Shani : हनुमानाच्या भक्तांवर शनीदेवाचा प्रकोप का होत नाही? अशी आहे पौराणिक कथा

मुंबई : एकदा महावीर हनुमान श्रीरामाच्या काही कामात व्यस्त होते. शनि भगवान त्या ठिकाणाहून जात होते. वाटेत त्यांना हनुमानजी दिसले. शनीदेवाच्या स्वभावानुसार त्यांनी हनुमानाच्या कार्यामध्ये बाधा आणण्याचे ठरविले. हनुमानजींनी शनिदेवाला सावध केले आणि त्यांना तसे करण्यापासून रोखले पण शनिदेवाने (Shani And Hanuman Story) हे मान्य केले नाहीत. त्यानंतर हनुमानजींनी शनिदेवांना आपल्या शेपटीने गुंडाळले आणि पुन्हा रामाचे कार्य करू लागले. कामाच्या दरम्यान ते इकडे तिकडे फिरत होते, उड्या मारत होता. त्यामुळे शनिदेवाला अनेक जखमा झाल्या. शनिदेवाने खूप प्रयत्न केले पण त्यांना हनुमानजींच्या बंदिवासातून मुक्त करता आले नाही. त्यांनी विनंती केली पण हनुमानजी आपल्या कामात मग्न होते.

श्रीरामाचे काम संपल्यावर हनुमानाला शनिदेवाचा विचार आला आणि मग त्यांनी शनिदेवाला मुक्त केले. शनिदेवाला त्यांची चूक समजली आणि त्यांनी हनुमानाची माफी मागितली की ते राम आणि हनुमानजींच्या कार्यात कधीही अडथळा आणणार नाहीत आणि श्री राम आणि हनुमानजींच्या भक्तांना त्यांचा विशेष आशीर्वाद मिळेल.

शनिदेवाने भगवान श्री हनुमानाला मोहरीचे तेल मागितले जे ते त्यांच्या जखमांवर लावू शकतील आणि जखमांपासून लवकर बरे होऊ शकतील. हनुमानजींनी ते तेल त्यांना उपलब्ध करून दिले आणि अशा प्रकारे शनिदेवाच्या जखमा बऱ्या झाल्या.

तेव्हा शनिदेवजी म्हणाले की या स्मरणार्थ जो कोणी भक्त शनिवारी माझ्यावर मोहरीचे तेल अर्पण करेल त्याला माझा विशेष आशीर्वाद मिळेल.

दुसरी पौराणिक कथा

अहंकारी लंकापती रावणाने शनिदेवाला कैद करून लंकेतील तुरुंगात टाकले. हनुमानजी लंकेत पोहोचेपर्यंत शनिदेव त्याच तुरुंगात कैद राहिले.

जेव्हा हनुमान माता सीतेच्या शोधात लंकेत आले, तेव्हा माता जानकीचा शोध घेत असताना त्यांना भगवान शनिदेव तुरुंगात कैद झालेले आढळले. त्यानंतर हनुमानजींनी शनिदेवाला मुक्त केले. मुक्त झाल्यानंतर, त्यांनी हनुमानजींचे आभार मानले आणि त्यांच्या भक्तांवर विशेष कृपा ठेवण्याचे वचन दिले.

(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)