नेहरुंच्या त्या फोटोवरून भाजप-काँग्रेसचे ट्विटरवॉर; नव्या संसदच्या उद्घाटनावरून वाद…

नवी दिल्ली: भाजप आणि काँग्रेसमध्ये रविवारी जोरदार ट्विटरवॉर सुरू झाले आहे. भारताचे पहिले पंतप्रधान जवाहरलाल नेहरू यांच्या फोटोवरून चालू झालेला वाद आता प्रचंड टोकाला पोहचला आहे. जवाहरलाला नेहरू यांचा फोटो शेअर करण्यात आला होता. काँग्रेसने त्यांच्या अधिकृत ट्विटर हँडलवर एक छायाचित्र शेअर केले असून ज्यामध्ये पक्षाने नेहरूंच्या चित्रासमोर पंतप्रधान मोदींचे एक लहान फोटो दाखवला आहे.तर त्याचवेळी या पोस्टवर भाजपकडूनही प्रत्युत्तर देण्यात आले आहे. भाजपनेही नेहरूंचे दोन फोटो दाखवले असून त्यामध्ये एका फोटोत ते खऱ्या आयुष्यातील आहेत असं दाखवले आहे तर दुसऱ्यामध्ये रील लाइफमध्ये असल्याचे सांगितले आहे.

काँग्रेसकडूनही दुपारी एक पोस्ट शेअर करण्यात आली होती. या पोस्टमध्ये काँग्रेसने जवाहरलाल नेहरूंचा मोठा फोटो लावला आहे. जे कृष्णधवल रंगात आहे.

नेहरूंच्या फोटोसमोर पंतप्रधान नरेंद्र मोदी यांचे लहान असा फोटो दाखवण्यात आला आहे. या पोस्टच्या कॅप्शनमध्ये ‘तुम्ही कितीही प्रयत्न केले तरी हरकत नाही’ असं स्पष्टपणे लिहिण्यात आले आहे. या पोस्टमधून पंतप्रधान नरेंद्र मोदी यांच्यावर थेट निशाणा साधण्यात आला आहे.

पंतप्रधान मोदी नवीन संसद भवनाचे उद्घाटन करत असताना काँग्रेसने हे ट्विट केले आहे. त्याचवेळी काँग्रेसच्या या पदावर भाजपनेही जोरदार प्रत्युत्तर दिले आहे.

कितनी भी कोशिश कर लो pic.twitter.com/SHjCWZUP9z

— Congress (@INCIndia) May 28, 2023

भाजपने आपल्या अधिकृत ट्विटर हँडलवरदेखील हे पोस्ट केले आहे. त्यामध्ये नेहरूंचे हाच फोटो वापरण्यात आला आहे. पण या फोटोच्या दोन बाजू बनवल्या आहेत ज्यामध्ये एका भागात नेहरूंचा मोठा फोटो कॅमेरासमोर दाखवण्यात आला आहे.

नेहरू का सच… https://t.co/1OvDveuTMp pic.twitter.com/V4xuZVZ6Bk

— BJP (@BJP4India) May 28, 2023

कॅमेऱ्याच्या पुढच्या बाजूला रील लिहिलेले आहे तर दुसरीकडे नेहरूंचे एक लहान चित्र दाखवण्यात आले आहे. यावरून आता भाजपने काँग्रेसवर उलट निशाणा साधला आहे.

भाजपकडून ही पोस्ट काँग्रेसच्या पोस्टनंतर तब्बल तासाभराने करण्यात आली आहे. भाजपने या पोस्टच्या कॅप्शनमध्ये ‘नेहरूंचे सत्य…’ असे लिहित त्यांनी काँग्रेसच्या पोस्टला उत्तर देत ती पोस्ट केली आहे.