“स्वत: शेण खाता अन् ‘त्या’ महिलेचा दाऊदशी संबंध जोडता, राहुल शेवाळे तुम्हाला लाज वाटली पाहिजे!”

मुंबई : शिंदे गटाचे खासदार राहुल शेवाळे यांच्यावर शोषणाचे आरोप ठेवण्यात आले आहेत. एका फॅशन डिझायनरचं आरोप ठाकरे गटाने शेवाळेंवर आरोप केले आहेत.याबाबत राहुल शेवाळे (Rahul Shewale) यांनी पत्रकार परिषद घेत सगळे आरोप फेटाळले आहेत. याबाबत राष्ट्रवादीच्या नेत्या रुपाली पाटील (Rupali Patil Thombre) यांनी टीव्ही 9 मराठीशी बोलताना शेवाळेंना आव्हान दिलं आहे.

“राहुल शेवाळे स्वत: शेण खातात आणि त्या महिलेचा दाऊदशी संबंध जोडतात. राहुल शेवाळे यांना असं बोलताना लाज वाटली पाहिजे!”, असं रुपाली पाटील म्हणाल्या आहेत.

“राहुल शेवाळे यांच्यावर आरोप करणाऱ्या महिलेच्या जीवाला धोका आहे”, असंही रुपाली पाटील म्हणाल्या आहेत.

एकीकडे राहुल शेवाळे म्हणतात की या महिलेचा दाऊदशी संबंध आहे. तर मग राहुल शेवाळे आणि या महिलेचे जवळचे संबंध होते. अगदी वरचेवर बोलणं व्हायचं याचा अर्थ राहुल शेवाळे यांनी दाऊदतच्या हस्तकाशी संबंध ठेवले आणि तिला देशातील अंतर्गत माहिती पुरवली, असा अर्थ घ्यायचा का?, असा सवाल रुपाली पाटील म्हणाल्या आहेत.

शेवाळे यांच्यावर आरोप करणाऱ्या महिलेचा दाऊदशी संबंध नाही. पण जर शेवाळे तसा आरोप करत असतील तर शेवाळेंनी देशाच्या विरोधात काम केलं, असं म्हणत शेवाळेंवरच कारवाई व्हायला पाहिजे, असं रुपाली पाटील म्हणाल्या आहेत.

फेक अकाऊंटच्या माध्यमातून महिलेने मला ब्लॅकमेल केलं. या महिलेची पार्श्वभूमी पाहता ती महिला गुन्हेगारी पार्श्वभूमीची असल्याचं लक्षात येतं. तिच्या आरोपांमध्ये तथ्य नाही. माझ्यावर आरोप करणारी महिला दोन वेळा कराचीला जाऊन आली आहे. या महिलेची दाऊद आणि पाकिस्तानशी लिंक आहे. पाकिस्तानी एजंटच्या मदतीने तिने फेक अकाऊंट सुरू केलं होतं. या महिलेची पार्श्वभूमी गुन्हेगारी पार्श्वभूमीची आहे, असं म्हणत राहुल शेवाळे यांनी आपल्यावरील आरोप फेटाळले आहेत. त्यावर रुपाली पाटलांनी पलटवार केलाय.