शुबमन गिल याच्या द्विशतकानंतर सचिन इम्प्रेस;थेट सारासोबत ठरवला साखरपूडा?

हैदराबाद : शुबमन गिल याने न्यूझीलंड विरुद्धच्या पहिल्या एकदिवसीय सामन्यात द्विशतक ठोकलं. शुबमनने अवघ्या 145 बॉलमध्ये हा कारनामा केला. शुबमन एकदिवसीय क्रिकेटमध्ये द्विशतक ठोकणारा पाचवा भारतीय ठरला. तसेच शुबमनने वनडे क्रिकेटमध्ये सर्वात कमी वयात द्विशतक ठोकण्याचा वर्ल्ड रेकॉर्ड केला. दरम्यान शुबमनच्या द्विशतकानंतर मास्टर ब्लास्टर सचिन तेंडुलकरची लेक सारा तेंडुलकर ही ट्विटरवर ट्रेंड होत आहे.

आतापर्यंत अनेकदा शुबमन आणि साराचं नाव जोडण्यात आलंय. शुबमन-सारा एकमेकांना डेट करत असल्याची चर्चा ही अनेकदा रंगली आहे. मात्र आता पुन्हा या दोघांची सोशल मीडियावर चर्चा रंगली आहे. शुबमनने न्यूझीलंड विरुद्ध द्विशतक ठोकल्यानंतर सारा ट्विटरवर ट्रेंड झाली. अनेक भन्नाट मीम्स व्हायरल झाल्या.

हर्ष ट्विटर यूझरने तर कहर केला. हर्षने आपल्या ट्विटर हँडलवरुन शुबमनच्या द्विशतकानंतर सारा आणि शुबमनचा साखरपुडाच ठरवला. “सचिनने शुबमनसोबत साराचा साखरपुडा ठरवला”, असा जोक करत या यूजरने सचिन आणि सारासोबतचा एक फोटो ट्विट केला आहे. मात्र हा एक विनोदाचा भाग आहे, असं अजूनही काहीही ठरलेलं नाही.

शुबमनच्या द्विशतकानंतर मीम्स व्हायरल

BREAKING: Sachin Tendulkar announces daughter Sara’s engagement with #ShubmanGill pic.twitter.com/tzvF6sWWD9

— Harsh (@hrsyadv) January 18, 2023

दरम्यान शुबमन 208 धावा करुन माघारी परतला. शुबमनने या खेळीत 19 चौकार आणि 9 सिक्स ठोकले. शुबमनने 139.60 च्या स्ट्राइक रेटने धावा केल्या.

न्यूझीलंडला विजयासाठी 350 धावांचं आव्हान

टीम इंडियाने निर्धारित 50 ओव्हरमध्ये 8 विकेट्स गमावून 349 धावा केल्या. त्यामुळे न्यूझीलंडला विजयासाठी 350 धावांचं आव्हान मिळालं आहे. टीम इंडियाकडून शुबमन गिलने सर्वाधिक 208 धावांची खेळी केली. शुबमनने या खेळीत 19 चौकार आणि 9 गगनचुंबी सिक्स ठोकलं.

शुबमनशिवाय टीम इंडियाच्या फलंदाजांना विशेष कामगिरी करता आली नाही. शुबमन व्यतिरिक्त टीम इंडियाकडून कॅप्टन रोहित शर्माने 34, सूर्यकुमार यादव याने 31, हार्दिक पांड्या याने 28 तर वॉशिंग्टन सुंदरने 12 धावा केल्या. या व्यतिरिक्त टीम इंडियाच्या इतर फलंदाजांना दुहेरी आकडा गाठता आला नाही.