Maharashtra News LIVE : अमेरिकेचा पंतप्रधान भारताच्या पंतप्रधानाला ब्लॅकमेल करतोय, काँग्रेस प्रदेशाध्यक्ष हर्षवर्धन सपकाळ यांचा आरोप

अमेरिकेचा पंतप्रधान भारताच्या पंतप्रधानाला ब्लॅकमेल करतोय, काँग्रेस प्रदेशाध्यक्ष हर्षवर्धन सपकाळ यांचा आरोप

अमेरिकेचा पंतप्रधान भारताच्या पंतप्रधानाला ब्लॅकमेल करतोय, असं काँग्रेस प्रदेशाध्यक्ष हर्षवर्धन सपकाळ यांनी आरोप केला आहे. एफस्टीन नावाची फाईल आहे. त्या फाइलमध्ये लहान मुलांमुलींसोबत घाणेरडं कृत्य केल्याचं पकडलं गेलं.त्या रॅकेटमध्ये आपल्या पंतप्रधानाचे नाव असल्याची चर्चा आहे,हे सांगण्याची शरम वाटत आहे, असं सपकाळ यांनी म्हटलं.

रामकुंडात चपला-कपडे फेकाफेकीनंतर नोळखी इसमाविरुद्ध गुन्हा दाखल

नाशिकच्या गोदावरी नदीच्या रामकुंडात चपला आणि अंगातील कपडे फेकाफेकीनंतर पंचवटी पोलीस ठाण्यात अनोळखी इसमाविरुद्ध गुन्हा दाखल करण्यात आला आहे. रंगपंचमीच्या दिवशी सायंकाळी हुल्लडबाजांनी रामकुंडात चपला फेकल्या. त्यामुळे पुरोहित संघाने धार्मिक भावना दुखावल्याप्रकरणी पोलिसांत तक्रार दाखल केली होती.

गोदावरी प्रेमी,नाशिककर आणि पुरोहित संघाच्या तक्रारीनंतर पोलिसात गुन्हा दाखल करण्यात आला. त्यामुळे धार्मिक भावना आणि गंगा गोदावरी तसेच रामकुंड ह्या पवित्र स्थळावर हुल्लडबाजी करण्यांवर कारवाईची सर्व स्तरातून मागणी करण्यात आली होती.

अंबरनाथ आनंद नगर एमआयडीसीला भीषण आग

अंबरनाथ आनंद नगर एमआयडीसीला भीषण आग लागली आहे. केमिकल कंपनीला लागली आग आगीची माहिती मिळताच घटनास्थळी अग्निशमन दल दाखल झालं आहे. अग्निशमन दलाकडून आग आटोक्यात आणण्यासाठी शर्थीचे प्रयत्न सुरु आहेत.

इराण-युद्ध संघर्षाचा भारतीय व्यापारी वर्गावर परिणाम, आखाती देशातून येणाऱ्या ड्रायफ्रूटच्या किंमतीत 15 टक्क्यांनी वाढ

अमेरिका इराण युद्धाचा परिणाम ड्रायफ्रूटच्या मार्केट वरती झाला आहे. आखाती देशातून येणाऱ्या ड्रायफ्रूट किमतीत दहा ते पंधरा टक्क्यांनी वाढ झाली आहे. पिस्ता, खजूर , मनुके यांच्या किमतीमध्ये वाढ झाली आहे. युद्ध परिस्थिती अशीच राहिली तर आणखी गंभीर परिस्थिती निर्माण होऊ शकते. सध्या सणासुदीचे दिवस आहेत याचा परिणाम भाव वाढीवरती होत आहे.

अमित शहा उद्या लोकसभेत सभापतींना हटवण्याच्या प्रस्तावावर बोलणार?

गृहमंत्री अमित शहा उद्या लोकसभेत सभापतींना हटवण्याच्या प्रस्तावावर बोलण्याची अपेक्षा आहे. उद्या संध्याकाळी लोकसभेत चर्चेच्या शेवटी गृहमंत्र्यांचे उत्तर अपेक्षित आहे. सभापतींना हटवण्याच्या प्रस्तावावर उद्या लोकसभेत चर्चा होण्याची अपेक्षा आहे. सरकारच्या वतीने चर्चेच्या सुरुवातीला संसदीय कामकाज मंत्री किरेन रिजिजू बोलतील.

इराणचे नवे सर्वोच्च नेते मोज्तबा खमेनी यांच्याबाबत चीनचं स्पष्ट मत

इराणचे नवे सर्वोच्च नेते मोज्तबा खामेनी यांच्याबाबत चीनने एक निवेदन जारी केले आहे. चीनने म्हटले आहे की ही इराणची अंतर्गत बाब आहे आणि कोणत्याही बाहेरील लोकांनी त्यावर आक्षेप घेऊ नये. शिवाय, सर्वोच्च नेत्याला लक्ष्य केले जात आहे, हे देखील चुकीचं आहे.

नॅशनल हेराल्ड प्रकरणात ईडीच्या याचिकेवरील सुनावणी हायकोर्टाने पुढे ढकलली

नॅशनल हेराल्ड प्रकरणात काँग्रेस नेत्या सोनिया गांधी आणि राहुल गांधी यांच्याविरुद्ध ईडीच्या याचिकेवरील सुनावणी दिल्ली उच्च न्यायालयाने पुढे ढकलली आहे. उच्च न्यायालय या प्रकरणाची पुढील सुनावणी 20 एप्रिल रोजी करणार आहे. सोनिया, राहुल गांधी आणि इतरांविरुद्धच्या आरोपपत्राची दखल घेण्यास नकार देणाऱ्या राऊस अव्हेन्यू न्यायालयाच्या आदेशाला ईडीने आव्हान दिले आहे.

