‘या’ दिवशी सुरू होणार मार्गशीर्ष महिना, स्नान, दान अन् दिवे लावण्याचे जाणून घ्या खास महत्त्व

मराठी दिनदर्शिकेतील मार्गशीर्ष हा नववा महिना. आपल्या हिंदू धर्मात या पवित्र महिन्याला खूप महत्त्व आहे. असे मानले जाते की या महिन्यात स्नान करणे, दान करणे आणि दिवे लावणे यामुळे व्यक्ती सर्व पापांपासून मुक्त होते आणि मोक्ष मिळते. तसेच या महिन्यात केले जाणारे कार्य अत्यंत फलदायी असते. तसेच धार्मिक मान्यतेनुसार भगवान श्रीकृष्णामुळे मार्गशीर्ष महिन्याला विशेष महत्त्व प्राप्त झाले आहे, या काळात उपवास आणि नामस्मरण केल्याने अधिक चांगले फळ मिळते. तसेच या महिन्यात भगवद्गीतेचे पठण करावे. तर हा मार्गशीर्ष महिना कोणत्या दिवशी सुरू होईल तसेच या दिवसांमध्ये काय करावे याबद्दल जाणून घेऊयात…

2025 मध्ये मार्गशीर्ष महिना कधी सुरू होईल?

कॅलेंडरनुसार, या वर्षी मार्गशीर्ष महिना गुरुवार 6 नोव्हेंबर 2025 रोजी सुरू होत आहे. हा पवित्र महिना कार्तिक पौर्णिमेच्या दुसऱ्या दिवशी सुरू होतो आणि 4 डिसेंबर 2025 रोजी मार्गशीर्ष पौर्णिमेने हा महिना संपेल. हा संपूर्ण महिना जप, तप आणि ध्यानासाठी सर्वोत्तम मानला जातो.

मार्गशीर्ष महिन्यात या देवतांची पूजा करा

• या पवित्र महिन्यात या देवतांची पूजा केल्याने जीवनात आनंद, सौभाग्य आणि समृद्धी येते:
• भगवान विष्णू आणि श्री कृष्ण: ‘ओम नमो भगवते वासुदेवाय’ या मंत्राचा दररोज जप करा आणि श्रीमद्भगवद्गीतेचे पठण करा.
• लक्ष्मी देवी : मार्गशीर्ष महिन्यात लक्ष्मी देवीची पूजा केल्याने घरात धन आणि समृद्धी येते.
• तुळशीची पूजा: या महिन्यात तुळशीची पूजा करण्याचे विशेष महत्त्व आहे. तुळशीला पाणी अर्पण करून प्रदक्षिणा मारा.
• चंद्र: मार्गशीर्ष पौर्णिमेच्या दिवशी चंद्राची पूजा करण्याची परंपरा आहे, ज्यामुळे मानसिक समस्यांपासून मुक्तता मिळते.
• स्नान, दान आणि दिवे लावण्याचे विशेष महत्त्व

पवित्र नद्यांमध्ये स्नान करणे

या महिन्यात सूर्योदयापूर्वी गंगा, यमुना किंवा इतर कोणत्याही पवित्र नदीत स्नान करणे अत्यंत फायदेशीर आहे. जर नदीत स्नान करणे शक्य नसेल तर स्नानाच्या पाण्यात तुळशीची पाने घालावीत.

स्नान करताना ‘ओम नमो भगवते नारायणाय’ किंवा गायत्री मंत्राचा जप करावा.

दिवे लावणे

मार्गशीर्ष महिन्यात दिवे लावण्याच्या प्रथेला विशेष महत्त्व आहे. संध्याकाळी तुळशीच्या झाडाजवळ आणि देवघरात दिवे लावावेत. हे उपाय केल्याने तुमच्या जीवनात प्रकाश आणि सकारात्मकता येते.

दानाचे विशेष महत्त्व

या महिन्यात आपल्या क्षमतेनुसार अन्न, कपडे, ब्लँकेट, गूळ आणि तीळ दान करणे खूप शुभ मानले जाते.

मार्गशीर्ष महिन्याचे धार्मिक महत्त्व

मार्गशीर्ष महिना हा भगवान विष्णू आणि त्यांचे अवतार भगवान श्रीकृष्ण यांना खूप प्रिय आहे. हा महिना आध्यात्मिक शुद्धीकरण आणि भक्तीसाठी सर्वोत्तम मानला जातो. तर हा महिना स्वतः भगवान श्रीकृष्णाचे अवतार मानला जातो. संपूर्ण महिन्यात त्यांची विशेष पूजा केल्याने मनाला शांती मिळते आणि सर्व इच्छा पूर्ण होतात. पौराणिक कथेनुसार मार्गशीर्ष महिन्यात सत्ययुगाची सुरुवात झाली. म्हणूनच हा महिना खूप पवित्र आणि विशेष आहे. असे मानले जाते की या महिन्यात भक्तीने केलेले शुभ कार्यांने मोक्ष प्राप्त होते.

( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)