प्रिस्क्रिप्शन पॅडवरुन मतदानासाठी आवाहन, ‘झेन’ हॉस्पिटलचं स्तुत्य अभियान

मुंबई : मतदान हा प्रत्येक सुजान भारतीय नागरिकांचा मुलभूत अधिकार आहे. आपल्या अधिकाराची महत्व हे आपल्याला मिळालेल्या नागरीकत्वाचा अविभाज्य घटक आहे. बऱ्याचदा अनेक लोक मतदान करत नाहीत. आपल्या एका मताने काय फरक पडणार आहे, असा समज करुन ते मतदान प्रक्रियेपासून दूर राहतात. पंरतु, तुमचे एक मतही तितकेच बहुमूल्य आहे. समाजात सकारात्मक बदल घडविण्यासाठी प्रत्येकाने हा अधिकार बजावणे गरजेचे आहे, म्हणूनच चेंबूर येथील झेन मल्टिस्पेशालिटी रूग्णालयातर्फे मदतान जनजागृती मोहिम राबविण्यात येत आहे. या मोहिमेत डाँक्टर्स, नर्सेस, रूग्णालयातील सर्व कर्मचारी सहभागी होऊन नागरीकांना मतदानाचे आवाहन करणार आहे.

“सदृढ राष्ट्रासाठी, मतदान करा” (#VoteForHealthyNation) हा संदेश प्रिस्क्रीप्शनच्या चिटवर लिहत अनोखी मोहिम राबवत प्रत्येक घराघरात पोहचण्याचा प्रयत्न असणार आहे. सोमवारपासून म्हणजे २२ एप्रिलपासून या मोहिमेस सुरूवात होणार आहे.

तसेच, सोशल मीडियाच्या माध्यमातून मतदानाच महत्व विशद करणारे संदेश, डॉक्टरांचे मतदानाविषयी आवाहन करणारे व्हिडीओ जास्तीतजास्त नागरीकांपर्यत पोहचण्याचा प्रयत्न असणार आहे. तसेच, रुग्णालयाच्या रुग्ण बाह्य विभागात एका बूथच्या माध्यमातून रुग्णालयातील कर्मचारी स्वंयसेवक बनून मतदानाच महत्व नागरिक, रुग्णांना सांगतील.

या मोहिमेविषयी बोलताना झेन मल्टिस्पेशालिटी रूग्णालयाचे संचालक डॉ. रॉय पाटणकर म्हणाले की, “भारत ही जगातील सर्वात मोठे लोकशाही असणारा देश आहे. या लोकशाहीच्या माध्यमातून आपल्या प्रत्येकाला जो अधिकार मिळाला आहे तो प्रत्येकाने बजावणे गरजेचे आहे. आपला अधिकार बजावून मतदानाचा टक्का वाढविणे ही प्रत्येकाचीच जबाबदारी असून तुम्हाला अपेक्षित असलेला बदल घडविण्यासाठी तसेच देशाला विकसित राष्ट्र बनविण्यासाठी या प्रक्रियेत सहभागी होणे गरजेचे आहे.”

तसेच, “जसे रुग्णाला औषधोपचार आवश्यक आहे. तसेच लोकशाही अधिक मजबूत करण्यासाठी प्रत्येकाने मतदान करणे गरजेचे आहे. चला तर आपल्यासह इतरांनाही लोकशाहीच्या उत्सवात सहभागी करून घेऊ या, मतदान करूया, सदृढ राष्ट्र घडवू या.”, असेही आवाहन डॉ. रॉय पाटणकर यांनी केले.

महाराष्ट्रात उरले दोन टप्पे!

महाराष्ट्रत पहिल्या टप्प्यात (11 एप्रिल) 7 जागांसाठी मतदान, दुसऱ्या टप्प्यात (18 एप्रिल) 10 जागांसाठी मतदान पार पडलं. तर तिसऱ्या टप्प्यात (23 एप्रिल) 14 जागांसाठी, तर चौथ्या टप्प्यात (29 एप्रिल) 17 जागांसाठी मतदान पार पडणार आहे. विशेष म्हणजे, 29 एप्रिल रोजी मुंबईतल्या सर्व लोकसभा मतदारसंघात मतदान प्रक्रिया पार पडेल. या पार्श्वभूमीवर झेन मल्टिस्पेशालिटी हॉस्पिटलने हा स्तुत्य उपक्रम राबवला आहे.