इराणचा सर्वोच्च नेता झाल्याबद्दल खमेनींच्या मुलाचे रशियाने केले अभिनंदन

इराणचे सर्वोच्च नेते झाल्याबद्दल खमेनी यांच्या मुलाला रशियाने अभिनंदन केले. रशियाचे अध्यक्ष व्लादिमीर पुतिन यांनी मोज्तबा खमेनी यांना इराणचे नवे सर्वोच्च नेते म्हणून नियुक्ती झाल्याबद्दल अभिनंदन केले, असे क्रेमलिनने म्हटले आहे.

पत्नीच्या खुनासाठी भयंकर कट, 1 लाखांची सुपारी देऊन…आरोपींना ठोकल्या बेड्या

बुलढाणा : जिल्ह्यात एक धक्कादायक घटना घडली आहे. शिक्षक पत्नीच्या खुनाची पतीनेच सुपारी दिली आहे. या पतीने पत्नीवर तीन वेळा विषप्रयोग केल्याचेही समोर आले. अखेर दुचाकीला धडक देऊन त्याने आपल्याच पत्नीचा खून केल्याचा आरोप आहे. सुरुवातीला किरकोळ अपघात वाटणारी घटना प्रत्यक्षात १ लाख रुपयांची सुपारी देऊन घडवून आणलेला कट असल्याचे तपासात निष्पन्न झाले आहे. जळगाव जामोद पोलिसांनी या गुन्ह्याचा अत्यंत शिताफीने तपास लावून आरोपींच्या मुसक्या आवळल्या आहेत..

उल्हासनगरात सफाई कामगाराचा खून, घटना सीसीटीव्हीत कैद

उल्हासनगरात एक धक्कादायक घटना घडली आहे. येथे  नशेखोर तरुणांने सफाई कामगारावर चाकुने हल्ला  केला आहे. या हल्ल्यात सफाई कामगाराचा मृत्यू झाला आहे. ही सर्व घटना सीसीटीव्ही कॅमेऱ्यात कैद झाली आहे.

नालासोपारा फाट्याजवळील चॅम्पियन कंपाऊंड येथे तीन गाळ्यांना भीषण आग

नालासोपारा : नालासोपारा फाट्याजवळील चॅम्पियन कंपाऊंड येथे तीन गाळ्यांना भीषण आग लागल्याची घटना घडली.  या गाळ्यात प्लास्टिकचं साहित्य असल्याने आगीने रौद्ररुप धारण केले होते. मात्र वसई विरार महापालिकेच्या अग्निशमन दलाच्या जवानांनी तत्काळ घटनास्थळावर पोहचून आग विझविण्यात यश मिळविले आहे

ज्योतीताई वाघमारे या खासदारकीचे प्रमाणपत्र घेऊन चैत्यभूमीवर जाणार

शिवसेनेच्या राज्यसभेच्या खासदार डॉ. ज्योतीताई वाघमारे या खासदारकीचे प्रमाणपत्र घेऊन डॉ. बाबासाहेब आंबेडकर यांना अभिवादन करण्यासाठी दादर चैत्यभूमी येथे आज संध्याकाळी ५.३० वाजता पोहोचतील. त्यानंतर छत्रपती शिवाजी महाराज उद्यानातील शिवसेनाप्रमुख वंदनीय बाळासाहेब ठाकरे यांच्या स्मृतिस्थळी जाऊन अभिवादन करतील.

नाशिक : निफाडमध्ये कमाल तापमानात वाढ; पिकांना फटका बसण्याची भीती

थंडीचे माहेरघर म्हणून ओळखल्या जाणाऱ्या निफाड तालुक्यात हिवाळ्यात निफाड तालुक्यात किमान तापमान 4.5 अंश सेल्सिअसपर्यंत खाली गेल्याची नोंद झाली होती. मात्र आता उन्हाळ्याच्या सुरुवातीलाच तापमानात लक्षणीय वाढ झाल्याने पिकांना धोका निर्माण झाला आहे. कुंदेवाडी येथील गहू संशोधन केंद्रातील हवामान विभागात 36.8 अंश सेल्सिअस कमाल तापमानाची नोंद करण्यात आली आहे. त्यामुळे शेतकरी चिंतेत आहे.

वर्धा : नोकरीचे आमिष दाखवून तरुणीशी असभ्य वर्तन

नोकरीचे आमिष दाखवून तरुणीशी असभ्य वर्तन करणाऱ्या दिवाकर गमे याच्याविरोधात पुलगाव पोलिस ठाण्यात पोस्कोसह विविध कलमान्वये गुन्हा दाखल करण्यात आला आहे. यानंतर आता आरोपी दिवाकर गमे यास न्यायालयीन कोठडी सुनावण्यात आली आहे. आरोपीने तरुणीला अश्लील फोटो, व्हिडिओ पाठवून छळ केल्याची तक्रार पीडित मुलीने केली होती. त्यानंतर पोलिसांनी ही कारवाई केली आहे.

कल्याण पूर्वेत गुरचरण जमिनीवर अतिक्रमण; शेतकरी-तबेला चालकांचा धडक मोर्चा

कल्याण पूर्वेतील द्वारली पाडा परिसरातील गुरचरण म्हणजेच गुरांच्या चरण्यासाठी राखीव असलेल्या जमिनीवर मोठ्या प्रमाणात भूमाफियांनी अतिक्रमण करून चाळी उभारल्याचा आरोप स्थानिकांनी केला आहे. या अतिक्रमणाविरोधात संतप्त झालेल्या स्थानिक नागरिकांनी आणि तबेला चालकांनी आज केडीएमसीच्या आय प्रभाग कार्यालयावर म्हशींसह धडक आंदोलन करत प्रशासनाचे लक्ष वेधले.

