अरे..अरे..अरे..चेंडू डोक्याला धाडकन लागला, फलंदाज क्षणात जमिनीवर कोसळला; भर उन्हात मैदानावर भयंकर घडलं!
सामना सुरू असतानाच एक भयंकर घटना घडली आहे. वेगात आलेला चेंडू थेट खेळाडूच्या डोक्यावर लागला आहे. त्यानंतर खेळाडू चक्क जमिनीवर कोसळल्याचे पाहायला मिळते आहे.
Cricket Accident : क्रिकेट या मैदानी खेळाचे जगभरात चाहते आहेत. भारतात तर क्रिकेटची वेगळीच क्रेझ आहे. क्रिकेट खेळणाऱ्या खेळांडूना पैसा, प्रसिद्धी असं दोन्हीही भरभरून मिळतं. हा खेळ पाहताना आनंद देणारा असला तरी प्रत्यक्ष खेळणाऱ्या खेळाडूंसाठी तो कधीकधी जीवघेणा ठरू शकतो. याआधी चेंडू लागल्याने अनेकजण मृत्युमुखी पडल्याच्या काही घटना घडलेल्या आहेत. जखमी झालेल्या खेळाडूंचीही संख्या बरीच आहे. दरम्यान, सध्या आणखी एक हादरवून टाकणारी घटना घडली आहे. या घटनेत फलंदाजाच्या थेट डोक्याला चेंडू लागला असून तो तिथेच मैदानावर पडला आहे. या घटनेचा व्हिडीओही सगळीकडे व्हायरल होत आहे.
खेळाडूच्या डोक्याला लागला चेंडू, भयंकर घडलं?
मिळालेल्या माहितनुसार ही घटना वेस्टइंडिजमध्ये घडली आहे. तेथे सध्या देशांतर्गत क्रिकेट स्पर्धा सुरू आहे. याच स्पर्धेत त्रिनिदाद अँड टोबॅगो विरुद्ध लिव्हर्ड आयलँड्स यांच्यात सामना सुरू होता. यावेळी जेरेमिया लुईस नावाचा खेळाडू फलंदाजी करत होता. भर उन्हात सुरु असलेल्या या सामन्यात वेगवान गोलंदाजाने चेंडू फेकला. चेंडूची गती जास्त असल्याने लुईस याला काहीच समजले नाही. क्षणात चेंडू थेट त्याच्या हेल्मेटला लागला. परंतु चेंडूचा मारा एवढा जास्त होता की लुईस क्षणात जमिनीवर कोसळला.
लुईसला चेंडू खूप लागला होता. त्यामुळे त्याने तत्काळ डोक्यावरील हल्मेट काढले. जास्त त्रास होत असल्याने तो आपले हात जमिनीवर आदळताना दिसतोय. रागाच्या आणि वेदनेच्या भरात त्याने हेल्मेटला लाथही मारल्याचे दिसत आहे. त्यानंतर क्षणाचाही विलंब न करता तो चालत मैदानाच्या बाहेर गेल्याचे व्हिडीओत दिसत आहे.
Jayden Seales has claimed the first seven wickets to fall in an innings for Trinidad & Tobago against Leeward Islands, but looks set to be denied the chance to take 10 with the game halted due to a dangerous pitch. The last ball before the suspension is not for the faint-hearted pic.twitter.com/o4G5ULiSAh
— Ben Gardner (@Ben_Wisden) April 21, 2026
दरम्यान, तो मैदानाच्या बाहेर चालत गेलेला असला तरी रुग्णालयात मात्र त्याला रुग्णवाहिकेतून नेण्यात आले. सध्या त्याच्यावर रुग्णालयाच उपचार सुरू असून त्याची प्रकृती स्थिर आहे. दुसरीकडे सामन्याच्या वेळी झालेल्या या घटनेमुळे तो सामनाच रद्द करण्यात आला आहे. हा व्हिडीओ पाहून खेळाडूंच्या सुरक्षेचा मुद्दा आता पुन्हा एकदा केंद्रस्थानी आला आहे.
