धक्कादायक ! बिहारमध्ये प्रेयसीला मनवण्यासाठी केलेले आत्महत्येचे नाटक बेतले जीवावर

बिहार : रुसलेल्या प्रेयसीला मनवण्यासाठी आत्महत्येचे नाटक (Drama) प्रियकराच्या जीवावर बेतले आहे. या घटनेत प्रियकराला गळफास लागून त्याचा मृत्यू (Death) झाल्याची घटना बिहारमधील पटनामध्ये घडली आहे. याप्रकरणी अथमलगोला पोलिस ठाण्यात नोंद करण्यात आली असून पोलिस तरुणाच्या मृत्यूबाबत अधिक तपास करीत आहेत. मयत तरुणाचा प्रेयसीसोबत काही कारणावरुन वाद झाला होता. त्यामुळे प्रेयसीला मनवण्यासाठी तरुण लाईव्ह फाशीचे नाटक करत होता. याच नाटकामुळे त्याला प्राण गमवावे लागले आहे. (Young man strangled to death in Bihar live hanging drama)

काय घडलं नेमकं ?

पटनाजवळ असलेल्या बरहमधील रुपस गावात रहिवासी असलेला तरुण बुधावारी रात्री जेवण करुन आपल्या रुममध्ये गेला. त्यानंतर त्याने आपल्या प्रेयसीला व्हिडिओ कॉल केला आणि गप्पा मारत होता. मात्र बोलता बोलता दोघांमध्ये कशावरुन तरी वाद झाला. त्यानंतर तरुणाने प्रेयसीला समजूत काढण्याचा खूप प्रयत्न केला. मात्र प्रेयसी ऐकतच नव्हती. त्यामुळे तरुण प्रेयसीला मनवण्यासाठी व्हिडिओ कॉलवर प्रेयसीसमोर फाशी घेण्याचे नाटक करीत होता. इतक्यात बोलता बोलता त्याच्या हातातून फोन निसटला आणि खाली पडला. त्यामुळे फोन पकडण्यासाठी अनावधानाने तो वाकला आणि गळ्यात असलेला फास आवळला जाऊन त्याचा मृत्यू झाला.

अशी उघड झाली आत्महत्येची बाब

प्रेयसीने तरुणाच्या शेजाऱ्याला फोन करुन घटनेची माहिती दिली. शेजाऱ्याने घरच्यांना येऊन सांगितले. घरच्यांनी मुलाच्या रुममध्ये खिडकीतून डोकावून पाहिले असता मुलगा खरोखर फासावर लटकलेला दिसला. याप्रकरणी तात्काळ अथमलगोला पोलिस ठाण्यात घटनेची माहिती देण्यात आली. पोलिसांनी घटनास्थळी धाव घेत मृतदेह ताब्यात शवविच्छेदनासाठी पाठवला. याप्रकरणी कुटुंबीयांकडून माहिती घेऊन पोलीस या प्रकरणाचा तपास करत आहेत. (Young man strangled to death in Bihar live hanging drama)

इतर बातम्या

Gujrat Drowned Death : गुजरात विविध घटनेत 11 जणांचा बुडून मृत्यू, अंघोळीसाठी गेले असता घडली घटना

Dhaka Attack : बांगलादेशमध्ये पुन्हा हिंदू निशाण्यावर; ढाक्यात इस्कॉनच्या मंदिरावर हल्ला