“ईडीची तारीख आली की खडसेंना कोरोना होतो”, गिरिश महाजनांचा खोचक टोला

ईडीकडून चौकशीची तारीख आली की राष्ट्रवादी काँग्रेसचे नेते एकनाथ खडसे यांना कोरोना होतो," असा खोचक टोला भाजप नेते गिरीश महाजन यांनी लागवला. (girish mahajan eknath khadse corona)

एकनाथ खडसे आणि गिरिश महाजन

Prajwal Dhage | Updated on: Mar 30, 2021 | 3:50 PM

जळगाव : “ईडीकडून चौकशीची तारीख आली की राष्ट्रवादी काँग्रेसचे नेते एकनाथ खडसे (Eknath Khadse) यांना कोरोना होतो,” असा खोचक टोला भाजप नेते गिरीश महाजन (Girish Mahajan) यांनी लगावला. ते ‘टीव्ही 9 माराठी’शी जळगावमध्ये बोलत होते. यावेळी त्यांनी खडसेंवर जोरदार प्रहार केले. (Girish Mahajan criticizes Eknath Khadse on ED enquiry and Corona infection)

महाजन यांची खडसेंवर खोचक टीका

राष्ट्रवादीचे एकनाथ खडसे आणि भाजप नेते गिरीश महाजन यांच्यातील राजकीय वैर कधी लपून राहिलेले नाही. वेळ मिळेल तेव्हा हे दोन्ही नेते एकमेकांर जोरदार टीका करताना दिसतात. भाजपमध्ये झालेल्या कोंडीमुळे खडसे यांनी पक्षांतर केल्यामुळे तर गिरीश महाजन त्यांच्यावर उघडपणे शाब्दिक प्रहार करताना दिसतात. यावेळीदेखील महाजन यांनी खडसेंना घेरण्याची संधी सोडली नाही. मागील काही दिवासांपासून खडसेंच्या मागे ईडीचे शुक्लकाष्ठ लागलेले आहे. तसेच आतापर्यंत खडसे यांना तीन वेळा कोरोनाची आणि कोरोनासदृश्य लक्षणे दिसून आली आहेत. या दोन्ही गोष्टींचा संदर्भ घेऊन महाजन यांनी खडसेंना घेरलंय. जेव्हा जेव्हा ईडीकडून चौकशीची तारीख येते, तेव्हा तेव्हा खडसे यांना कोरोनाची लागण होते; असं म्हणत महाजन यांनी खडसेंना कोंडीत पकडण्याचा प्रयत्न केला आहे.

खडसेंना यापूर्वी कितीवेळा कोरोना झाला?

राज्यात कोरोना महामारीचा संसर्ग सुरु झाल्यापासून आतापर्यंत अनेक नेत्यांना कोरोनाची लागण झाली आहे. खडसेंनासुद्धा आतापर्यंत तीन वेळा कोरोना आणि कोरोनासदृश लक्षणे दिसून आली आहेत. त्यांची सर्वांत अधी 19 नोव्हेंबर 2020 रोजी कोरोनाची लागण झाल्याची माहिती समोर आली होती. ट्विटरवर त्यांनी तशी माहिती दिली होती. त्यानंतर 31 डिसेंबर रोजी पुन्हा त्यांना कोरोना सदृश्य लक्षणे आढळल्याने डॉक्टरांनी त्यांना 14 दिवस होम क्वारंटाईनचा सल्ला दिला होता. त्यानंतर पुन्हा फेब्रुवारी महिन्यात त्यांना कोरोनाची लागण झाली होती.

रक्षा खडसे यांनासुद्धा कोरोनाची लागण

रावेर लोकसभा मतदारसंघाच्या भाजप खासदार रक्षा खडसे यांना कोरोनाचा संसर्ग झाला होता. 18 फेब्रुवारी रोजी रक्षा खडसे यांची प्रकृती बिघडल्यानं त्यांची कोरोना चाचणी करण्यात आली होती. मुक्ताईनगर येथील खासदार कार्यालयाकडून ही माहिती देण्यात आली होती

Gold Rate Today: 10 ग्रॅम सोन्याची किंमत तेव्हा फक्त 63 रुपये होती, आता 710 पट दर वाढले, गुंतवणूक किती फायद्याची?#goldrateindia #goldrateIndiatoday #goldratetoday #goldrates https://t.co/Wi8tF0yswi

— TV9 Marathi (@TV9Marathi) March 30, 2021