नंदुरबार : रमजानमुळे फळांच्या मागणीत वाढ, दरही वाढले

मुस्लिम समाजाचा सर्वात पवित्र मानला जाणारा रमजान महिना सध्या सुरू असून नंदुरबार जिल्ह्यात फळांच्या मागणीत मोठी वाढ झाल्याचे चित्र पाहायला मिळत आहे. रमजान महिन्यात मुस्लिम बांधव दिवसभर उपवास करून संध्याकाळी इफ्तारच्या वेळी उपवास सोडतात आणि यावेळी फळांना मोठी मागणी असते. त्यामुळे बाजारात फळांच्या दरात काहीशी वाढ झाल्याचे दिसून येत आहे. सध्या सफरचंद 240 रुपये किलो, केळी 50 रुपये डझन, काळी द्राक्षे 300 रुपये, पांढरी द्राक्षे 200 रुपये, डाळिंब 250 रुपये, आंबे 200 रुपये, संत्री 200 रुपये किलो दराने मिळत आहे.

आजपासूनच रिक्षा परवान्यांना स्थगिती- प्रताप सरनाईक

केंद्राकडे पाठपुरावा झाला होता रिक्षाचे परवाने वाटले जात आहेत. १४ लाख परवाने वाटले गेले होते, उपनगरात वाहतूक कोंडी मोठ्या प्रमाणात होत होती. अनेक तक्रारी यासंदर्भात येत होत्या. सर्रास रिक्षाचे परवाने दिले जात होते. आज मंत्रालयात एक बैठक झाली. आरटीओ अधिकारी उपस्थित होते. आजपासूनच रिक्षा परवान्यांना आम्ही स्थगिती दिलीय, अटी आणि नियमाच्या अनुशंगाने निर्णय होतील असे मंत्री प्रताप सरनाईक यांनी म्हटले आहे.

चंद्रकांत पाटील आणि राष्ट्रवादी अजित पवार गेटाच्या नेत्यांमध्ये जुंपली

सांगली जिल्हा परिषदेतील सत्तेवरून पालकमंत्री चंद्रकांत पाटील आणि राष्ट्रवादी अजित पवार गटाच्या नेत्यांमध्ये आता जुंपली आहे.चंद्रकांत पाटलांना आणि राष्ट्रवादी पक्षा बाबत बोलण्याचा अधिकार काय? राष्ट्रवादी पक्षात माजी मंत्री, आमदार,खासदार झालेले सक्षम नेते आहेत, त्यांनी आम्हाला सल्ला देऊ नये,अशा शब्दात माजी आमदार विलासराव जगताप यांनी सुनावले आहे. तसेच मी समजून सांगायला आम्ही काय नवीन आहोत, का ? असं टोला देखील जगताप यांनी चंद्रकांत पाटलांना लगावला आहे.

बदनापूरात मोठ्या संख्येने बैलगाडा शर्यत प्रेमींचा सहभाग

जालना जिल्ह्यातल्या बदनापूर तालुक्यातील नानेगाव या गावात बैलगाडा मालक आणि शर्यत प्रेमींनी भव्य असा शंकरपटाचा थरार अनुभवला.भाजपचे आमदार नारायण कुचे यांच्या वाढदिवसानिमित्त कार्यकर्त्यांकडून भव्य शंकर पटाचं आयोजन करण्यात आलं होतं,जालना जिल्ह्यासह विविध भागातून बैलगाडा मालकांनी या शंकरपटात सहभाग घेत बक्षिसांची लूट केली,यावेळी तालुक्यासह विविध भागातून या शंकर पटाचा थरार बघण्यासाठी बैलगाडा शर्यत प्रेमींनी मोठी गर्दी केली होती.

पैशाचे झाड घ्या आमचे कामे करा; हिंगोलीमध्ये अनोखे अंदोलन

झाडाच्या फादीला पैसे चिटकून स्वाभिमानी क्रांतिकारी संघटनेच्या वतीने अनोखे आंदोलन करण्यात आले आहे. हिंगोली जिल्ह्यातले अधिकारी पैसे घेतल्याशिवाय काम करत नाहीत स्वाभिमानी क्रांतिकारी संघटनेच्या पद अधिकाऱ्यांचा आरोप आहे.

म्हाडा घोटाळा प्रकरणी नाशिकमधील 49 बिल्डरविरोधात गुन्हा

म्हाडा घोटाळा प्रकरणी नाशिकमधील 49 बिल्डरविरोधात गुन्हा दाखल. 20 टक्के घरांचा म्हाडा कोटा टाळण्यासाठी फसवणुकीचे प्रकार उघड. छोट्या गाळ्यांचे व बनावट भूखंड विभाजन करून नियम टाळल्याचा आरोप. जवळपास 300 कोटी रुपयांचा आर्थिक घोटाळा करून शासनाची फसवणूक. जिल्हाधिकाऱ्यांच्या चौकशी अहवालानंतर कारवाईला वेग. आर्थिकदृष्ट्या दुर्बल घटकांसाठीच्या घरांच्या योजनेत अनियमितता उघड.

बच्चू कडू यांच्या मेळघाट संघर्ष यात्रेचा आज शेवटचा दिवस

बच्चू कडू यांच्या मेळघाट संघर्ष यात्रेचा आज शेवटचा दिवस. सरकारने दखल न घेतल्याने बच्चू कडू आक्रमक.चिखलदराचे शासकीय कार्यालय तोडू बच्चू कडू यांचा सरकारला इशारा. सलोना पासून बच्चू कडू यांच्या चिखलदरा येथील पायदळ पदयात्रेला सुरुवात. मेळघाटच्या मूलभूत सुविधा बाबत बच्चू कडू यांची तब्बल 250 किलोमीटर पायदळ पदयात्रेचा आज अंतिम दिवस. नऊ दिवसाच्या पदयात्रेचा आज सायंकाळी समारोप होणार.

