Feng Shui: ऑफिसच्या डेस्कवर लॅपटॉप शेजारी ठेवा ही एक मूर्ती, आयुष्यच बदलून जाईल, प्रमोशन पक्क

फेंग शुई हे एक प्रकारचं चीनी वास्तुशास्त्र आहे. ज्या पद्धतीने सकारात्मक ऊर्जा आणि नकारात्मक ऊर्जा या दोन प्रमुख घटकांवर वास्तुशास्त्र काम करतं, त्याच प्रमाणे फेंग शुई शास्त्राचे देखील हेच दोन मुख्य आधार आहेत. जेव्हा तुमच्या घरात नकारात्मक ऊर्जा वाढते, तेव्हा तुमच्या आयुष्यात अनेक अडचणी येण्यास सुरुवात होते. जसं की काहीही कारण नसताना तुमच्या आयुष्यात आर्थिक समस्या निर्माण होतात. घरात पैसा टिकत नाही. घरात आजारपण वाढतं, व्यवसायामध्ये तोटा होतो. हे सर्व तुमच्या घरात निर्माण झालेल्या नकारात्मक ऊर्जेचा परिणाम असतो, असं फेंग शुईमध्ये म्हटलं आहे. परंतु जेव्हा तुमच्या घरात सकारात्मक ऊर्जा असते, त्यावेळी अगदी या उलट परिणाम तुम्हाला पहायला मिळतो. नोकरीमध्ये तुमचं प्रमोशन होतं, व्यवसायामध्ये तुम्हाला चांगला नफा प्राप्त होतो. घरात सुख, शांती समृद्धी येते. त्यामुळे घरात सकारात्मक ऊर्जेची निर्मिती होणं महत्त्वाचं असतं, त्यासाठी फेंग शुईमध्ये एक सोपा उपाय सांगण्यात आला आहे, त्याबद्दल आज आपण माहिती जाणून घेणार आहोत.

ऑफीस डेस्कवर ठेवा ही मूर्ती – फेंग शुई शास्त्रामध्ये काही मूर्तींना अत्यंत शुभ माण्यात आलं आहे. या मूर्ती जर तुम्ही तुमच्या घरात किंवा ऑफीसमध्ये ठेवल्या तर त्यामुळे नक्कीच तुम्हाला फायदा होईल असं फेंग शुई सागतं. दरम्यान जर तुम्हाला ऑफीसच्या कामात काही अडथळे येत असतील, काम करण्याची इच्छा होत नसेल, किंवा तुम्ही खूप मेहनतीने काम करत आहात, परंतु तुम्हाला तुमच्या कामाचं अपेक्षित फळ मिळत नसेल, तुमचं प्रमोशन रखडलं असेल तर अशा स्थितीमध्ये तुम्ही तुमच्या डेस्कवर तुमच्या लॅपटॉप किंवा कॉम्प्युटर शेजारी धावत्या घोड्याची मूर्ती ठेवा असा सल्ला फेंग शुईमध्ये देण्यात आला आहे. घोड्याला गती आणि प्रगतीचं प्रतिक माण्यात आलं आहे. जेव्हा तुम्ही धावत्या घोड्याची मूर्ती तुमच्या डेस्कवर ठेवता, तेव्हा सर्व प्रकारची नकारात्मक ऊर्जा नष्ट होते, असं फेंग शुईमध्ये म्हटलं आहे.

यासोबतच तुम्ही ऑफिसमध्ये तुमच्या डेस्कवर किंवा घरी लाफिंग बुद्धाची मूर्ती देखील ठेवू शकतात. या मूर्तीमुळे घरात सदैव आनंदाचं वातावरण राहातं. घरात भांडणं, वाद होत नाहीत, असं फेगं शुईमध्ये म्हटलं आहे.