भवानी पेठेत 118 ‘कोरोना’ग्रस्त, 15 रहिवाशांनी प्राण गमावले, पुण्याची प्रभागनिहाय रुग्णसंख्या
भवानी पेठेत कालच्या दिवसात तब्बल 22 नवे रुग्ण सापडले आहेत. आतापर्यंत इथे 118 रुग्ण सापडले असून 15 रहिवाशांचा 'कोरोना'मुळे बळी गेला आहे (Pune corona hot spot ward wise patients and deaths)
पुणे : पुण्यात ‘कोरोना’बाधित रुग्णांच्या संख्येत दिवसेंदिवस वाढच होताना दिसत आहे. कोरोना व्हायरसचा प्रादुर्भाव झालेल्या प्रभागाचा लेखाजोखा पुणे महापालिकेने नकाशाच्या माध्यमातून मांडला आहे. ‘कोरोना’चा ‘डेथ झोन’ ठरलेल्या भवानी पेठेत सर्वाधिक 118 रुग्ण असून तब्बल 15 कोरोनाबाधित रुग्णांचा मृत्यू झाला आहे. (Pune corona hot spot ward wise patients and deaths)
पुण्यात 16 एप्रिलपर्यंत सापडलेल्या 450 कोरोनाग्रस्त रुग्णांचा आढावा घेण्यात आला आहे. तर 45 जणांना आतापर्यंत प्राण गमवावे लागले आहेत. 346 रुग्णांवर नायडू हॉस्पिटलमध्ये, तर 104 जणांवर ससून रुग्णालयात उपचार सुरु आहेत.
भवानी पेठेत कालच्या दिवसात तब्बल 22 नवे रुग्ण सापडले आहेत. भवानी पेठ परिसरात सातत्याने कोरोना रुग्ण आढळत असल्याने इथली रुग्णसंख्या सर्वाधिक राहिली आहे. आतापर्यंत इथे 118 रुग्ण सापडले असून 15 रहिवाशांचा ‘कोरोना’मुळे बळी गेला आहे
वॉर्ड – ‘कोरोना’ रुग्ण संख्या (कंसात एका दिवसातील वाढ)
औंध – बाणेर – 3 कोथरुड – बावधन – 1 सिंहगड रोड – 8 वारजे कर्वेनगर – 9 शिवाजीनगर – घोलेरोड – 28 (+1) कसबा – विश्रामबागवाडा – 51 (+6) धनकवडी – सहकारनगर – 27 (+1) भवानी पेठ – 118 (+22) बिबवेवाडी – 17 (+2) ढोले पाटील रोड – 57 (+9) येरवडा – धानोरी – 43 (+10) नगररोड – वडगावशेरी – 6 (+1) वानवडी – रामटेकडी – 24 (+2) हडपसर – मुंढवा – 21 (0) कोंढवा – येवलेवाडी – 9 (0) पुण्याबाहेरील रुग्ण – 21 (+3)
(Pune corona hot spot ward wise patients and deaths)
वॉर्ड – ‘कोरोना’ बळी
औंध – बाणेर – 1 कोथरुड – बावधन – 0 सिंहगड रोड – 0 वारजे कर्वेनगर – 1 शिवाजीनगर – घोलेरोड – 3 कसबा – विश्रामबागवाडा – 5 धनकवडी – सहकारनगर – 2 भवानी पेठ – 15 बिबवेवाडी – 1 ढोले पाटील रोड – 3 येरवडा – धानोरी – 3 नगररोड – वडगावशेरी – 0 वानवडी – रामटेकडी – 5 हडपसर – मुंढवा – 3 कोंढवा – येवलेवाडी – 1 पुण्याबाहेरील रुग्ण – 2
आतापर्यंत पुणे जिल्ह्यातील हवेली, शिरुर, बारामती, भोर, वेल्हे, मुळशी आणि जुन्नर या सात तालुक्यात कोरोना रुग्ण सापडले आहेत. तर उर्वरित इंदापूर, मावळ, दौंड, खेड, पुरंदर आणि आंबेगाव या सहा तालुक्यात अद्याप एकही रुग्ण आढळलेला नाही. त्यामुळे ग्रामीण भागात अधिक काळजी घेण्याची गरज व्यक्त होत आहे. भोर आणि पुरंदर या दोन तालुक्यात ‘बारामती पॅटर्न’ राबवायला सुरुवात करण्यात आली आहे.
दरम्यान, पुण्यात कोरोनाबाधित रुग्णांचा मृत्यूदर अद्यापही सर्वाधिक आहे. राज्यातील मृत्यूदर 6.41 टक्के आहे, परंतु पुण्यातील ‘कोरोना’ग्रस्तांचा मृत्यूदर दहा टक्क्यांच्या आसपास आहे. राज्यातील सर्वाधिक ‘कोरोना’बळी मुंबईत गेले असले, तरी रुग्णसंख्येच्या तुलनेत अधिक मृत्यू पुण्यात आहेत. रुग्णांची संख्या आणि मृत्यूचे प्रमाण पाहिल्यानंतर राज्यात सर्वाधिक म्हणजे 9.3 टक्के मृत्यूदर पुण्यात असल्याचं दिसून येतं.
ससून रुग्णालयात पुण्यातील सर्वाधिक म्हणजे 38 जणांचे मृत्यू झाले आहेत. अनेक कोरोनाबाधित रुग्णांना मधुमेह, उच्च रक्तदाब, इतर आजार किंवा शस्त्रक्रिया झाल्याचे पाहायला मिळाले आहे.
मुंबईतील ‘कोरोना’ग्रस्त रुग्णांची वॉर्डनिहाय आकडेवारी https://t.co/I38JPo43uR #MumbaiLockdown #coronaupdates @mybmc
— TV9 Marathi (@TV9Marathi) April 17, 2020
(Pune corona hot spot ward wise patients and deaths)
