कुठंतरी काहीतरी शिजतंय, देशात विरोधीपक्षातील नेत्यांवर केसेस दाखल होताहेत-सुप्रिया सुळे

नाविद पठाण, TV9 मराठी, प्रतिनिधी, बारामती : राष्ट्रवादीच्या खासदार सुप्रिया सुळे यांनी संजय राऊत (Sanjay Raut) यांच्या बाबत बोलताना महत्वाचं विधान केलंय. कुठंतरी काहीतरी शिजतंय, देशात 90 टक्क्यांपेक्षा जास्त विरोधीगटातील नेत्यांवर केसेस आहेत, असं सुप्रिया सुळे (Supriya Sule) म्हणाल्या आहेत. “एक बातमी आली होती. देशात 90 टक्के पेक्षा जास्त केसेस या विरोधकांवर आहेत. त्यांना एटक केली जात आहे. जे विरोधात बोलतात त्यांच्यवरच्या कारवाईमध्ये वाढ झाली आहे, असं सुप्रिया सुळे म्हणाल्या आहेत. त्या बारामतीत बोलत होत्या.

“अजितदादा, मी पण पंढरपुरातल्या संघाच्या शाखेत जायचो”, असं शहाजी बापू पाटील म्हणाले होते. त्यावर सुप्रिया सुळे यांनी उत्तर दिलं आहे.

सुप्रिया सुळे यांनी शहाजीबापू पाटलांच्या या विधानावरही भाष्य केलंय. शहाजी बापू पाटलांना वाटतं. तसं ते बोलतात, विरोधक पण दिलदार असला पाहिजे. दादा म्हणतो ना ज्या आंब्याला आंबे असतात त्यालाच माणसं दगड मारतात…बाभळीच्या झाडाला कोण मारते का? कायतरी असेल म्हणून रोज टीका करतात ना?, असं सुप्रिया सुळे म्हणाल्या आहेत.

शिवसेनेचं चिन्ह असणाऱ्या धनुष्यबाणा बाबत सुनावणी झाली. त्यावर सुप्रिया सुळे बोलल्या. राष्ट्रवादी हा पक्ष काँग्रेसपासून वेगळा झाला. तेव्हा सोशल मीडिया नव्हता. तरीही आम्ही निवडणूक जिंकलोच की. शिवसेनेचं चिन्ह जरी गोठवलं किंवा ते मिळालं नाही. तरी कोणत्याही संघटनेला आलं चिन्ह लोकांपर्यंत पोहोचवणं फार आवघड होणार नाही, असंही सुप्रिया सुळे म्हणाल्या आहेत.