शॉर्टसर्किटमुळे खराब टायरला भीषण आग, आगीमध्ये पिकप टेम्पो जळून खाक

परंडा तालुक्यातील आनाळा येथील घटना. शॉर्टसर्किटमुळे जुन्या टायरला लागलेल्या आगीने भीषण रूप धारण केल्याची घटना समोर आली आहे. या आगीत एक चारचाकी वाहन जळून खाक. धाराशिवच्या परंडा तालुक्यातील आनाळा येथे जुन्या टायरला शॉर्टसर्किटमुळे अचानक आग लागली. काही क्षणांतच आगीने मोठे रूप घेतल्याने जवळ उभी असलेली वाहन आगीच्या भक्ष्यस्थानी आली.

हॉटेल व्यावसायिकाची मानसिक त्रासातून आत्महत्या

जळगावातील नशिराबाद येथे हॉटेल व्यावसायिकाची मानसिक त्रासातून हॉटेलात आत्महत्या. प्रमोद पुरुषोत्तम पाटील असे आत्महत्या करणाऱ्या हॉटेल व्यावसायिकाचे नाव आहे. मयताने मृत्यूपूर्वी चिठ्ठी लिहली असून दोघांनी मानसिक त्रास दिल्याने आत्महत्या करत असल्याचा आरोप. संबंधितांवर तात्काळ कारवाई करावी व आरोपींना अटक करावी या मागणीसाठी मृतदेह नशिराबाद पोलीस स्टेशन येथे आणण्यात आला होता. पोलीस प्रशासनाकडून योग्य तपास करून न्याय दिला जाईल, असे आश्वासन दिल्यानंतर मृतदेहावर अंत्यसंस्कार करण्यात आले.

विधानसभेत मुख्यमंत्र्यांकडून टीम इंडियाच्या अभिनंदनाचा प्रस्ताव

मुख्यमंत्री देवेंद्र फडणवीस यांनी आज विधानसभेत टीम इंडियाच्या अभिनंदनाचा प्रस्ताव मांडला. टी20 वर्ल्ड चॅम्पियनशिपमध्ये पुन्हा एकदा भारतीय टीमने भारताचा तिरंगा झेंडा फडकवलेला आहे. काल अनेक रेकॉर्ड तोडत न्यूझीलंडचा पराभव भारताने केला असं विधानसभेत जाण्याआधी मुख्यमंत्री म्हणाले.

केंद्र सरकार तेल, गॅस.. अशा सगळ्या गोष्टींची काळजी घेत आहे- फडणवीस

केंद्र सरकार तेल, गॅस.. अशा सगळ्या गोष्टींची काळजी घेत आहे. आंतरराष्ट्रीय परिस्थिती आपल्या सर्वांना माहीत आहे, तरीही कुठेही तुटवडा पडू नये म्हणून सर्व प्रकारच्या उपाययोजना सुरू आहेत. त्यामुळे कोणीही अफवा पसरवू नये, अफवेवर विश्वास ठेवू नये. अफवेवर विश्वास ठेवून साठे करणं आपण सुरू केलं तर परिस्थिती खराब होईल. त्यातून डिमांड आणि सप्लाय हे जे काही सूत्र आहे, ते कुठेतरी गडबडेल. माझी सर्वांना विनंती आहे की कुठल्याही अफवेवर विश्वास ठेवू नका, असं आवाहन देवेंद्र फडणवीसांनी केलंय.

देवेंद्र फडणवीसांकडून जसप्रीत बुमराह, संजू सॅमसनच्या कामगिरीचं कौतुक

“आयसीसी टी-20 वर्ल्ड चॅम्पियनशिपमध्ये भारताने अनेक रेकॉर्ड तोडत ज्या प्रकारे न्यूझीलँडचा पराभव केला, त्यानिमित्त मी टीम इंडियाचं अभिनंदन करतो. टी-२० सामन्याच्या इतिहासात अशा प्रकारचं स्कोर करणं, समोरच्या टीमला अशा पद्धतीने गारद करणं हा देखील रेकॉर्ड आहे. संजू सॅमसन, अभिषेक शर्मा यांनी बॅटिंगमध्ये, बॉलिंगमध्ये जसप्रीत बुमराहने न्यूझीलँडच्या टीमला गारद केलं. एकूण टीमचा परफॉर्मन्स हा अतिशय उत्तम राहिला, केवळ एक सामना आपण हरलो. सूर्यकुमार यादव आणि संपूर्ण टीमचं मी मनापासून अभिनंदन करतो. आपल्या मुंबईचे खेळाडूदेखील या टीममध्ये उत्तम खेळले, अशा सर्वांचं मी अभिनंदन करतो. विधानसभेत आम्ही आज त्यांच्या अभिनंदनाचा प्रस्ताव मांडणार आहोत,” असं फडणवीस म्हणाले.

विरोधकांचं कृत्य निंदनीय असून त्यांना चर्चेत काहीच रस नाही- नड्डा

विरोधकांचं कृत्य निंदनीय असून त्यांना चर्चेत काहीच रस नाही. सभागृहातील विरोधकांचं वर्तन अयोग्य आहे. विरोधकांना चर्चेत नाही तर सभागृहात गदारोळ माजवण्यात रस आहे, अशा शब्दांत भाजपच्या जे. पी. नड्डा यांनी विरोधकांवर टीका केली.

