Pradosh Vrat : आज ऑक्टोबर महिन्यातले शेवटचे प्रदोष व्रत, अशा प्रकारे करा महादेवाची आराधना

मुंबई : हिंदू धर्मात प्रदेष व्रताला (Paradosh) विशेष महत्त्व आहे. या दिवशी महादेवाची आराधना केल्यास सर्व मनोकामना पूर्ण होतात. आज गुरूवारच्या दिवशी प्रदोष व्रत आहे.  गुरुवारी येणाऱ्या प्रदोष व्रताला गुरु प्रदोष म्हणतात. गुरु प्रदोष व्रत केल्याने कोणतीही व्यक्ती आपल्या मनातील इच्छा लवकर पूर्ण करू शकते. प्रत्येक महिन्याच्या दोन्ही पंधरवड्यातील त्रयोदशी तिथीला प्रदोष व्रत केले जाते. कोणत्याही प्रदोष व्रतामध्ये संध्याकाळी सूर्यास्ताच्या 45 मिनिटं आधी आणि सूर्यास्तानंतर 45 मिनिटांनी भगवान शिवाची पूजा केली जाते. यावेळी प्रदोष व्रत 26 ऑक्टोबर म्हणजेच आज पाळण्यात येत आहे.

प्रदोषाचा दिवस सोमवारी येतो तेव्हा त्याला सोम प्रदोष, मंगळवारी पडणाऱ्या प्रदोषाला भौम प्रदोष आणि शनिवारी पडणाऱ्या प्रदोषाला शनि प्रदोष म्हणतात. असे मानले जाते की प्रदोष व्रताच्या दिवशी भगवान शंकराची विशेष पूजा केल्याने भक्तांचे सर्व संकट दूर होऊन त्यांना सुख-समृद्धी प्राप्त होते.

गुरु प्रदोष व्रतासाठी शुभ मुहूर्त: उदयतिथीनुसार ऑक्टोबर महिन्यातील शेवटचा प्रदोष व्रत 26 ऑक्टोबरला म्हणजेच आज आहे. अश्विन महिन्यातील शुक्ल पक्षातील त्रयोदशी तिथी 26 ऑक्टोबरला म्हणजेच आज सकाळी 9.44 वाजता सुरू होईल आणि 27 ऑक्टोबरला सकाळी 6.56 वाजता समाप्त होईल. आज संध्याकाळी 5.30 ते 8.08 पर्यंत पूजेची वेळ असेल.

गुरु प्रदोष व्रताची उपासना पद्धत

प्रदोष व्रताच्या दिवशी सकाळी लवकर उठून स्नान करून पांढरे किंवा पिवळे वस्त्र परिधान करावे. या दिवशी काळ्या रंगाचे कपडे घालणे टाळावे. या दिवशी संपूर्ण घरामध्ये गंगाजल शिंपडावे लागते. शिव मंदिरात जाऊन भगवान शिवाला दूध, दही आणि पंचामृताने अभिषेक करा. त्यानंतर पिवळ्या किंवा पांढर्‍या चंदनाने महादेवाला गंध लावा. भगवान शंकराला भांग, धतुरा आणि बेलपत्र अर्पण करा आणि फुले अर्पण करून भगवान शंकराची पूजा करा. यासोबतच ओम नमः शिवाय मंत्राचा जप करावा लागेल. माता पार्वतीचेही ध्यान केले पाहिजे.

प्रदोष व्रताचे उपाय

1. व्यवसायासाठी हे उपाय करा : पिवळी मोहरी, तीळ, संपूर्ण मीठ आणि संपूर्ण धणे तीन मातीच्या दिव्यांमध्ये मिसळा आणि आपल्या व्यवसायाच्या ठिकाणी ठेवा. त्यामुळे व्यवसाय वाढण्यास सुरुवात होईल.

2. विद्यार्थ्यांसाठी उपाय : तिखटाच्या बिया काढून पाण्यात मिसळा. हे पाणी दिवसाच्या कोणत्याही वेळी सूर्याला अर्पण करावे. नैराश्याच्या समस्येपासून तुम्हाला आराम मिळेल.

3. दुःख दूर करण्यासाठी उपाय : या दिवशी महादेवाला दही आणि मध मिसळून अर्पण करावे. असे केल्याने कौटुंबिक जीवनातील त्रास दूर होतात असे मानले जाते.

4. शत्रूंवर विजय मिळवण्यासाठी : शमीची पाने गंगाजलाने स्वच्छ करून भगवान शंकराला अर्पण करावीत. तसेच तेथे बसून ‘ओम नमः शिवाय’ चा जप करावा.

5. प्रदोष व्रताच्या दिवशी शिवमंदिरात नारळ दान करावे आणि भगवान शंकराकडून उत्तम आरोग्यासाठी प्रार्थना करावी. प्रदोष व्रताच्या दिवशी संध्याकाळी शिवमंदिरात दोन दिवे लावावेत. असे केल्याने भक्तांचे सर्व त्रास दूर होऊन त्यांना आराम मिळतो.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)