IPL 2026 : आरसीबीची Qualifier 1 मध्ये कामगिरी कशी? पाहा आकडे
IPL 2026 Qualifier 1, RCB vs GT: आयपीएल 2026 स्पर्धेतील क्वालिफायर 1 सामन्यात गुजरात टायटन्ससमोर गतविजेत्या रॉयल चॅलेंजर्स बंगळुरुचं आव्हान असणार आहे. जाणून घ्या दोन्ही संघांची आतापर्यंतची Qualifier-1 मधील आकडेवारी.
आयपीएल स्पर्धेतील 19 वा मोसम शेवटच्या टप्प्यात आहे. प्लेऑफ फेरीतील पहिला सामना हा 26 मे रोजी होणार आहे. क्वालिफायर-1 सामन्यात रॉयल चॅलेंजर्स बंगळुरु विरुद्ध गुजरात टायटन्स आमनेसामने असणार आहेत. हा सामना हिमाचल प्रदेश क्रिकेट असोसिएशन स्टेडियमध्ये आयोजित करण्यात आला आहे. (Photo Credit : PTI)
क्वालिफायर-1 सामन्यातील विजेता संघ थेट अंतिम फेरीत पोहचतो. त्यामुळे दोन्ही संघांत हा सामना जिंकण्यासाठी कडवी झुंज पाहायला मिळणार आहे. या निमित्ताने आरसीबीची आतापर्यंत क्वालिफायर-1 सामन्यातील कामगिरी कशी राहिली आहे हे जाणून घेऊयात. (Photo Credit : PTI)
आरसीबीची क्वालिफायर-1 मॅच खेळण्याची ही चौथी वेळ असणार आहे.आरसीबीने याआधी खेळलेल्या 3 पैकी 2 क्वालिफायर-1 मॅचमध्ये विजय मिळवला आहे. तर आरसीबीला एकदा पराभूत व्हावं लागलं आहे. (Photo Credit : PTI)
आरसीबीने 2011 साली पहिल्यांदा क्वालिफायर-1 सामना चेन्नई सुपर किंग्स विरुद्ध खेळला होता. आरसीबीला या सामन्यात पराभूत व्हावं लागलं होतं. त्यानंतर आरसीबीने 2016 साली गुजरात लायन्स आणि 2025 मध्ये पंजाब किंग्सला पराभूत केलं होतं. (Photo Credit : PTI)
तसेच गुजरात टायटन्सने 2 वेळा क्वालिफायर-1 सामना खेळला आहे. गुजरातने या पैकी एकदा विजय मिळवून थेट फायनलमध्ये धडक दिली आहे. गुजरातने पहिल्यांदाच 2022 साली राजस्थान रॉयल्सला पराभूत करुन अंतिम फेरीचं तिकीट मिळवलं होतं. तर गुजरातला 2023 साली चेन्नई विरुद्ध पराभूत व्हावं लागलं होतं. (Photo Credit : PTI)
