Tukaram Mundhe: पुण्यातील डॉक्टरवर FDAची थेट कारवाई, करत होता मोठा स्कॅम, तुकाराम मुंढे यांनी जे सांगितलं ते ऐकून तुम्हालाही बसेल धक्का

अन्न व औषध प्रशासन विभागाचे आयुक्त तुकाराम मुंढे हे आता चर्चेता विषय ठरला आहे. तुकाराम मुंढे यांच्याकडे हे पद येताच त्यांनी ज्यापद्धतीने धाडधाड कारावाया केल्या त्याने सर्वांचीच झोप उडवली आहे. खऱ्या अर्थाने आपल्या पदाचा मान राखणार अधिकारी म्हणून तुकाराम मुंढे यांची आता सगळीकडे चर्चा होत आहे. अनेकवेळा सेलिब्रिटी लोकांची चर्चा पाहायला मिळते किंवा त्यांना अतिथी म्हणून कार्यक्रमांना बोलावले जाते.  आता हे चित्र बदलले दिसत आहे. आता सर्व ठिकाणी तुकाराम मुंढे यांना बोलावले जात आहे. अनेक कार्यक्रमांना तुकाराम मुंढे यांनी हजेरी लावलेली पाहायला मिळाली. आता नुकत्याच दिलेल्या मुलाखतीत तुकाराम मुंढे यांनी एक धक्कादायक प्रकार उघटकीस आणला आहे.

तुकाराम मुंढे यांच्याकडून धक्कादायक प्रकार समोर

तुकाराम मुंढे यांनी नुकत्या NDTV Profit ला दिलेल्या मुलाखतीत सांगितले की,” पुण्यातील एका व्यक्तीनं तो तुकाराम मुंढे यांचा डॉक्टर असल्याचे पसरवले. त्या व्यक्तीने त्याची ओळख मुंढे यांच्याशी असून काही काम असल्यास करुन देऊ, असा मेसेज व्हाटस ॲप ग्रुपवर टाकला. या प्रकरणामुळे संबंधित डॉक्टरवर गुन्हाही दाखल करण्यात आला आहे. ” तुकाराम मुंढे म्हणाले की, मला हा मेसेज माझ्या भावाने दाखवला, आणि त्यांना तो मेसेज त्यांच्या मित्राने. हे समजताच आम्ही कारवाई केली. तो माणूस बाहेरचा होता म्हणून नाही जर माझ्या खरंच नात्यातला असता आणि त्याने असा प्रकार केली असता तरीही मी हेच केलं असतं”

नेमकं काय घडलं?

पुण्यातील एका डॉक्टरनं तुकाराम मुंढे यांचे आपण डॉक्टर असून आपली त्यांच्याशी चांगली ओळख आहे,  त्यांच्याकडे काही काम असल्यास आपण सहज करुन देऊ असा मेसेज व्हाटस ॲप ग्रुपवर स्प्रेड केला होता. हा मेसेज टाकणं डॉक्टरला खूपच महागात पडलं. या मेसेज प्रकरणी पुण्यातील डॉक्टरवर गुन्हा दाखल करण्यात आला. पुण्यातील या डॉक्टरचं नाव हे डॉ. हिमांशू अजवानी असून तो 48 वर्षाचा आहे. पुण्यातील कोरेगाव पार्क पोलीस ठाण्यात हा गुन्हा दाखल करण्यात आला. या डॉक्टरचं व्हाटसअप चॅट समोर येताच FDA कडून तक्रार करण्यात आली होती.