Test Cricket : करुण नायर याच्यापेक्षा 3 दुर्देवी फलंदाज, अर्धशतकाच्या प्रतिक्षेला 12 वर्षांनंतर पूर्णविराम
Longest Gap Between 2 Fifty Scores In Tests : करुण नायर याने 2016 साली अर्धशतकाचं रुपांतर थेट त्रिशतकात केलं होतं. करुणला त्यानंतर अर्धशतकासाठी 2025 ची वाट पाहावी लागली. मात्र करुण व्यतिरिक्त असे 3 फलंदाज आहेत ज्यांच्या 2 अर्धशतकात 10 पेक्षा अधिक वर्षांचं अंतर राहिलंय. जाणून घ्या.
भारतीय कसोटी संघाचा फलंदाज करुण नायर याने ओव्हलमधील इंग्लंड विरुद्धच्या पाचव्या कसोटी सामन्यातील पहिल्या दिवशी अर्धशतक झळकावलं. करुणने या अर्धशतकासह अनेक वर्षांची प्रतिक्षा संपवली. करुणला त्याच्या कारकीर्दीतील दुसर्या अर्धशतकासाठी तब्बल 8 वर्ष 227 दिवसांची वाट पाहावी लागली. करुण व्यतिरिक्त 3 फलंदाजांना त्यांच्या कसोटी कारकीर्दीतील 2 अर्धशतकांमध्ये 10 पेक्षा अधिक वर्ष वाट पाहावी लागली. ते कोण आहेत? हे जाणून घेऊयात. (Photo Credid-PTI)
दक्षिण आफ्रिकेचा माजी ऑलराउंडर रॉबिन पीटरसन याला कसोटीत अर्धशतकासाठी करुण नायरपेक्षा अधिक प्रतिक्षा करावी लागली होती. रॉबिनने 9 वर्ष 289 दिवसांनंतर (2003-13) कसोटीत अर्धशतक ठोकलं होतं. (Photo Credit -Getty Images)
पाकिस्तानचा माजी सलामवीर फवाद आलम याच्या 2 कसोटी अर्धशतकात 11 वर्ष आणि 167 दिवसांचा अंतर राहिलं. फवादने 2009 नंतर थेट 2020 साली अर्धशतक ठोकलं. (Photo Credit : Respective Owner)
या यादीत भारताचा माजी विकेटकीपर फलंदाज पार्थिव पटेल पहिल्या स्थानी आहे. पार्थिवच्या 2 अर्धशतकांमध्ये 12 वर्ष 43 दिवसांचं (2004-16) अंतर राहिलं. (Photo Credit : PTI)
त्यानंतर आता करुण नायर याने त्याची अनेक वर्षांची प्रतिक्षा संपवली. करुणला अर्धशतकासाठी 3 हजार 146 दिवसांची (2016-25) प्रतिक्षा करावी लागली. (Photo Credit : PTI)
