भारतातील 3 सर्वात श्रीमंत कथावाचक, एका कार्यक्रमासाठी इतक्या लाखांचे शुल्क, पहिल्या नंबरवर कोण?

देशात कुठे ना कुठे धार्मिक कार्यक्रमाचं आयोजन होतच होतं. आपल्याकडे अखंड हरिनाम सप्ताह, पारायण, महाभारत, रामायण, श्रीमद भागवत, शिवपुराण आणि इतर धार्मिक ग्रंथांचे श्रवण केले जाते. त्यासाठी सुप्रसिद्ध कीर्तनकार, कथावाचक यांना बोलावण्यात येते. हा कार्यक्रम केवळ त्या धार्मिक स्थळापुरता, गावापुरता मर्यादीत नसतो. तर आता तंत्रज्ञानावर आरूढ होत हा कार्यक्रम विविध ऑनलाईन प्लॅटफॉर्मवर दाखवला जातो. कथावाचकाला मोठे मानधन देण्यात येते. एका कार्यक्रमासाठी त्याचे शुल्क ठरवले जाते. ते लाखोंमध्ये असते. माध्यमातील काही दाव्यानुसार, देशातील प्रसिद्ध कथावाचकांसाठी 10 लाख ते 18 लाख रुपयांचे शुल्क मोजले जाते. देशातील सर्वात तीन श्रीमंत कथावाचक कोणते?

तिसर्‍या क्रमांकावर जया किशोरी

विविध माध्यमातील दाव्यानुसार, भजन आणि कथा वाचनात जया किशोरी यांनी त्यांची वेगळी छाप सोडली आहे. प्रसंग वर्णन, भावार्थ विश्लेषण, भाषेची, शब्दांची फोड आणि गोड वाणीमुळे त्या जन माणसात प्रसिद्ध आहेत. काही दाव्यानुसार, त्यांनी आतापर्यंत 500 पेक्षा अधिक कथा वाचन कार्यक्रम केले आहे. माध्यमातील दाव्यानुसार, एका कथा वाचन कार्यक्रमासाठी त्या जवळपास 10 लाख रुपये शुल्क घेतात.

दुसर्‍या क्रमांकावर देवकीनंदन ठाकुर

देवकीनंदन ठाकुर यांचे नाव देशातील बड्या कथावाचकांपैकी एक आहे. असे म्हटले जाते की, त्यांनी अवघ्या 13 व्या वर्षी श्रीमद्भागवत कंठस्थ केले होते. त्यांची कथा ऐकण्यासाठी लाखोंच्या संख्येने भाविकांची गर्दी उसळते. एका दाव्यानुसार, एका कथावाचन कार्यक्रमासाठी ते जवळपास 12 ते 15 लाख रुपयांपर्यंत मानधन घेतात.

पहिल्या क्रमांकावर अनिरुद्ध आचार्य

अनिरुद्ध आचार्य यांची लोकप्रियता गेल्या काही वर्षात मोठ्या वेगाने वाढली आहे. त्यांच्या कथाकथन कार्यक्रमात लाखो भक्त सहभागी होतात. ते भाविकभक्तांच्या मजेशीर प्रश्नांना मिश्किल उत्तरं देतात. त्यांचे व्हिडिओ सोशल मीडियावर व्हायरल आहेत. भारतच नाही, तर परदेशातही त्यांचा फॅन फॉलोअर्सची संख्या अधिक आहे. एका कथा वाचनासाठी ते जवळपास 15 ते 18 लाख रुपयांपर्यंत मानधन घेतात असा दावा करण्यात येतो.

डिस्क्लेमर: ही माहिती सोशल मीडिया आणि ऑनलाईन माहिती आधारे देण्यात आली आहे. टीव्ही 9 मराठी या दाव्याची पुष्टी करत नाही.