या चित्रपटाच्या शूटिंगमध्ये अभिनेता आणि अभिनेत्रीचं झालेले प्रचंड भांडण, वादामध्ये पार पडलं शूटिंग, रिलीज होताच ठरला सुपरहिट
तुम्ही अनेकदा ऐकलं असेल की सेटवर अनेक अभिनेता अभिनेत्रींची मैत्री होते. पण असा एक चित्रपट आहे जिथे उलट झालं. तिथे प्रचंड भाडणं झालं पण जेव्हा चित्रपट प्रदर्शित झाला तेव्हा तो सुपरहिट ठरला.
1982 साली प्रदर्शित झालेला ऋषी कपूर यांचा ‘नसीब अपना अपना’ हा चित्रपट त्या काळातील चर्चेतील सिनेमांपैकी एक ठरला होता. हा चित्रपट एका तमिळ चित्रपटाचा हिंदी रिमेक होता. चित्रपटात ऋषी कपूर, फराह नाझ आणि राधिका हे प्रमुख भूमिकेत झळकले होते.
कथानक, भावनिक संघर्ष आणि संगीतामुळे हा सिनेमा प्रेक्षकांच्या लक्षात राहिला. विशेषतः या चित्रपटातील गाणे 'भला है बुरा है जैसा भी है, मेरा पति मेरा देवता है' आजही लोकांच्या स्मरणात आहे. हे गाणे त्या काळात प्रचंड लोकप्रिय झाले होते आणि आजही जुन्या हिंदी गाण्यांच्या यादीत हमखास ऐकायला मिळते.
‘नसीब अपना अपना’ची कथा नशीब, प्रेम आणि अहंकार याभोवती फिरते. चित्रपटाचा प्लॉट पूर्णपणे ड्रामेटिक असून त्यात नातेसंबंधांतील ताणतणाव, गैरसमज आणि भावनिक संघर्ष दाखवण्यात आला आहे. ऋषी कपूर यांनी साकारलेला नायकाचा रोल प्रेक्षकांना प्रचंड भावला.
चित्रपटाच्या शूटिंगदरम्यान ऋषी कपूर आणि फराह नाझ यांच्यात सतत मतभेद होते अशी माहिती अनेक रिपोर्ट्समधून समोर आली आहे. ऋषी कपूर यांना फराह नाझचा वागणूकपट व्यावसायिक वाटत नव्हता. त्यांच्या मते, फराह सेटवर उशिरा येणे, असभ्य भाषा वापरणे आणि गोंधळ घालणे असे प्रकार करत असल्यामुळे वातावरण तणावपूर्ण होत असे.
फराह नाझ या प्रसिद्ध अभिनेत्री तब्बू यांच्या मोठ्या बहीण आहे. त्या काळात फराह नाझ बॉलिवूडमधील आघाडीच्या अभिनेत्रींपैकी एक मानल्या जात होत्या. मात्र त्यांचा स्पष्टवक्तेपणा, तिखट स्वभाव आणि रागीट वागणूक यामुळे त्या अनेकदा वादात सापडत असत. काही रिपोर्ट्सनुसार, त्यांनी काही कलाकारांसोबत सेटवर वाद घातले होते आणि अगदी हातघाईपर्यंत प्रकरणे गेल्याचाही उल्लेख आढळतो.
आज अनेक दशकांनंतरही ‘नसीब अपना अपना’ हा चित्रपट त्यातील गाणी, कथानक आणि पडद्यामागील वादांमुळे आठवणीत राहिला आहे. विशेषतः राधिकाची चंदो, ऋषी कपूर यांचा अभिनय आणि गाजलेले गाणे यामुळे हा चित्रपट 80 च्या दशकातील लक्षवेधी चित्रपटांपैकी एक मानला जातो.