1 मार्च रोजी पंतप्रधान नरेंद्र मोदींच्या अध्यक्षतेखाली सुरक्षा समितीची बैठक झाली- एस. जयशंकर

अमेरिका-इराण-इस्रायलच्या युद्धसंघर्षावर परराष्ट्रमंत्री एस. जयशंकर यांनी राज्यसभेत निवेदन दिलं. “1 मार्च रोजी पंतप्रधान नरेंद्र मोदींच्या अध्यक्षतेखाली सुरक्षा समितीची बैठक झाली. आखाती देशातील परिस्थिती चिंताजनक आहे. युद्धाची झळ अनेक देशांपर्यंत पसरतेय. मोदींचं संपूर्ण परिस्थितीवर लक्ष आहे. ऊर्जेसंदर्भातील गरजांसाठी भारत सतर्क आहे. भारत आखाती देशांच्या संपर्कात आहे. ज्यांना मदत हवी, त्या सर्वांसाठी आम्ही काम करतोय. मोदींनी स्वत: आखाती देशांसोबत चर्चा केली आहे,” असं जयशंकर म्हणाले.

आखाती देशांमधील परिस्थितीवर मोदींचं लक्ष- एस. जयशंकर

संसदेच्या अर्थसंकल्पीय अधिवेशनाचा दुसरा टप्पा सुरू आहे. आखाती देशात 28 फेब्रुवारीपासून तणाव सुरू आहे. तिथल्या परिस्थितीवर पंतप्रधान नरेंद्र मोदींचं लक्ष आहे. भारतीय नागरिकांची सुरक्षा ही आमची प्राथमिकता आहे, अशी माहिती परराष्ट्रमंत्री एस. जयशंकर यांनी संसदेत दिली. यावेळी राज्यसभेत चर्चेची मागणी करत विरोधकांनी गोंधळ घातला.

गोरेगाव-मुलुंड जोड मार्ग प्रकल्प बाधितांना कांजूर पश्चिम इथं मिळणार सदनिका

गोरेगाव-मुलुंड जोड मार्ग प्रकल्प बाधितांना कांजूर पश्चिम इथं आधुनिक सुविधांनी युक्त ३०० चौरस फूट क्षेत्रफळाच्या टुमदार सदनिका मिळणार आहेत. ९०६ सदनिकांचे बांधकाम प्रगतिपथावर असून त्यापैकी पैकी २५२ प्रकल्प बाधितांचे पहिल्या टप्प्यात पुनर्वसन होणार आहे. बांधकाम वेळेत पूर्ण करुन लवकरात लवकर सदनिका प्रकल्पबाधितांना सुपूर्द कराव्यात, असे निर्देश अतिरिक्त महानगरपालिका आयुक्त (प्रकल्प) अभिजीत बांगर यांनी दिले आहेत.

मनसेची आजपासून सदस्य नोंदणी सुरू

रायगडमध्ये मनसेचा 20 वा वर्धापन दिन साजरा केला जात असून मनसे अध्यक्ष राज ठाकरे यांनी किल्ले रायगडावर छत्रपती शिवाजी महाराजांना अभिवादन केलं. त्यानंतर कार्यकर्त्यांना संबोधित करताना ते म्हणाले, “वर्दळीच्या ठिकाणी सदस्य नोंदणीचे टेबल्स लावा. मनसेची आजपासून सदस्य नोंदणी सुरू होत आहे. महाराष्ट्राच्या हितचिंतकांनी या नोंदणीत भाग घ्यावा.”

सोलापुरात तापमानाचा पारा वाढला, मार्चच्या पहिल्याच आठवड्यात सूर्य ओकतोय आग

राज्यात उन्हाळ्याची चाहूल लागताच सोलापूरकरांना तीव्र उन्हाचे चटके बसू लागले आहेत. मार्च महिन्याच्या पहिल्याच आठवड्यात सोलापूरच्या तापमानाचा पारा ४० अंशांच्या पुढे सरकला आहे. काल हंगामातील सर्वाधिक ४०.२ अंश सेल्सिअस तापमानाची नोंद झाली. वाढत्या उष्म्यामुळे अंगाची लाहीलाही होत असून, प्रशासनाने नागरिकांना अनावश्यक घराबाहेर पडणे टाळण्याचे आवाहन केले आहे. तसेच, बाहेर पडताना टोपी, रुमाल आणि स्कार्फचा वापर करून स्वतःचा बचाव करण्याच्या सूचनाही देण्यात आल्या आहेत.

रामकुंडातील हुल्लडबाजीप्रकरणी गुन्हे दाखल करा; अन्यथा न्यायालयात जाणार, गोदाप्रेमींचा इशारा

नाशिकच्या पवित्र रामकुंडावर तरुणांकडून चपला, बूट आणि कपडे कुंडात फेकण्याचा संतापजनक प्रकार समोर आला आहे. स्वच्छता कर्मचारी आणि पोलीस अधिकाऱ्यांच्या उपस्थितीतच ही हुल्लडबाजी झाल्याने गोदाप्रेमींमध्ये संतापाची लाट आहे. गोदावरी संवर्धन समिती आणि सुरक्षा रक्षक केवळ नावालाच उरले असून, या हुल्लडबाजांवर तातडीने गुन्हे दाखल करण्याची मागणी गोदाप्रेमी संस्थेचे देवांग जानी यांनी पोलीस आयुक्तांकडे केली आहे. कारवाई न झाल्यास न्यायालयात दाद मागण्याचा इशाराही त्यांनी दिला आहे.

