PHOTO | कराडमध्ये कुत्र्यांची दहशत; नागरिक धस्तावले!
गेल्या चार दिवसात दोन लहान मुलांसह पाच जणांवर या कुत्र्यांनी जीवघेणे हल्ले केले आहेत.
कराड शहरात मोकाट कुत्र्यांचा वावर मोठ्या प्रमाणावर वाढला आहे. गेल्या चार दिवसात दोन लहान मुलांसह पाच जणांवर या कुत्र्यांनी जीवघेणे हल्ले केले आहेत. त्यामुळे कराडकरांमध्ये सध्या दहशतीचं वातावरण आहे
गेल्या आठवड्यात श्री हॉस्पिटल परिसरात एका महिलेला मोकाट कुत्र्याने चावा घेतल्याची घटना ताजी असतानाच दोन लहान मुलांवर कुत्र्यांनी जीवघेणी हल्ला करुन जखमी केले आहे.
पहाटेच्या सुमारास व्यायाम अथवा दुचाकीवरुन जाणाऱ्या नागरिकांचा मोकाट कुत्र्यांचे कळप पाठलाग करतात. त्यामुळे अपघाताचा धोका वाढला असून नागरिकांमध्ये दहशत निर्माण झाली आहे.
कराड शहरात विविध भागात मोकाट कुत्र्यांच्या झुंडीच्या झुडी पहायला मिळत आहेत.
शहरात दोन हजारांहून अधिक भटकी कुत्री असून पालिकेकडे अनेकदा मागणी करुनही कराड पालिकेने दुर्लक्ष केले आहे.
दक्ष कराडकर या ग्रुपच्या माध्यमातून शहरातील प्रशनांसह नागरिकांच्या समस्यांना वाचा फोडणारे सामाजिक कार्यकर्ते प्रमोद पाटील यांनी मोकाट कुत्र्यांचा बंदोबस्त करावा, अशी मागणी नगरपालिका प्रशासनाकडे निवेदनाद्वारे केली आहे.
पालिकेने कुत्र्यांचा त्वरीत बंदोबस्त न केल्यास भटकी कुत्री पालिकेत सोडणार असल्याचा इशाराही दिला आहे.
