Marathi News Photo gallery Salman khan former co star huma khan faced a tragic downfall after her husband divorced her
सलमान खानच्या त्या हिरोईनला नवऱ्याने केले उद्ध्वस्त! मेहुणीशीच केले लग्न, भाईजानने केली होती मदत
सलमान खानची ती पाकिस्तानी हिरोइन, जिने सुपरस्टारसोबत दोन-दोन ब्लॉकबस्टर चित्रपटांमध्ये काम केले आहे. पण तरीही तिचं करियर वेग पकडू शकलं नाही. ही अभिनेत्री भारतासह पाकिस्तानातही ओळखली जात होती. तिने बालकलाकार म्हणून आपल्या करियरची सुरुवात केली होती.
असे अनेक कलाकार आहेत ज्यांनी ब्लॉकबस्टर डेब्यूनंतर प्रसिद्धी मिळवली. नंतर ते अचानक गायब झाले. ही कहाणीही अशाच एक स्टारची आहे. तिने सलमान खानसोबत 'मैंने प्यार किया' आणि 'हम साथ साथ हैं'मध्ये काम केलं, पण तरीही स्टारडम आणि प्रसिद्धीच्या शिखरावर ती पोहोचू शकली नाही.
1 / 7
तिने सलमान खानसोबत बॉलिवूडच्या सर्वात मोठ्या हिट चित्रपटांपैकी एकमध्ये काम केलं, पण तिचा प्रवास फार सोपा नव्हता. आम्ही ज्या अभिनेत्रीविषयी बोलत आहोत तिचे नाव हुमा खान आहे. तिने या रोमँटिक ड्रामातून ओळख निर्माण केली, पण नंतर अशा अडचणींचा सामना केला की ती पूर्णपणे तुटली.
2 / 7
पाकिस्तानात जन्मलेल्या हुमाने फिल्म आणि टीव्ही शोजमध्ये बालकलाकार म्हणून काम केलं, नंतर ती संपत्ती आणि प्रसिद्धी कमावण्यासाठी भारतात आली. तिने १९८१ मध्ये 'आपस की बात' या हिंदी चित्रपटातून बॉलिवूडमध्ये पदार्पण केले. त्यानंतर 'आज का एमएलए', 'शराबी', 'हम हैं लाजवाब' आणि 'अंदर बहार' सारख्या चित्रपटांमध्ये ती दिसली. त्यानंतर हुमाला सूरज बडजात्याच्या आयकॉनिक सिनेमा 'मैंने प्यार किया'मध्ये सलमान खान आणि भाग्यश्रीसोबत रोल मिळाला. चित्रपटात तिची भूमिका छोटी होती, पण तिला ओळख नक्की मिळाली. गाण्यांपासून ते कथेपर्यंत, 'मैंने प्यार किया' आजही सर्वात आवडीच्या सिनेंमांपैकी एक आहे. 'मैंने प्यार किया'नंतर ती 'हम साथ साथ हैं'मध्येही दिसली. या मल्टीस्टारर फिल्ममुळे तिला ओळख मिळाली, पण करियरमध्ये कायमस्वरूपी यश मिळालं नाही.
3 / 7
१९९२ मध्ये शेजाऱ्याशी लग्न केल्यानंतर तिच्या आयुष्यात मोठा वळण आलं. वैयक्तिक आयुष्यावर लक्ष केंद्रित करण्यासाठी तिने अभिनयापासून अंतर ठेवलं. लाखो स्वप्नं घेऊन लग्नाच्या बंधनात अडकलेल्या या हिरोइनने कधी स्वप्नातही विचार केला नव्हता की हे लग्न तिला तोडून टाकेल.
4 / 7
अभिनेत्री हुमाच्या नवऱ्याने तिला घटस्फोट दिला आणि फक्त एवढंच नव्हे तर नवऱ्याने तिला घटस्फोट देऊन तिच्याच बहीण नईमा हिच्याशी लग्न केलं. अभिनेत्रीच्या नवऱ्याने आणि बहिणीने मिळून तिला कंगाल बनवलं होतं. तिची सर्व जमा-पूंजी हिसकावून घेतली आणि ती रस्त्यावर आली होती.
5 / 7
आयुष्य चालवण्यासाठी हुमाने छोटे-मोठे रोल केले. याच दरम्यान सलमान खानने तिची मदत केली आणि सर्वात वाईट वेळेत तिला आर्थिक आणि कायदेशीर आधार दिला. व्हायरल बॉलिवूडला दिलेल्या एका जुन्या इंटरव्ह्यूमध्ये हुमाने सांगितलं होतं की तिचा जुना मित्र सलमानने करिअर आणि आयुष्याच्या सर्वात वाईट काळात तिची मदत केली, कोर्ट केसच्या वेळीही ते तिच्यासोबत उभे राहिला.
6 / 7
२०२१ मध्ये पुण्याच्या अतिरिक्त सत्र न्यायाधीश ए. वगवसे यांनी हुमाला तीन वर्षांच्या तुरुंगवासाची शिक्षा सुनावली. तिच्यावर आपल्या घरात काम करणाऱ्या बाईच्या 12 वर्षांच्या मुलीचं अपहरण करून तिला छळ करण्याचा आरोप होता.
