आदित्य धर- यामी गौतमची संपत्ती बनली चर्चेचा विषय; किती कमावतात ‘पॉवर कपल’?
'धुरंधर' दिग्दर्शक आदित्य धर सध्या सोशल मीडियावर सर्वाधिक चर्चेत आहे. या चित्रपटांच्या तुफान यशानंतर आदित्यच्या संपत्तीत चांगलीच वाढ झाली आहे. पत्नी यामी गौतम आणि आदित्य यांची एकूण संपत्ती किती आहे, त्याबद्दल जाणून घेऊयात..
'धुरंधर' आणि 'धुरंधर: द रिव्हेंज' या दोन्ही चित्रपटांच्या प्रचंड यशानंतर दिग्दर्शक आदित्य धर तुफान चर्चेत आहे. आदित्य आता बॉलिवूड इंडस्ट्रीतल्या सर्वांत यशस्वी दिग्दर्शकांपैकी एक ठरला आहे. या दोन्ही चित्रपटांनंतर त्याच्या संपत्तीतही चांगली वाढ झाली आहे.
आदित्यची पत्नी आणि अभिनेत्री यामी गौतमसुद्धा अभिनयक्षेत्रात नाव कमावतेय. 'हक' या चित्रपटातील तिच्या दमदार अभिनयकौशल्याचं प्रेक्षकांकडून खूप कौतुक झालं. यामी आणि आदित्य यांच्याकडे एकूण किती संपत्ती आहे, ते पाहुयात..
एका रिपोर्टनुसार, आदित्य धर आणि यामी गौतम या दोघांची एकत्र मिळून संपत्ती 100 ते 125 कोटी रुपयांदरम्यान आहे. त्यापैकी यामीची कमाई सर्वाधिक आहे. यामीकडे 90 कोटी रुपयांपेक्षा अधिक संपत्ती आहे.
आदित्य धरची कमाई ही चित्रपटांच्या दिग्दर्शनातून आणि लेखनातून होते. तर यामी अभिनय आणि जाहिराती यांमधून कमावते. आदित्य एका चित्रपटासाठी जवळपास आठ ते दहा कोटी रुपये मानधन घेतो.
बॉलिवूड इंडस्ट्रीतील पॉवर कपल म्हणून या दोघांकडे पाहिलं जातं. आता 'धुरंधर 2'च्या यशानंतर आदित्यच्या संपत्तीत आणखी वाढ होण्याची शक्यता आहे. या दोन्ही चित्रपटांनी मिळून 2000 कोटी रुपये कमावले आहेत. दुसऱ्या भागाची कमाई अद्याप सुरूच आहे.
आदित्य धरचा जन्म 1983 मध्ये दिल्लीतल्या एका काश्मिरी पंडित कुटुंबात झाला. त्याची आई दिल्ली युनिव्हर्सिटीमध्ये काम करत होती. त्याच शहरात आदित्यने त्याचं शिक्षण पूर्ण केलं. त्याचं क्रिकेटर बनण्याचं स्वप्न होतं.
