Shani Surya Gochar 2023: मकर राशीमध्ये सुर्य आणि शनिची युती, ‘या’ चार राशींवर होणार सर्वाधीक परिणाम
सूर्याचे हे संक्रमण धनु राशीसह या चार राशींसाठी हानिकारक ठरू शकते. चला जाणून घेऊया या चार राशी कोणत्या आहेत.
मुंबई, वेदांमध्ये सूर्याला जगाचा निर्माता म्हंटले आहे. सुर्यामुळेच पृथ्वीवर जीवन आहे. त्याला ग्रहांचा राजा म्हणतात. भगवान सूर्य 14 जानेवारीला संध्याकाळी मकर राशीत प्रवेश करणार आहेत. यासह, त्यांचा मकर राशीत शुक्र आणि शनिसोबत दुर्मिळ संयोग (Sun Saturn Transit) होईल. मकर संक्रांतीच्या दिवशी (Makar Sankranti 2023) सूर्य आणि शनि यांची भेट 30 वर्षांनी होणार आहे. म्हणूनच ज्योतिषाच्या दृष्टिकोनातून शनि आणि सूर्याचा हा संयोग अत्यंत महत्त्वाचा मानला जातो. कारण सूर्य आणि शनी पिता-पुत्र आहेत मात्र दोघेही परस्पर विरोधी आहेत. सूर्याचे हे संक्रमण धनु राशीसह चार राशींसाठी हानिकारक ठरू शकते. चला जाणून घेऊया या चार राशी कोणत्या आहेत, ज्यांनी काळजी घेणे आवश्यक आहे.
या चार राशींवर होणार परिणाम
- सिंह: सिंह राशीच्या लोकांना मातृपक्षाकडून वाईट बातमी मिळू शकते. या काळात कोणालाही कर्ज देऊ नका. तुमचे आर्थिक नुकसान होऊ शकते. कुटुंबात वडील किंवा वडिलांसारख्या व्यक्तीशी वाद होऊ शकतो. जोडीदाराच्या तब्येतीची काळजी घ्या.
- तूळ: तूळ राशीच्या लोकांना मकर राशीत सूर्याच्या भ्रमणामुळे मानसिक अस्वस्थता जाणवेल. मित्र किंवा नातेवाईकाकडून वाईट बातमी मिळू शकते. कौटुंबिक जीवनातही उलथापालथ होऊ शकते. प्रवासाचा कार्यक्रम केला जात असेल तर काळजी घ्या. चोरी होऊ शकते. या काळात तुम्हाला खूप संयमाने चालावे लागेल.
- धनु: या काळात कुटुंबाची काळजी घ्या आणि नातेसंबंध खराब होऊ देऊ नका. गुप्तता पाळा. आपल्या बोलण्यावर नियंत्रण ठेवा आणि कठोरपणे बोलणे टाळा. डोळ्यांशी संबंधित समस्या त्रासदायक ठरू शकतात.
- कुंभ: या काळात तुम्हाला आर्थिक नुकसान सहन करावे लागू शकते. जे तुम्हाला खाली आणण्याचा प्रयत्न करत होते ते यशस्वी होऊ शकतात. हे संक्रमण जीवनात उलथापालथ निर्माण करेल. तुमच्यावर कामाचा ताण आणि मानसिक ताण राहील. समजूतदारपणे प्रकरणे सोडवणे चांगले होईल. इतर कोणालाही कर्ज देणे टाळा, नुकसान होऊ शकते.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)