सांगलीच्या मिरजेत भारतीय विजयाच्या जल्लोषाला गालबोट; हुल्लडबाजांवर पोलिसांचा लाठीमार

भारतीय संघाने टी-२० विश्वचषक जिंकल्यानंतर सांगलीच्या मिरजेतील लक्ष्मी मार्केट परिसरात मोठा जल्लोष करण्यात आला. या उत्सवादरम्यान काही जणांनी हुल्लडबाजी केल्याने गोंधळ निर्माण झाला. परिस्थिती नियंत्रणात आणण्यासाठी आणि गर्दीला पांगवण्यासाठी पोलिसांनी अखेर सौम्य लाठीमार केला. पोलिसांनी जल्लोषासाठी परवानगी दिली होती, मात्र या प्रकारामुळे परिसरात काही काळ तणावाचे वातावरण निर्माण झाले होते.

जागतिक पातळीवर भारताची जागा काहीच नाही – संजय राऊत

जागतिक पातळीवर भारताची जागा आता काहीच नाही. प्रत्येक गोष्ट अमेरिकेला विचारुन करावी लागत आहे. १९४७ पर्यंत देश ब्रिटीशांचा गुलाम होता, त्या गुलामगिरीविरोधात आमच्या पूर्वजांनी संघर्ष केला. आताच्या राज्यकर्त्यांचे पूर्वज त्यात नव्हते. अलीकडच्या काळात भारत अमेरिकेचा गुलाम होताना दिसत आहे. ही अत्यंत चिंतेची बाब आहे. देशाच्या पंतप्रधानांना पश्चिम बंगालमध्ये राष्ट्रपतींचा अपमान झाला यावर प्रतिक्रिया देण्यासाठी मत व्यक्त करण्यासाठी आणि भाषण करायला वेळ आहे, पण या देशाचा सातत्याने अमेरिकेसारख्या राष्ट्राकडून अपमान होत आहे. त्यावर मोदी काहीही बोलायला नाहीत. यावर आम्ही चर्चा करण्यासाठी संसदेत वेळ मागितला होता. त्यावर संसदेचे अध्यक्ष यावर विरोधकांना बोलू देत नाही. हे देखील एक हुकूमशाही आणि अप्रत्यक्ष गुलामगिरी आहे, असे संजय राऊत म्हणाले.

…म्हणून लोकसभा अध्यक्षांच्या विरोधातील ठराव आणला – संजय राऊत

या देशाच्या संसदेत गेल्या १० वर्षांपासून भारतीय घटनेचा संसदीय लोकशाहीचा गळा ज्या पद्धतीने घोटला जातोय, त्याच्या विरुद्धचा एक उद्रेक विरोधी पक्षांचा आहे. विरोधी पक्षनेत्यांना, विरोधी नेत्यांना बोलू द्यायचं नाही. त्यांना सातत्याने अपमानित करायचं. नियमाने संसद चालवायची नाही. अनेक राष्ट्रीय हिताचे आणि सुरक्षेच्या प्रश्नावर चर्चा घडू द्यायची नाही. हे गेल्या काही काळापासून संसदेच्या सभागृहात सुरु आहे. अशावेळेला सरकार पक्षाने विरोध पक्षातील नेत्यांशी चर्चा करुन त्यांना काढणं सहज शक्य होते, पण आमच्याकडे बहुमत आहे. त्यामुळे यात आम्ही विरोधी पक्षाचा आवाज सभागृहात पोहोचू देणार नाही, त्यावर शेवटी एक उपाय आणि हत्यार म्हणून लोकसभा अध्यक्षांच्या विरोधातील ठराव विरोधी पक्षांनी आणलेला आहे, असे संजय राऊत म्हणाले.

कांदिवलीत पालिकेच्या कर्मचाऱ्यांवर हल्ला, आयुक्त घटनास्थळी, आज किरीट सोमय्या करणार दौरा

कांदिवली पूर्व येथील लोखंडवाला कॉम्प्लेक्समध्ये फेरीवाल्यांनी महापालिका कर्मचाऱ्यांवर केलेल्या हल्ल्याप्रकरणी आता राजकीय वातावरण तापले आहे. या घटनेनंतर स्थानिक आमदार अतुल भातखळकर यांनी हल्लेखोरांमध्ये बांगलादेशी रोहिंग्यांचा समावेश असल्याचा गंभीर आरोप केला असून, प्रशासनाकडे कठोर कारवाईची मागणी केली आहे. या प्रकरणाची दखल घेत खुद्द महापालिका आयुक्त भूषण गगराणी यांनी घटनास्थळाची पाहणी करून अनधिकृत फेरीवाल्यांवर तात्काळ कारवाईचे आदेश दिले आहेत. दरम्यान, आज दुपारी भाजप नेते किरीट सोमय्या या भागाला भेट देणार असल्याने या प्रकरणाला आता अधिक वेग येण्याची शक्यता आहे.

काँग्रेस प्रदेशाध्यक्ष हर्षवर्धन सपकाळ पदयात्रेत सहभागी

कळमनुरी ते हिंगोली 20 किमी पदयात्रेला सुरुवात काँग्रेस प्रदेशाध्यक्ष हर्षवर्धन सपकाळ पदयात्रेत सहभागी. शक्तीपीठ महामार्ग रद्द करण्यात यावा,पिक विमा सरसगट शेतकऱ्यांना देण्यात यावा,यासह विविध मागण्यांसाठी पदयात्रा सुरू.  दुपारी हिंगोली शहरातील गांधी चौकात हर्षवर्धन सपकाळ यांच्या भाषणाने पदयात्रेचा होणार समारोप …

बच्चू कडू यांच्या मेळघाट संघर्ष यात्रेचा आजचा नवा दिवस

बच्चू कडू यांच्या मेळघाट संघर्ष यात्रेचा आजचा नवा दिवस बच्चू कडू यांचा आज सलोना ते चिखलदरा त्रिशूल तांडव मोर्चा. बच्चू कडू यांचा सरकारला दुपारी चार वाजेपर्यंतचा अल्टिमेटम. सरकारला चार वाजेपर्यंत आमचा वेळ आहे त्यानंतर आमच आंदोलन कुठल्याही स्तरावर जाऊ शकत बच्चू कडू यांचा सरकारला इशारा. मागील आठ दिवसांपासून मेळघाट मधील मूलभूत प्रश्नांवर बच्चू कडूंची सुरू आहे संघर्ष यात्रा.

