Vastu Shastra : घरात पूर्वजांचे फोटो लावताना हे नियम पाळाच, अन्यथा निर्माण होईल पितृदोष

Pitra dosh

Image Credit source: टीव्ही 9 मराठी

वास्तुशास्त्रामध्ये तुमच्या घराची रचना कशी असावी इथपासून ते तुमच्या घरात असलेल्या विविध वस्तू कुठे ठेवाव्यात? त्यांची योग्य दिशा कोणती? इथपर्यंत मार्गदर्शन करण्यात आलं आहे. हिंदू धर्मामध्ये पूर्वजांचे फोटो घरात लावण्याची प्रथा आहे. मात्र पूर्वजांचे फोटो आपण जेव्हा घरात लावतो, तेव्हा काही नियमांचं पालन करणं गरजेचं असतं. पितरांचे फोटो घरात लावताना योग्य नियमांचं पालन केलं गेलं नाही तर घरात पितृदोष निर्माण होतो. जर घरात पितृदोष निर्माण झाला तर तुम्हाला अनेक अडचणी येऊ शकतात, असं वास्तुशास्त्रामध्ये सांगण्यात आलं आहे. वास्तुशास्त्रानुसार तुमच्या घरातील पूर्वजांचे फोटो हे कधीही देवघरात ठेवू नयेत, त्यामुळे घरात वास्तुदोष निर्माण होतो. तसेच पूर्वजांचे फोटो घरात ठेवताना काय काळजी घ्यावी? कोणते नियम पाळावेत याबद्दल वास्तुशास्त्रामध्ये अनेक गोष्टी सांगण्यात आल्या आहेत, त्यातील काही गोष्टींबद्दल आज आपण जाणून घेणार आहोत.

या जागेंवर लावू नका फोटो – वास्तुशास्त्रानुसार आपल्या पूर्वजांचा फोटो हा कधीही स्टोअर रूमध्ये जिन्याच्या खाली लावू नका, त्यामुळे घरात वास्तुदोष आणि पितृदोष तयार होतो, असं वास्तुशास्त्रामध्ये म्हटलं आहे. एवढंच नाही तर वास्तुशास्त्रानुसार आपल्या पूर्वजांचा फोटो हा कधीही बह्मस्थानी लावू नये, आपल्या घराचा जो मध्यभाग असतो, त्याला ब्रह्मस्थान असं म्हणतात ही जागा नेहमी मोकळी ठेवावी या जागेवर कोणत्याही वस्तू, पसारा किंवा पित्रांचा फोटो लावू नये, त्यामुळे अनेक अडचणी येतात, असं वास्तुशास्त्रामध्ये सांगण्यात आलं आहे.

एवढंच नाही तर अनेक जण आपल्या देवघरामध्ये देखील पूर्वजांचे फोटो ठेवतात, मात्र वास्तुशास्त्रानुसार देवघरात कधीही पूर्वजांचे फोटो ठेवू नयेत, त्यामुळे घरात नकारात्मक ऊर्जा निर्माण होते, त्यामुळे तुम्हाला अडचणी येऊ शकतात. पूर्वजांचा फोटो हा नेहमी घराच्या दक्षिण दिशेवरील भितींलाच लावावा असं वास्तुशास्त्रामध्ये सांगण्यात आलं आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)