141 मिनिटांचा वादग्रस्त चित्रपट, सेंसर बोर्डने दिलेलं A सर्टिफिकेट, आता YouTube वर पाहण्यासाठी प्रेक्षकांची उडाली झुंबड
141 मिनिटांचा प्रचंड वादग्रस्त चित्रपट, ज्याला सेंसर बोर्डाने दिलेलं A सर्टिफिकेट. मात्र, अशातच आता अचानक YouTube वर रिलीज झाल्याने प्रेक्षकांची पाहण्यासाठी उडाली झुंबड
दक्षिणात्य चित्रपटसृष्टीतून आलेल्या एका चर्चित चित्रपटाबद्दल सध्या बरीच चर्चा रंगत आहे. Mrs & Mr हा तमिळ चित्रपट बॉक्स ऑफिसवर अपेक्षित यश मिळवू शकला नाही. मात्र त्यानंतर तो थेट यूट्यूबवर रिलीज झाल्यामुळे पुन्हा चर्चेत आला आहे.
या चित्रपटाचे दिग्दर्शन आणि कथा लेखन वनीता विजयकुमार यांनी स्वतः केले असून, त्यांनीच चित्रपटात मुख्य भूमिका साकारली आहे. विशेष म्हणजे या चित्रपटाची निर्मिती त्यांच्या मुलगी जोविका विजयकुमार हिने केली आहे. जोविका यापूर्वी Bigg Boss Tamil Season 7 मध्ये दिसली होती.
11 जुलै 2025 रोजी प्रदर्शित झालेल्या या चित्रपटाला सुरुवातीपासूनच प्रेक्षक आणि समीक्षकांकडून नकारात्मक प्रतिसाद मिळाला. कमकुवत पटकथा आणि सादरीकरणामुळे चित्रपट बॉक्स ऑफिसवर फ्लॉप ठरला. त्यामुळे या चित्रपटाला ओटीटी प्लॅटफॉर्मवरही अपेक्षित प्रतिसाद मिळाला नाही.
‘Mrs & Mr’ ची कथा 40 वर्षांच्या आधुनिक स्त्रीच्या आयुष्याभोवती फिरते. विद्या अरुण या पात्रामध्ये वनीता विजयकुमार दिसतात. विद्या ही स्वतःच्या अटींवर जीवन जगण्याचा प्रयत्न करणारी महिला आहे. तिच्या आयुष्यातील एक मोठा प्रश्न म्हणजे आई होण्याचा निर्णय. समाजाकडून येणारा दबाव आणि स्वतःच्या इच्छांमध्ये ती कशी अडकते, याचे भावनिक चित्रण या चित्रपटात करण्यात आले आहे.
हा चित्रपट 141 मिनिटांचा असून, त्याला ‘A’ सर्टिफिकेट देण्यात आले आहे. दरम्यान, या चित्रपटावर कॉपीराइट वादही निर्माण झाला. प्रसिद्ध संगीतकार इलैयाराजा यांनी वनीता विजयकुमार यांच्यावर कायदेशीर कारवाई केली. मात्र, हा चित्रपट यूट्यूबवर रिलीज झाल्यामुळे आता या चित्रपटाला नव्याने प्रेक्षक मिळण्याची शक्यता व्यक्त केली जात आहे.