नंदुरबारात शिवसेना शिंदे गटाच्या पदाधिकाऱ्यांवर ॲट्रॉसिटीचा गुन्हा

नंदुरबार नगरपालिकेच्या शिवसेना शिंदे गटाचे उपनगराध्यक्ष प्रथमेश चौधरी, नगरसेवक गौरव चौधरी आणि माजी आमदार शिरीष चौधरी यांचे बंधू रवींद्र चौधरी यांच्यावर ॲट्रॉसिटीचा गुन्हा दाखल करण्यात आला आहे. बाबा रिसॉर्ट येथे झालेल्या चौधरी समाजाच्या कार्यक्रमात अनुसूचित जातीच्या महिलेचा अपमान करत जातीवाचक शिवीगाळ केल्याचा आरोप करण्यात आला आहे.  उपनगर पोलीस ठाण्यात शिंदे गटाच्या पदाधिकाऱ्यांवर ॲट्रॉसिटी चे गुन्हा दाखल झाला आहे…..

अक्कलकोट तालुक्यात बिबट्या सदृश्य प्राणी आढळल्याने भितीचे वातावरण

अक्कलकोट तालुक्यातील जेऊरवाडी, कल्लहिप्परगे गावात बिबट्या सदृश्य प्राणी दिसल्याची नागरिकांनी माहिती दिली आहे. अक्कलकोट तालुक्यातील वन विभागाच्या अधिकाऱ्यांनी तत्काळ घटनास्थळी धाव घेत परिसराची पाहणी केली. यावेळी जमिनीवर आढळलेल्या पायांच्या ठशांची तपासणी करण्यात आलीय. प्रथमदर्शनी हे ठसे बिबट्याचे नसल्याचे अधिकाऱ्यांनी सांगितले असले, तरी बिबट्याच्या वावराची शक्यता पूर्णपणे नाकारता येत नसल्याचेही त्यांनी स्पष्ट केले.

इंडियन एअरलाइन्सचा अत्यंत मोठा निर्णय

इंडियन एअरलाइन्स ९ मार्च रोजी ५० उड्डाणे चालवण्याची तयारी करत आहे. पश्चिम आशियातील हवाई क्षेत्राच्या परिस्थितीवर लक्ष ठेवून, इंडियन एअरलाइन्स ९ मार्च रोजी ५० उड्डाणे चालवण्याची तयारी करत आहे.

निफाड तालुक्यातील सायखेडा येथे महिला दिनाच्या दिवशी धक्कादायक घटना…

निफाड तालुक्यातील सायखेडा येथे महिला दिनाच्या दिवशी धक्कादायक घटना घडली आहे.  किरकोळ गाडीचा कट लागल्याच्या कारणावरून काही युवकांनी सायखेडा येथील डॉक्टर दांपत्याला मारहाण केली. गाडीची तोडफोड करत जिवे मारण्याची दिली. धमकी घटनेची माहिती मिळताच शेकडो नागरिक सायखेडा चौफुली वर येत घोषणाबाजी करत करत रस्तारोको केला. सायखेडा पोलीसांनी तीन पैकी दोन आरोपींना अटक केली असून एक आरोपी फरार आहे.

मालवण कोळंब येथे अज्ञाताचा गाव कमिटी अध्यक्षावर गोळीबार

मालवण कोळंब खालचीवाडी येथे गाव कमिटी अध्यक्ष संदीप शेलटकर यांच्यावर रात्री उशिरा गोळीबार करण्यात आला. गोळी त्यांच्या डोक्याच्या बाजूने गेल्यामुळे ते बचावले आहेत मात्र घराच्या परिसरात सर्वत्र बंदुकीचे छरे पडलेले दिसून आले आहेत. दरम्यान गोळीबार करणारा व्यक्ती पळून गेला आहे. घटनेची माहिती पोलिसांना दिल्यानंतर पोलीस घटनास्थळी दाखल झाले. पोलीसांकडून गोळीबार झालेल्या ठिकाणी आणि उडालेल्या छरे यांची तपासणी करण्यात आली असून घटनेचा तपास सुरू करण्यात आला आहे.

इथेनॉल धोरणाचा ऊस, मका, तांदूळ उत्पादकांना फायदा

केंद्र सरकारने १ एप्रिलपासून देशात विक्री होणाऱ्या पेट्रोलमध्ये २० टक्के इथेनॉल मिश्रणाचा निर्णय घेतला आहे. त्यामुळे देशाच्या परकीय चलनात दरवर्षी सुमारे ४३ हजार कोटी रुपयांची बचत होईल आणि देशातील ऊस, मका, तांदूळ उत्पादक शेतकऱ्यांना थेट ४० हजार कोटी रुपये मिळतील, असा अंदाज व्यक्त केला जात आहे.

महाराष्ट्राची दक्षिणकाशी पैठण नगरी वारकऱ्यांनी दूम दूमली.

