कमळ हाती घेताच भाजपविरोधी जुनं ट्विट डिलीट, नेटकरी म्हणतात, ‘भूतकाळ पाठ सोडणार नाही’

हार्दिक यांनी वारंवार भाजपवर टीका केली आहे. भाजप कसा धर्मांध पक्ष आहे. हे त्याने दाखवून दिलं. ईडी, देशदोह यासारख्या मुद्द्यांवरून भाजपला घेरलं त्याच पक्षात त्यांनी आज प्रवेश केला. त्यामुळे त्यांचं एक जुनं ट्विट व्हायरल होतंय.

आयेशा सय्यद | Updated on: Jun 02, 2022 | 6:26 PM

मुंबई : हार्दिक पटेल (Hardik Patel) यांनी आज भाजपमध्ये (BJP) प्रवेश केला. त्यांच्या या पक्षप्रवेशाची देशभर चर्चा होतेय. आधी काँग्रेससोबत वैचारिक बांधिकली करणारे हार्दिक पटेल यांनी अचानकपणे भाजपमध्ये जाणं अनेकांसाठी आश्चर्यकारक आहे. मागच्या सहा वर्षांच्या सार्वजनिक जीवनात हार्दिक यांनी भाजपवर जोरदार टीका केली. पण आता भाजप लोकहिताचा विचार करणारा पक्ष आहे म्हणत त्यांनी भाजपचा झेंडा हाती घेतला. त्यांचं हे वैचारिकदृष्ट्या बदलणं अनेकांसाठी आश्चकश्चर्याचा धक्का देणारं आहे. त्यामुळे हार्दिक यांची जुनी विधानं त्यांचे ट्विट आता व्हायरल (Hardik Patel Viral Tweet) होऊ लागले आहेत. अश्याच एका जुन्या ट्विटवरून नेटकऱ्यांनी हार्दिक यांना प्रश्न विचारले आहेत.

हार्दिक यांचं जुनं ट्विट

हार्दिक यांनी वारंवार भाजपवर टीका केली आहे. भाजप कसा धर्मांध पक्ष आहे. हे त्याने दाखवून दिलं. ईडी, देशदोह यासारख्या मुद्द्यांवरून भाजपला घेरलं त्याच पक्षात त्यांनी आज प्रवेश केला. त्यामुळे त्यांचं एक जुनं ट्विट व्हायरल होतंय. यात त्यांनी जर एखाद्याला सकाळी देशद्रोही जाहीर केलं आणि त्याने संध्याकाळी भाजपमध्ये प्रवेश केला तर त्याला देशभक्ताांच्या पंगतीत बसवलं जातं, असं ट्विट हार्दिक यांनी 2016 मध्ये केलं होतं. ते ट्विट आता व्हायरल होत आहे. त्यावर नेटकऱ्यांनी आपली प्रतिक्रिया देखील दिली आहे.

हार्दिक यांचं हे ट्विट शेअर करत नेटकऱ्यांनी आपली प्रतिक्रिया दिली आहे. एकाने म्हटलंय, ‘भूतकाळ पाठ सोडणार नाही.’