांना बहुमतासाठी 10 जागांची आवश्यकता होती. त्यानंतर टीव्हीकेला काँग्रेसने पाठिंबा दिला, त्यामुळे थलपती विजय यांना 112 आमदारांचा पाठिंबा मिळाला. मात्र तरी देखील त्यांना आणखी 6 आमदारांची गरज होती.  याचदरम्यान थलपती विजय यांनी राज्यपालांकडे दोनदा जाऊन सत्ता स्थापनेचा दावा केला होता, परंतु राज्यपालांनी त्यांना 118 आमदारांच्या सह्याचं पत्र  सादर करण्यास सांगितलं होतं. मात्र त्यांच्याकडे प्रत्येक्षात 112 आमदारांच्याच सह्याचं पत्र होतं.

मात्र आता हा पेच सुटला आहे. समोर आलेल्या माहितीनुसार थलपती विजय यांच्या टीव्हीकेला सीपीआय आणि सीपीएम पक्षांनी पाठिंबा दिला आहे. त्यामुळे 118 आमदारांचा आकडा जुळवण्यात थलपती विजय यांना यश आलं आहे. आज सायंकाळी चार वाजता पत्रकार परिषद घेऊन याबाबत घोषणा केली जाणार असल्याची माहिती समोर येत आहे.

दरम्यान यापूर्वी थलपती विजय यांनी एआयएडीएमकेकडे पाठिंब्यांची मागणी केली होती. मात्र त्यांनी थलपती विजय यांना पाठिंबा देण्यास नकार दिला होता. त्यामुळे थलपती विजय सर्वाधिक जागा मिळून देखील राज्यात सत्ता स्थापन करणार की नाही? असा प्रश्न उपस्थित होत होता. मात्र आता थलपती विजय यांनी बहुमताचं गणित जुळवल्याची माहिती समोर येत आहे.