Marathi News Photo gallery Obsession budget and box office movie directed by youtuber beats star wars record break collection
खर्च 9 कोटी, कमाई 1400 कोटी.. हॉरर चित्रपटाचा जगभरात डंका; सर्वांवर भारी पडला युट्यूबर
एक असा हॉरर चित्रपट ज्याला एका युट्यूबरने बनवलं आहे, तो सध्या जगभरातील बॉक्स ऑफिसवर धुमाकूळ घालतोय. एक अंकी बजेटचा आकडा असलेल्या या चित्रपटाने अकरा अंकी आकड्यामध्ये कमाई केली आहे.
अवघ्या 26 वर्षांच्या एका युट्यूबरने चित्रपट बनवला असून या चित्रपटाने तब्बल 14,00,00,00,000 रुपयांची म्हणजेच जवळपास 1400 कोटी रुपयांची कमाई केली, असं सांगितलं तर तुमचा विश्वास बसेल का? हे खरंच घडलंय. हा चित्रपट या वर्षातील टॉप रेटेड हॉरर थ्रिलर बनला असून जगभरात त्याची छप्परफाड कमाई सुरू आहे. या चित्रपटाने हॉलिवूडसोबतच बॉलिवूडमध्येही आपली छाप सोडली आहे.
1 / 6
आयएमडीबीवर दहापैकी 8.5 अशी उत्तम रेटिंग मिळवलेल्या या चित्रपटाचं नाव 'ऑब्सेशन' (Obsession) असं आहे. 1 तास 49 मिनिटांचा हा चित्रपट या वर्षातील सर्वांत दमदार हॉरर चित्रपट असल्याचं म्हटलं जात आहे. या चित्रपटाच्या कमाईवरून सहज अंदाज लावला जाऊ शकतो की प्रेक्षक त्याला किती पसंत करत आहेत?
2 / 6
'ऑब्सेशन' या चित्रपटाचा दिग्दर्शक करी बार्कर असून तो एक युट्यूबर आहे. या चित्रपटाच्या माध्यमातून त्याने पहिल्यांदाच दिग्दर्शनात पदार्पण केलं आहे. दिग्दर्शनासोबतच त्याने या चित्रपटाची कथासुद्धा लिहिली आहे. त्याचसोबत एडिटिंगची जबाबदारीसुद्धा त्यानेच सांभाळली आहे. या चित्रपटापुढे 'स्टार वॉर्स'चे चित्रपट 'द मंडलोरियन' आणि 'ग्रोगु'सुद्धा फिके पडले आहेत.
3 / 6
करी बार्कर हा प्रसिद्ध युट्यूबर आणि अभिनेता आहे. युट्यूबवर त्याचं 'दॅट्स अ बॅड आयडिया' नावाने चॅनल आहे. या चॅनलवर तो सहसा कॉमेडी व्हिडीओ पोस्ट करतो. ऑब्सेशन या चित्रपटाच्या आधी त्याने 'मिल्क अँड सीरिअल' नावाचा एक हॉरर चित्रपट बनवला होता.
4 / 6
'ऑब्सेशन' या चित्रपटाने आतापर्यंत जगभरात तब्बल 1400 कोटी रुपयांपेक्षा अधिकचा गल्ला जमवला आहे. या चित्रपटाचं बजेट फक्त 1 मिलियन डॉलर म्हणजेच 9 कोटी रुपयांपेक्षाही कमी आहे. अवघ्या काही दिवसांत 'ऑब्सेशन'ने 150 पटींनी अधिक नफा कमावला आहे.
5 / 6
या चित्रपटाची कथा 'बियर' नावाच्या एका तरुणाची आहे. जो एका म्युझिक स्टोअरमध्ये काम करतो आणि त्याला त्याची निक्की नावाची मैत्रीण खूप आवडू लागते. एके दिवशी तो त्या म्युझिक स्टोअरमधून एक असं सुपरनॅच्युरल खेळणं खरेदी करतो, जो त्याची इच्छा पूर्ण करतो. निक्कीने त्याच्यावर प्रेम करावं, हीच त्याची इच्छा असते. हे खेळणं बियरची इच्छा तर पूर्ण करतं, मात्र त्याचे परिणाम अत्यंत भयानक असतात.