महाराष्ट्राची दक्षिणकाशी पैठण नगरी वारकऱ्यांनी दूम दूमली. आज पासून संत एकनाथ महाराजांच्या नाथ षष्ठीला उत्साहात सुरुवात, 765 पेक्षा अधिक दिंड्या सहभागी होणार आहेत. लाखो वारकरी एकनाथ महाराजांच्या समाधीचे दर्शन घेण्यासाठी पैठणमध्ये दाखल झालेत. गोदावरी नदीच्या तीरावर भरला वैष्णवांचा मेळा, भानुदास, एकनाथाचा वारकऱ्यांच्या मुखातून जल्लोष… आज पासून सुरुवात 11 मार्चला काल्याच्या कीर्तनाने नाथ षष्ठीची सांगता होणार..

गिरीश महाजन यांच्या जल्लोषाचे व्हिडिओ व्हायरल..

गिरीश महाजन यांच्या जल्लोषाचे व्हिडिओ व्हायरल झाला आहे. नाशिकमध्ये रंगपंचमी निमित्त महाजन यांनी सार्वजनिक मंडळांच्या कार्यक्रमांना हजेरी लावली.  सुधाकर बडगुजर , शाहू खैरे यांच्या कार्यक्रमात ठेका धरला.  महाजन यांनी पहिल्यांदाच मारली पारंपरिक रहाडीत उडी.. पाण्याच्या शॉवर वर देखील महाजनांनी डान्स केला. महाजन यांच्याकडून शासकीय अधिकारी कर्मचाऱ्यांना देखील रंग लावत रंगपंचमी साजरी केली…

नाशिक जीएसटी अधिकारी सव्वा कोटी लाच प्रकरण

नाशिक जीएसटी अधिकारी सव्वा कोटी लाच प्रकरण समोर आलंय…  प्रकरणाची व्याप्ती वाढण्याची शक्यता वर्तवण्यात आलीये…  विभागातील आणखीही काही अधिकारी कर्मचाऱ्यांची चौकशी होण्याची शक्यता आहे. विभागात सुरू आलेल्या कामाबाबत ACB कडून माहिती घेतली जात आहे. एक सहायक आणि दोन उपायुक्त दर्जाच्या अधिकाऱ्यांना 9 मार्चपर्यंत पोलिस कोठडी सुनावण्यात आली आहे,  मुंबईच्या एसीबी पथकाने जीएसटी अधिकाऱ्यांना 20 लाखांची लाच घेताना ताब्यात घेतले आहे. मुंबई एसीबी चे पथक पुन्हा जीएसटी विभागात येऊन चौकशी करत आहे. एका बांधकाम व्यावसायिका विरोधात कारवाईचा तपास पूर्ण करण्याच्या मोबदल्यात लाच मागितली होती.

नाशिक आणि उत्तर महाराष्ट्रात उष्णतेचा पारा २ ते ३ अंशांनी वाढण्याची शक्यता

नाशिक आणि उत्तर महाराष्ट्रात उष्णतेचा पारा २ ते ३ अंशांनी वाढण्याची शक्यता वर्तवण्यात आली आहे. राज्यात अकोल्यात सर्वाधिक ४०.८°C तापमानाची नोंद करण्यात आली आहे. नाशिकमध्ये तापमान ३७.१°C वर पोहोचले तर, मालेगावमध्ये ३८°C तापमानाची नोंद झाली आहे.  पुढील ४ ते ५ दिवस उष्णतेची तीव्रता कायम राहण्याचा अंदाज वर्तवण्यात आला आहे.  कोरड्या हवामानामुळे उन्हाचा कडाका वाढला आहे.  हवामान विभागाचा अंदाजानुसार काही भागात उष्णतेची लाट येणार आहे… मार्च महिन्याच्या पहिल्याच आठवड्यात पारा 38 च्या घरा पोहोचला आहे.

रंगपंचमी नंतर नाशिकमध्ये तरुणांची रामकुंडावर हुल्लडबाजी

रंगपंचमी नंतर नाशिकमध्ये तरुणांची रामकुंडावर हुल्लडबाजी पाहायला मिळाली.  पवित्र गोदावरीच्या पात्रात चप्पल फेकत गोदावरी प्रदूषित केली. रंग काढण्यासाठी अनेकांनी गोदावरीत उड्या मारल्या. मात्र तरुणांच्या बेजबाबदार वर्तनाने गोदापात्र प्रदूषित झाले. गोदाघाट आणि रामकुंड परिसरात फाटके कपडे, चप्पलांचा खच साचलेला आहे, यामुळे रंगपंचमीला गोदाघाटावर सुरक्षा रक्षक नेमण्याची मागणी करण्यात आली आहे.

लोटे MIDC स्फोटप्रकरणी कंपनी व्यवस्थापनावर गुन्हा

लोटे MIDC स्फोटप्रकरणी कंपनी व्यवस्थापनावर गुन्हा दाखल करण्यात आला आहे.  दोन दिवसांपूर्वी डॉक्टर खान इंडस्ट्रियल कन्सल्टंट प्रा. लि. कंपनीत स्फोट झाला होता. इथाइल सिलिकेट केमिकल प्लांटमध्ये झालेल्या स्फोटात ११ कामगार जखमी झाले होते. चौकशीनंतर सुरक्षा नियमांकडे दुर्लक्ष झाल्याचे निष्पन्न झाले आहे. कामगारांना हेल्मेट, गमबूट, सेफ्टी ड्रेस न दिल्याचे आरोप त्यांच्यावर करण्यात आले आहेत.  कंपनीचे मालक, मॅनेजर आणि प्लांट इन्चार्जवर  खेड पोलीस ठाण्यात गुन्हा दाखल करण्यात आला आहे.