मला सबसिडी नको, पण चालत्या कामात खोडा घालू नका : नितीन गडकरी

मला सबसिडी नको, मात्र चालत्या कामात खोडे टाकून त्याला पंक्चर करू नका, असं गडकरी (Nitin Gadkari) म्हणाले.

मला सबसिडी नको, पण चालत्या कामात खोडा घालू नका : नितीन गडकरी

नागपूर : माझे प्रयोग आऊट ऑफ बॉक्स असतात, त्यामुळे कोणी एकाएकी विश्वास ठेवत नाही. पण ते सगळे प्रयोग मी स्वतः यशस्वी करत असतो. त्यासाठी सरकारी मदत आणि अनुदान/सबसिडी मी घेत नाही. सरकारकडे मदत मागत नाही, असं केंद्रीय रस्ते विकासमंत्री  नितीन गडकरी (Nitin Gadkari) यांनी पुन्हा एकदा अधोरेखित केलं. मला सबसिडी नको, मात्र चालत्या कामात खोडे टाकून त्याला पंक्चर करू नका, असं गडकरी (Nitin Gadkari) म्हणाले.

नागपुरात आज विदर्भ मराठवाडा दुग्ध विकास प्रकल्पाच्या सामंजस्य करार कार्यक्रम पार पडला. त्यावेळी गडकरी बोलत होते.

गडकरींनी सरकारच्या मदतीबाबत यापूर्वीही असंच वक्तव्य केलं होतं. नवीन तंत्रज्ञानाचा फायदा घेत उद्योग व्यवसायाला यशस्वी केलं जाऊ शकते. त्यादृष्टीने प्रयत्न करण्याची गरज आहे. साखरेचं उत्पादन आपल्याकडे मोठ्या प्रमाणात वाढलं आहे, असं गडकरींनी सांगितलं.

दुग्ध विकासासोबतच मत्स्य पालनावरही भर दिल्यास, शेतकऱ्यांना फायदा होईल, असं मत यावेळी पशू आणि मत्स्यविकास मंत्री महादेव जानकर यांनी व्यक्त केलं.

सरकार जिथं हात लावतं, तिथे सत्यानाश होतो : गडकरी

केंद्रीय मंत्री नितीन गडकरी (Nitin Gadkari) यांनी काही दिवसापूर्वीच परखड भाष्य केलं होतं. गडकरी अनेकदा आपल्या भाषणातून ते सरकारचे कानही उपटत असतात. यावेळीही त्यांनी सरकारला घरचा आहेर दिला होता. सरकारच्या कामाच्या पद्धतीवर बोलताना त्यांनी सरकार जिथं हात लावतं, तिथं सत्यानाश होतो, असं मत व्यक्त केलं. ते नागपूरमध्ये मदर डेअरी (Mother Dairy) कार्यक्रमात बोलत होते.

संबंधित बातम्या 

सरकार जिथं हात लावतं, तिथं सत्यानाश होतो : नितीन गडकरी   

नागपूर : काम पूर्ण करा अन्यथा नागरिकांना सांगून धुलाई करु : नितीन गडकरी 

कमेंट करा

कमेंट करा

Your email address will not be published. Required fields are marked *