IND vs PAK : इंडिया-पाकिस्तान महामुकाबला अवघ्या काही तासांनी, जाणून घ्या केव्हा?

क्रिकेट चाहत्यांना पुन्हा एकदा आणि तब्बल 7 वर्षांनी हाँगकाँग क्रिकेट स्पर्धेचा थरार अनुभवता येणार आहे. या स्पर्धेत टीम इंडिया, पाकिस्तान, इंग्लंडसह एकूण 12 संघ सहभागी होणार आहेत. या स्पर्धेतील हटके नियमांमुळे सामने आणखी रंगतदार होणार हे निश्चित आहे. इतर कोणत्याही सामन्यांमध्ये प्रत्येकी संघात 11 खेळाडू असतात. मात्र या सामन्यात एका संघात 6 खेळाडूच असणार आहेत. एकूण 5 सामन्यांचा हा सामना असणार आहे. विकेटकीपर वगळता प्रत्येक खेळाडूला 1-1 ओव्हर टाकावी लागणार आहे. तसेच शेवटचा खेळाडू आऊट होईपर्यंत सामना सुरु राहणार आहे. उदाहरण, 5 विकेट गेल्यानंतर टीम ऑलआऊट होणार नाही. तर सहावा खेळाडू आऊट झाल्यानंतरच टीम ऑलआऊट होईल. तोवर सहावा फलंदाज हा एकटाच खेळत राहिल.

या अशा हटके नियमांमुळे या स्पर्धेची उत्सूकता शिगेला पोहचली आहे. तसेच टीम इंडिया विरुद्ध पाकिस्तान या महामुकाबल्याकडेही साऱ्यांचं लक्ष लागून आहे. हा महामुकाबला 1 नोव्हेंबरला होणार आहे. या सामन्याला भारतीय वेळेनुसार सकाळी 11 वाजून 30 मिनिटांनी सुरुवात होणार आहे. स्पर्धेतील सहभागी 12 संघांना 3-3 नुसार 4 गटात विभागण्यात आलं आहे.

सामना कुठे पाहता येणार?

हाँगकाँग सिक्सेस स्पर्धेतील सामने भारतात टीव्ही आणि मोबाईलवर पाहता येणार आहे. या स्पर्धेतील सामने स्टार स्पोर्ट्स नेटवर्कवरील चॅनेल्सवर पाहायला मिळतील. तर फॅनकोडद्वारे लाईव्ह सामन्याचा थरार अनुभवता येईल.

हाँगकाँग स्पर्धेसाठी भारतीय संघ आणि इतर माहिती जाणून घ्या

🚨SQUAD ANNOUNCEMENT🚨

Here’s India’s Squad for the upcoming Hong Kong Sixes!

Look forward to an exciting tournament where The Men in Blue will showcase their amazing skills and lively energy!

Expect More Teams, More Sixes, More Excitement, and MAXIMUM THRILLS! 🔥🔥

HK6 is… pic.twitter.com/fdz3klixvC

— Cricket Hong Kong, China (@CricketHK) October 12, 2024

हाँगकाँग सिक्सेस स्पर्धेसाठी भारतीय क्रिकेट संघ : रॉबिन उथप्पा (कर्णधार), केदार जाधव, मनोज तिवारी, शाहबाज नदीम, भरत चिपली, श्रीवत्स गोस्वामी आणि स्टुअर्ट बिन्नी.

हाँगकाँग सिक्सेस स्पर्धेसाठी पाकिस्तान टीम : फहीम अश्रफ (कॅप्टन), आमेर यामिन, आसिफ अली, दानिश अझीज, हुसैन तलात, मुहम्मद अखलाक आणि शाहाब खान.