दगडफेक झाली, पुरुष बनून केला सराव; जिद्दी महिलेनं एशियन गेम्स गाजवलं, पण जपानपर्यंत पोहोचणं सोप नव्हतं…

खेळाच्या जगामध्ये रोज विविध घटना घडतात. रोज काहीना काही नवीन कहानी समोर येते. जगभरातील खेळाडूंकडून सध्या एशियन गेम्समध्ये चांगली कामगिरी करण्याचे लक्ष ठेवले जात आहे. पण अफगाणिस्तानमध्ये काही अशा गोष्टी आहेत जिथे हे सर्वकाही सामान्य नाही. खासकरुन महिलांसाठी तिथे मोठा संघर्ष पाहायला मिळतो आहे. पण खेळाचा उत्साह हा कोणत्याही क्रिडाप्रेमीला शांत बसू देतच नाही. त्याचप्रमाणे आता ही नवी घटनाही समोर आली आहे. एशियन गेम्समध्ये स्वप्नपुर्ती करण्यासाठी चक्क पुरुषाच्या वेशात एका अफगाणी महिलेला सराव करावा लागला. स्वतःच्या स्वप्नांना गवसणी घालण्यासाठी तिची काहीही करायची तयारी होती. ज्यामधून तिने हे पाऊल उचलले. त्यामुळे या महिलेचे सध्या जगभरातून कौतुक केले जात आहे. अफगाणी महिला सायकलपटू फरीबा हाश्मी हिने मंगळवारी रौप्य पदकावर आपलं नाव कोरलं.

तिने सांगितलं की, माझ्या या कामगिरीनंतर देशातल्या इतर महिलांनाही प्ररणा मिळेल ज्यांच्या स्वातंत्र्यावर सध्या तालिबान अधिकाऱ्यांनी निर्बंध लादले आहेत. सध्या इटलीमध्ये राहत असलेल्या फरिबाने जपानमधील नागोयाजवळ पार पडलेल्या महिलांच्या रोड रेसमध्ये दुसरे स्थान पटकारवले आहे. यानंतर तिने स्वतःच्या भावनांही व्यक्त केल्या आहेत.

मला नेमकं काय वाटत आहे हे मी सध्या शब्दांमध्ये सांगू शकत नाही. मी किशोरवयातच माझ्या लहान बहिणीसोबत खेळाला सुरुवात केली. माझी बहिणही एक चांगली सायकलपटू आहे. पण खेळाचा सराव करतानाच माझ्यावर आणि बहिणीवर दगडफेक झाली होती. ज्यामुळे मला पुरुषांच्या वेश परिधान करुन माझं प्रशिक्षण पूर्ण करण्याची वेळ आलाी. मी अशा देशात जन्मले आहे जिथे स्वप्न पाहणाऱ्या महिलांवर जीवघेणे हल्ले केले जातात. मला आनंद आहे की मी अशा वृत्तीविरुद्ध लढले आणि जिंकले. मला आशा आहे की माझी पुढची पिढी इथपर्यंत पोहेचेल यशाची नवी शिखरे सर करेल.

दरम्यान, इटलीची माजी विश्वविजेती अलसेंड्रा कॅपेलोटो हिच्या मदतीने हाश्मी ही अफगाणिस्तानातून इटलीला पोहोचली. तिथेच तिने प्रशिक्षण घेतलं. विशेष म्हणजे एशियन गेम्ससाठी ती जपानला पोहोचली पण तिच्यासोबत मेकॅनिकही सायकलचा नव्हता. सायकल स्वतः धुवून दुरुस्त करत होती. पण त्याचवेळी तिला जपानच्या मेकॅनिकने मदत केली. याबद्दल तिने जपानचे आभार मानले आहेत.