AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Dhaka Attack : बांगलादेशमध्ये पुन्हा हिंदू निशाण्यावर; ढाक्यात इस्कॉनच्या मंदिरावर हल्ला

तब्बल 150 ते 200 कट्टरतावाद्यांच्या जमावाने ढाका शहरातील इस्कॉन (ISKON) राधाकांता मंदिरात घुसखोरी केली आणि तेथील सामानाची लूटमार करीत प्रचंड तोडफोड केली. या घटनेने हिंदू धर्मियांमध्ये भितीचे वातावरण निर्माण झाले आहे. हल्लेखोरांनी भाविकांच्या सामानाची लूट केली.

Dhaka Attack : बांगलादेशमध्ये पुन्हा हिंदू निशाण्यावर; ढाक्यात इस्कॉनच्या मंदिरावर हल्ला
ढाक्यात इस्कॉनच्या मंदिरावर हल्ला
| Edited By: वैजंता गोगावले | Updated on: Mar 18, 2022 | 10:38 PM
Share

ढाका : बांगलादेशमध्ये हिंदूविरोधातील आकस अधूनमधून बाहेर पडत आहे. बांगलादेशच्या सरकारने सुरक्षेबाबत आश्वासन देऊनही गुरुवारी रात्री पुन्हा एकदा हिंदूंच्या मंदिरावर हल्ल्या (Attack)ची घटना घडल्याची माहिती समोर आली आहे. तब्बल 150 ते 200 कट्टरतावाद्यांच्या जमावाने ढाका शहरातील इस्कॉन (ISKON) राधाकांता मंदिरात घुसखोरी केली आणि तेथील सामानाची लूटमार करीत प्रचंड तोडफोड केली. या घटनेने हिंदू धर्मियांमध्ये भितीचे वातावरण निर्माण झाले आहे. हल्लेखोरांनी भाविकांच्या सामानाची लूट केली. रात्रीच्या सुमारास हल्लेखोरांनी हा हैदोस घातल्याने प्रचंड खळबळ उडाली. हल्ल्यात अनेक हिंदू भाविक जखमी झाले. हिंदुस्थानने या घटनेचा तीव्र निषेध केला आहे. (Attack on ISKCON temple in Dhaka, Bangladesh)

वारी परिसरातील मंदिरावर हल्ला

वारी परिसरातील 222 लाल मोहन साहा स्ट्रीटवर उभारलेल्या मंदिरावर हा हल्ला झाला. गुरुवारी सायंकाळी 7 च्या सुमारास हाजी सैफुल्लाह यांच्या नेतृत्वाखाली 200 हून अधिक लोक इस्कॉन राधाकांता मंदिरात घुसले. त्यांनी भाविकांना बाजूला ढकलून देत मंदिराची तोडफोड तसेच इतर मौल्यवान सामानाची लूटालूट सुरू केली. हल्लेखोरांच्या जमावाने भाविकांना मारहाणही केली. त्यात अनेकांना दुखापत झाली आहे.

होळीच्या एक दिवस आधी हा हल्ला झाल्याने हिंदू धर्मियांमध्ये प्रचंड दहशत पसरली आहे. हा हल्ला गंभीर चिंतेचा विषय असून बांगलादेश सरकारने हिंदूंना सुरक्षा पुरवावी व हल्लेखोरांवर कठोर कारवाई करावी, अशी मागणी कोलकाता इस्कॉनचे उपाध्यक्ष राधारामन दास यांनी केली आहे. दरम्यान, मोदी सरकारमधील सूत्रांनी एएनआयला सांगितले की, ढाका येथील उच्चायुक्त तिथल्या अधिकाऱ्यांच्या संपर्कात आहे.

यापूर्वीही मंदिरांवर हल्ल्यांच्या घटना

बांगलादेशातील हिंदू मंदिरावर हल्ला झाल्याची ही पहिलीच घटना नाही. गेल्या वर्षी नवरात्रीच्या काळात काही दुर्गा पूजा मंडपांवर हल्ले झाले होते. त्यावेळी अनेक मंदिरांवरही हल्ले झाले. त्या हिंसाचारात 2 हिंदूंसह 7 जणांचा मृत्यू झाला होता. त्यानंतरही ढाक्यातील इस्कॉन मंदिरावर हल्ला झाला होता. बांगलादेशातील अल्पसंख्याकांच्या हक्कांसाठी काम करणार्‍या एका संस्थेच्या अहवालानुसार, गेल्या 9 वर्षांत बांगलादेशातील हिंदूंवर जवळपास 4000 हल्ले झाले आहेत. बांगलादेशची लोकसंख्या 16.5 कोटी असून त्यात 9 टक्के हिंदू आहेत. गेल्या तीन-चार वर्षांत येथील हिंदू आणि हिंदूंच्या धार्मिक स्थळांवर हल्ले वाढले आहेत. गेल्या वर्षी नवरात्रोत्सवात अनेक मंदिरांवर हल्ले केले गेले होते. त्यावेळीही ढाक्यातील इस्कॉन मंदिरावर हल्ला झाला होता. (Attack on ISKCON temple in Dhaka, Bangladesh)

इतर बातम्या

तब्बल 18 दिवसांनी त्याचं पार्थिव भारतात येणार, युक्रेन युद्धात भारतीयांच्या जखमा भेगाळल्या

Kashmir filesमधील तथ्य चुकीची, मुस्लिम आणि शिखांचं बलिदान विसरले; ओमर अब्दुल्ला कडाडले

Follow Us
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण