राष्ट्रवादीचे 12 आमदार भाजपच्या वाटेवर असल्याच्या चर्चा, नवाब मलिक म्हणतात…

मुंबई : राष्ट्रवादीचे 12 आमदार भाजपच्या वाटेवर असल्याच्या अफवा राष्ट्रवादीचे प्रवक्ते आणि अल्पसंख्याक विकास मंत्री नवाब मलिक यांनी फेटाळून लावल्या आहेत. हे वृत्त निराधार असल्याचा दावा मलिक यांनी केला. (Nawab Malik Denies Rumors of 12 NCP MLAs joining BJP)

“काही जण राष्ट्रवादीचे 12 आमदार भाजपच्या वाटेवर असल्याच्या अफवा पसरवत आहेत. हे वृत्त निराधार आणि कपोलकल्पित आहे. उलट निवडणुकीआधी भाजपमध्ये गेलेले आमदार राष्ट्रवादीमध्ये परतण्यास उत्सुक आहेत. मात्र यावर अद्याप कोणताही निर्णय घेण्यात आलेला नाही. याविषयी लवकरच निर्णय घेऊन घोषणा करण्यात येईल” अशी माहिती नवाब मलिक यांनी ट्विटरवरुन दिली.

कुछ लोग 12 एनसीपी विधायकों की बीजेपी में जाने की अफवाह फैला रहें है, यह बे बुनियाद और मनगढन्त खबर है, उलट चुनाव से पहले बीजेपी में गए विधायक एनसीपी में लौटने के लिए आतूर हैं लेकिन इस पर अभी कोई फैसला नहीं हुआ है जल्द फैसला कर जानकारी सार्वजनिक की जाए गी ।@PTI_News @ani_digital

— Nawab Malik نواب ملک नवाब मलिक (@nawabmalikncp) August 10, 2020

राष्ट्रवादीतून भाजपमध्ये गेलेले तत्कालीन आमदार

राणा जगजितसिंह पाटील – तुळजापूर, उस्मानाबाद – पुन्हा विजयी बबनराव पाचपुते –  श्रीगोंदा, अहमदनगर – पुन्हा विजयी वैभव पिचड –  अकोले, अहमदनगर – पराभूत (आता आमदार नाही)

नमिता मुंदडा – केज, बीड (आधी आमदार नव्हत्या, आता विजयी)

(Nawab Malik Denies Rumors of 12 NCP MLAs joining BJP)

नमिता मुंदडा यांच्याविषयी फारच रंजक गोष्ट घडली होती. शरद पवार यांनी मुंदडा यांना केजमधून उमेदवारी जाहीर केली. मात्र त्यानंतर मुंदडा यांनी पक्षाला रामराम ठोकला आणि भाजपचा झेंडा हाती धरला. त्या याआधी आमदार नव्हत्या. परंतु भाजपच्या तिकीटावर त्या निवडून आल्या आहेत.

राष्ट्रवादीतून शिवसेनेमध्ये गेलेले तत्कालीन आमदार

भास्कर जाधव –  गुहागर, रत्नागिरी – पुन्हा विजयी जयदत्त क्षीरसागर – बीड, बीड – पराभूत (आता आमदार नाही) पांडुरंग बरोरा – शहापूर, ठाणे – पराभूत (आता आमदार नाही) दिलीप सोपल – राष्ट्रवादी ते शिवसेना – बार्शी, सोलापूर – पराभूत (आता आमदार नाही)

रश्मी बागल – करमाळा, सोलापूर – (आधी आमदार नव्हत्या, निवडणुकीतही पराभूत) शेखर गोरे – माण, सातारा – (आधी आमदार नव्हते, निवडणुकीतही पराभूत)

संबंधित बातमी :

शरद पवारांची साथ सोडलेल्या आमदारांचं काय झालं?

(Nawab Malik Denies Rumors of 12 NCP MLAs joining BJP)