मी ही माहिती एसआयटीला पाठवली आहे आणि… भोंदू खरात सोबतचा चाकणकरांचा फोटो ट्विट करत दमानियांचा मोठा दावा काय?

भोंदू अशोक खरातचे काळ्या कारनाम्यांमुळे राज्यातील वातावरण ढवळून निघालेले आहे. भोंदू खरातने अनेक महिलांचे लैंगिक शोषण केल्याचे, जादुटोणा केल्याचे, पैशांचा गैरव्यव्हार केल्याचे समोर आले आहे. भोंदू खरातचे अनेक नेत्यांसोबतही संबंध होते हेही समोर आले आहे. राष्ट्रवादीच्या नेत्या रुपाली चाकणकर यांचेही खरात आणि त्यांच्या कुटुंबीयांसोबत संबंध असल्याचे समोर आले आहे. यामुळे त्यांना राज्य महिला आयोगाच्या अध्यक्षपदाचा राजीनामा द्यावा लागला होता. दोन दिवसांपूर्वी रुपाली चाकणकर आणि भोंदू खरात यांनी एकत्र गुवाहाटीचा प्रवास केल्याचे समोर आले होते. आता गुवाहाटीतील एक फोटो ट्विट करत दमानिया यांनी चाकणकर यांच्याबाबत मोठा दावा केला आहे. याबाबत सविस्तर माहिती जाणून घेऊयात.

अंजली दमानिया यांचे ट्विट

अंजली दमानिया यांनी आपल्या ट्विटमध्ये म्हटले की, काल या फोटोवर आणि गुवाहाटीवर रुपाली चाकणकर यांनी स्पष्टीकरण दिलं. प्रश्न असा की हा फोटो माध्यमांकडे अचानक कुठून आला, का मुद्दाम दिला (पेरला) गेला, हे गूढ परमेश्वराला माहीत. त्यांचे म्हणणे आहे की त्या परिवारासकट गुवाहाटी ला गेल्या होत्या. पण ज्या माध्यमाने ती बातमी चालवली त्यांनी फक्त तीनच नावांची उल्लेख केला आहे. रुपाली चाकणकर, प्रतिभा चाकणकर आणि अशोक खरात. पुढे दमानिया यांनी खालील 3 मुद्दे उपस्थित केले आहेत.

1. 28 ऑगस्ट 2021 ला खरोखर 3 माणस गेली होती की 12 माणसे गेली होती ह्याचा तपास पोलिसांनी केला पाहिजे. एक महत्वाची बाब म्हणजे, या तारखेनंतर दोन महिन्यात, त्या महिला आयोगाच्या अध्यक्ष झाल्या.

2) बरं, त्या माध्यमाच्या बातमी मधे आणि एक तारीख होती, ती म्हणजे 30/06/2023. 30 जूनला रुपाली चाकणकर या पुन्हा गुवाहाटी ला गेल्या होत्या. दोन दिवस राहिल्या, आणि 2 जुलै ला परत आल्या. याच तारखेला अजित पवार यांनी पक्ष फोडला आणि 2 जुलैला त्यांचा उप मुख्यमंत्री म्हणून शपथ विधी झाला.

3) तिसरी गोष्ट, हा फोटो रॅडिसन ब्लूचा, गुवाहाटीचा नाही असे आत्तातरी वाटते. मी ही माहिती SIT ला पाठवली आहे आणि त्यांना विनंती की त्यांनी ह्याचा तपास करावा.

काल ह्या फोटोवर, आणि गुवाहाटी वर रुपाली चाकणकर यांनी स्पष्टीकरण दिलं. प्रश्न असा की हा फोटो माध्यमांकडे अचानक कुठून आला, का मुद्दाम दिला (पेरला) गेला, हे गूढ परमेश्वराला माहीत.

त्यांचे म्हणणे आहे की त्या परिवारासकट गुवाहाटी ला गेल्या होत्या. पण ज्या माध्यमाने ती बातमी चालवली… pic.twitter.com/AXxVq0P2jF

— Mrs Anjali Damania (@anjali_damania) May 15, 2026

दरम्यान, रुपाली चाकणकर यांनी अशोक खरातला गुरू मानले असल्याचे समोर आले आहे. तसेच चाकणकर यांनी त्यांची पाद्यपूजाही केली होती. त्यानंतर अलिकडेच चाकणकर यांची खरात प्रकरणात तपास यंत्रणांकडून चौकशीही करण्यात आलेली नाही.