समान नागरी कायद्याला उद्धव ठाकरे गटाचं समर्थन, राजकीय वर्तुळात एकच चर्चा!

मुंबई : स्वातंत्र्यापासूनच वादाचा मुद्दा असलेला समान नागरी कायदा कधी लागू होईल यावर जोरदार चर्चा सुरु आहे. संघ- भाजपाच्या एजेंड्यावर असलेले अनेक कायदे मोदी सरकारच्या काळात आणले गेले. भाजपाच्या वचननाम्यात असलेले कलम 370, राम मंदीर, ट्रिपल तलाक, असे एकेक वचन पूर्ण करत, आता समान नागरिक कायदा लागू करण्याचा विचार मोदी सरकार करत आहे. 22 व्या कायदा आयोगाने यावर नागरिकांचे मत मागवली आहेत. मागच्या काही निवडणुंकाआधी प्रत्येक वेळा भाजपा कडून त्याच्या वचननाम्यात समान नागरी कायद्या आणण्याचे वजन दिलं जात आहे.

देशातील समान नागरी कायद्यावर जोरदार चर्चा सुरु असून अनेक पक्ष याला विरोध करत आहे. तर अनेक पक्ष याचे समर्थनही करत आहे, आता ठाकरे गटानेही याचे जोरदार समर्थन केले आहे.

जर संसदेत समान नागरिक कायद्याचे बिल आणले गेले, तर आम्ही त्याचे समर्थन करु, असे ठाकरे गटाकडून सांगण्यात येत आहे. सूत्रांनी दिलेल्या माहिती नूसार, भाजपाला विरोध करणाऱ्या अनेक पक्षांनी समान नागरी कायद्याचे समर्थन केले आहे. ठाकरे गट, आम आदमी पक्ष, वायएसआर काँग्रेस पक्ष, बीजेडी असे अनेक पक्ष समान नागरी कायद्याला समर्थन देण्याच्या तयारीत आहे.

बाळासाहेब ठाकरे यांनी कायमच समान नागरी कायद्याचे समर्थन केलं आहे. ठाकरे गटासाठी हा भावनिक मुद्दा आहे. जर ठाकरे गटाने याचा विरोध केला तर ते हिंदुत्वापासून लांब गेल्याचा आरोप त्यांच्यावर होवू शकतो.

बाळासाहेब ठाकरे यांचे समान नागरी कायद्याबद्दल काय विचार होते?

बाळासाहेब ठाकरे यांचे तीन स्वप्न होते. ज्यात अयोध्या येथील राम मंदीर, काश्मीरमधून कलम 370 हटवने आणि देशात समान नागरी कायदा लागू करणे. उद्धव ठाकरे यांनी 20 जून रोजी पत्रकार परिषद घेवून समान नागरी कायद्याचे समर्थन केलं होतं.

खासदार संजय राऊत यांचे वक्तव्य

खासदार संजय राऊत यांनी समान नागरी कायद्याचा ड्राफ्ट आला नसून याबद्दल आत्ताच काही बोलणे चूकीचे ठरु शकते. ड्राफ्ट आल्यावर शिउबाठा आपली भूमिका स्पष्ट करेल, असे संजय राऊत म्हणाले.