भरती प्रक्रियेत अफरातफर, MPSC च्या अध्यक्षाची गाढवावरुन धिंड काढू, भाजप नेत्याचा इशारा

महाराष्ट्र लोकसेवा आयोगाच्या भरती प्रक्रियेत अफरातफर झाल्याचा आरोप भाजप नेते गोपीचंद पडळकर यांनी केला (MPSC Recruitment Process) आहे.

भरती प्रक्रियेत अफरातफर, MPSC च्या अध्यक्षाची गाढवावरुन धिंड काढू, भाजप नेत्याचा इशारा

सांगली : महाराष्ट्र लोकसेवा आयोगाच्या (Maharashtra Public Service Commission -MPSC) भरती प्रक्रियेत अफरातफर झाल्याचा आरोप भाजप नेते गोपीचंद पडळकर यांनी केला (MPSC Recruitment Process) आहे. जर पुन्हा अशी अफरातफर झाली तर महाराष्ट्र लोकसेवा आयोगाच्या अध्यक्षाची गाढवावर बसून धिंड काढू, असा इशारा गोपीचंद पडळकर यांनी दिला आहे

काही दिवसांपूर्वी महाराष्ट्र लोकसेवा आयोगाच्या संकेतस्थळावर एक जाहिरात प्रसिद्ध झाली होती. यात राज्य सरकार PSI च्या 605 जागा भरणार असल्याचे नमूद केलं आहे. त्यानुसार NT प्रवर्गासाठी साडेतीन टक्क्याने 22 जागा असणं गरजेचं आहे. पण त्यात फक्त 2 जागा NT प्रवर्गासाठी दिल्या आहे. त्यामुळे उरलेल्या 20 जागा कुठे गेल्या? असा प्रश्न गोपीचंद पडळकर यांनी उपस्थित केला आहे.

तसेच महाराष्ट्र लोकसेवा आयोगाच्या भरती प्रक्रियेत घोळ आहे. त्यामुळे चोरी झालेल्या 20 जागा द्या, अशीही मागणी पडळकरांनी केली (MPSC Recruitment Process) आहे.

2010 ते 2019 पर्यंत NT च्या 293 जागा भरायच्या होत्या. त्यापैकी 200 चं जागा भरल्या. उरलेल्या 93 जागा चोरीला गेल्या आहेत, असेही पडळकर म्हणाले.

याबाबत सरकारने सुधारित जाहिरात काढा, त्यानंतरच परीक्षा घ्या. जर सुधारित जाहिरात काढली नाही तर आम्ही महाराष्ट्रात परीक्षा होऊ देणार नाही अशी भूमिकाही पडळकरांनी घेतली आहे.

जर भरती प्रक्रियेत जागेच्या बाबत अफरातफर करत असतील, तर महाराष्ट्र लोकसेवा आयोगाच्या अध्यक्षाची हकालपट्टी करावी अशी मागणीही गोपीचंद पडळकरांनी राज्यपालांना केली आहे.

तसेच पुन्हा महाराष्ट्र लोकसेवा आयोगाच्या अध्यक्षाने भरती प्रक्रियेत अफरातफर केली, तर तो व्यक्ती अध्यक्ष पदावर राहण्याच्या लायकीचा नाही असे समजून त्याची गाढवावर बसून धिंड काढू असा इशारा गोपीचंद पडळकरांनी दिला (MPSC Recruitment Process) आहे.

कमेंट करा

कमेंट करा

Your email address will not be published. Required fields are marked *