AUS vs AFG | राशिद खानची तोडफोड बॅटिंग, कांगारुंसमोर 292 धावांचं आव्हान, कोण जिंकणार?

मुंबई | इब्राहीम झद्रान याचं शतक आणि राशिद खान याने अखेरच्या क्षणी केलेल्या फटकेबाजीच्या जोरावर अफगाणिस्तानने ऑस्ट्रेलियाला विजयासाठी 292 धावांचं अवघड असं आव्हान दिलं आहे. अफगाणिस्तानने 50 ओव्हरमध्ये 5 विकेट्स गमावून 291 धावा केल्या. ओपनिंगला आलेला इब्राहीम झद्रान हा अखेपर्यंत नाबाद राहिला. तर राशिद खान याने अखेरीस येऊन निर्णयक क्षणी जोरदार फटकेबाजी करत ऑस्ट्रेलियाच्या गोलंदाजांना झोडून काढला.  राशिद खान याने केलेल्या खेळीमुळे अफगाणिस्तानला 290 पार मजल मारता आली.

अफगाणिस्तानकडून इब्राहीमने 143 बॉलमध्ये 8 चौकार आणि 3 सिक्सच्या मदतीने नाबाद 129 धावांची शतकी आणि ऐतिहासिक खेळी केली. इब्राहीम अफगाणिस्तानकडून वर्ल्ड कपमध्ये शतक करणारा पहिला फलंदाज ठरला. राशिद खान याने अखेरच्या काही षटकांमध्ये जोरदार बॅटिंग करुन चौफेर फटकेबाजी केली. राशिदने 18 बॉलमध्ये 2 चौकार 3 षटकारांच्या मदतीने नाबाद 35 धावांचं योगदान दिलं. राशिदने इब्राहीमला चांगली साथ दिली. त्यामुळेच अफगाणिनस्तानला मोठी धावसंख्या गाठता आली.

अफगाणिस्तानकडून इब्राहीम आणि राशिद या दोघांव्यतिरिक्त इतरांनीही चांगलं योगदान दिलं. रहमानुल्लाग गुरुबाज याने 21 धावांचं योगदान दिलं. रहमत शाह याने 30 धावा जोडल्या. कॅप्टन हशमतुल्लाह शाहिदी याने 26 रन्स केल्या. अझमतुल्लाह 22 धावा करुन आऊट झाला. तर मोहम्मद नबी याने टॉप गिअर टाकत फटकेबाजी केली. मात्र तो 12 धावांवर कॅच आऊट झाला. ऑस्ट्रेलियाकडून जोश हेझलवूड याने सर्वाधिक 2 विकेट्स घेतल्या. तर मिचेल स्टार्क, ग्लेन मॅक्सवेल आणि एडम झॅम्पा या तिघांनी प्रत्येकी 1-1 विकेट घेतली.

ऑस्ट्रेलियासमोर 292 रन्सचं टार्गेट

𝐀𝐅𝐆𝐇𝐀𝐍𝐈𝐒𝐓𝐀𝐍 𝐏𝐎𝐒𝐓 𝟐𝟗𝟏/𝟓 𝐎𝐍 𝐓𝐇𝐄 𝐁𝐎𝐀𝐑𝐃! 🎯#AfghanAtalan, riding on @IZadran18‘s (129*) magnificent hundred and @rashidkhan_19‘s incredible 18-ball 35*-run cameo, posted 291/5 runs on the board in the 1st inning. 🤩#CWC23 | #AFGvAUS | #WarzaMaidanGata pic.twitter.com/rIiGW8dcLb

— Afghanistan Cricket Board (@ACBofficials) November 7, 2023

दरम्यान ऑस्ट्रेलियाने वर्ल्ड कपमध्ये आतापर्यंत सर्वाधिक 287 धावांचं यशस्वी चेजिंग केलीय. ऑस्ट्रेलियाने ही कामगिरी 27 वर्षांपूर्वी 1996 साली न्यूझीलंड विरुद्ध केली होती. त्यामुळे आता ऑस्ट्रेलियासमोर अफगाणिस्तानच्या फिरकी माऱ्यासमोर 292 धावा करणं आव्हानात्मक ठरणार आहे.

ऑस्ट्रेलिया प्लेईंग ईलेव्हन | पॅट कमिन्स (कर्णधार), ट्रॅव्हिस हेड, डेव्हिड वॉर्नर, मिचेल मार्श, मार्नस लॅबुशेन, जोश इंग्लिस (विकेटकीपर), ग्लेन मॅक्सवेल, मार्कस स्टॉइनिस, मिचेल स्टार्क, अॅडम झाम्पा आणि जोश हेझलवूड.

अफगाणिस्तान प्लेईंग ईलेव्हन | हशमतुल्ला शाहिदी (कॅप्टन), रहमानउल्ला गुरबाज, इब्राहिम झद्रान, रहमत शाह, अजमतुल्ला ओमरझाई, मोहम्मद नबी, इक्रम अलीखिल (विकेटकीपर), रशीद खान, मुजीब उर रहमान, नूर अहमद आणि नवीन-उल-हक.