देशातील सर्वात श्रीमंत मुख्यमंत्री कोण?

नवी दिल्ली : निवडणुकीच्या रणधुमाळीत सध्या वेगवेगळ्या नेत्यांच्या अथवा त्यांच्या निकटवर्तीयांच्या घरावर पडणाऱ्या आयकर छाप्यांची चर्चा सुरु आहे. त्यातूनच कोणत्या मुख्यमंत्र्याची संपत्ती किती? हाही अनेकांच्या जिज्ञासेचा विषय ठरत आहे. मध्यप्रदेशचे मुख्यमंत्री आणि काँग्रेसचे ज्येष्ठ नेते कमलनाथ यांच्या निकटवर्तीयांवर छापे पडल्यानंतर त्यांच्याही संपत्तीबाबत चर्चेला उधाण आले आहे. ते स्वतः एक उद्योगपती आहेत. त्यांचा मुलगा नकुलनाथ याच्या […]

देशातील सर्वात श्रीमंत मुख्यमंत्री कोण?
Follow us
| Updated on: Jul 05, 2019 | 4:04 PM

नवी दिल्ली : निवडणुकीच्या रणधुमाळीत सध्या वेगवेगळ्या नेत्यांच्या अथवा त्यांच्या निकटवर्तीयांच्या घरावर पडणाऱ्या आयकर छाप्यांची चर्चा सुरु आहे. त्यातूनच कोणत्या मुख्यमंत्र्याची संपत्ती किती? हाही अनेकांच्या जिज्ञासेचा विषय ठरत आहे.

मध्यप्रदेशचे मुख्यमंत्री आणि काँग्रेसचे ज्येष्ठ नेते कमलनाथ यांच्या निकटवर्तीयांवर छापे पडल्यानंतर त्यांच्याही संपत्तीबाबत चर्चेला उधाण आले आहे. ते स्वतः एक उद्योगपती आहेत. त्यांचा मुलगा नकुलनाथ याच्या नावावरही 6 अरब म्हणजेच 660 कोटींची संपत्ती आहे. त्यामुळे स्वतः कमलनाथ यांच्याकडे किती संपत्ती आहे याबद्दल अनेकांना उत्सुकता आहे. त्याअनुषंगाने देशातील सर्वात श्रीमंत मुख्यमंत्री खालीलप्रमाणे,

सर्वात श्रीमंत मुख्यमंत्र्यांच्या यादीत 5व्या क्रमांकावर आहेत तेलंगणाचे पहिले मुख्यमंत्री आणि आता दुसऱ्यांदा निवडून आलेले के. चंद्रशेखर राव (केसीआर). तेलंगणा राष्ट्र समितीचे प्रमुख केसीआर यांनी निवडणूक आयोगाला सादर केलेल्या आपल्या प्रतिज्ञापत्रात माहिती दिली आहे. त्याप्रमाणे त्यांच्याकडे 15.51 कोटी रुपयांची संपत्ती आहे.

केसीआर यांच्यापेक्षा अधिक संपत्तीसह पंजाबचे मुख्यमंत्री कॅप्टन अमरिंदर सिंग चौथ्या क्रमांकावर आहेत. अमरिंदर सिंग यांनी 48.31 कोटी रुपयांची संपत्ती असल्याची माहिती दिली आहे. त्यांच्या या संपत्तीत 6 कोटी रुपयांची जंगम मालमत्ता आहे तर 42 कोटी रुपयांची स्थावर मालमत्ता आहे.

मध्यप्रदेशमध्ये आयकर छाप्यानंतर ज्या मुख्यमंत्र्यांच्या श्रीमंतीची चर्चा सध्या सुरु आहे, ते कमलनाथ श्रीमंत मुख्यमंत्र्यांच्या यादीत तिसऱ्या क्रमांकावर आहेत. कमलनाथ यांनी निवडणूक आयोगाला सादर केलेल्या प्रतिज्ञापत्रात एकूण 124.67 कोटींची संपत्ती असल्याची माहिती दिली आहे. त्यांच्याकडे अँबेसेडर क्लासिक आणि सफारी स्टॉर्म एसयूव्ही कारही आहे. त्यांच्या पत्नीच्या नावावरही 33.50 कोटी रुपयांची जंगम मालमत्ता आणि 15.79 कोटींची स्थावर मालमत्ता आहे.

श्रीमंत मुख्यमंत्र्यांच्या यादीत दुसऱ्या क्रमांकावर असे नाव आहे ज्याची श्रीमंतीसाठी तशी फारशी चर्चा झालेली नाही. ते नाव आहे अरुणाचल प्रदेशचे मुख्यमंत्री आणि भाजपचे नेते पेमा खांडू. त्यांच्याकडे 129.57 कोटींची संपत्ती आहे. त्यात 103 कोटींची जंगम आणि 26 कोटींची स्थावर संपत्ती आहे.

देशातील सर्वाधित श्रीमंत मुख्यमंत्र्यांच्या यादीत पहिल्या क्रमांकावर आहेत आंध्रप्रदेशचे मुख्यमंत्री चंद्रबाबू नायडू. तेलगू देसम पक्षाचे प्रमुख नायडू यांच्याकडे एकूण 177.48 कोटींची संपत्ती आहे. ‘असोसिएशन ऑफ डेमोक्रॅटिक रिफॉर्म्स’च्या वर्ष 2018 च्या अहवालानुसार प्रतिज्ञापत्रात दिलेल्या माहितीनुसार चंद्रबाबू नायडू यांच्याकडे 134.80 कोटी रुपयांची जंगम मालमत्ता 42.68 कोटींची स्थावर मालमत्ता आहे.

पाहा व्हिडीओ:

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.