MI vs SRH : मुंबईकडून पदार्पण, 4 ओव्हरमध्ये 42 धावा देऊनही अंशुल कंबोजच का होतय कौतुक? त्याने असं काय केलं?
MI vs SRH : इरफान पठाण सातत्याने हार्दिक पांड्याला लक्ष्य करत असतो. पण यावेळी इरफान पठाणने मुंबईकडून डेब्यु करणाऱ्या अंशुल कंबोजच खास कौतुक केलय. अंशुलने मैदानावर असं काय केलं? ज्याने इरफान पठाण सारख्या ऑलराऊंडरला प्रभावित केलं.
मुंबई इंडियन्सकडून अंशुल कंबोज या गोलंदाजाने IPL 2024 मध्ये डेब्यु केला. आपल्या पहिल्याच सामन्यात अंशुलने 4 ओव्हरमध्ये 42 धावा दिल्या. पण, तरीही त्याचं कौतुक होतय. तुम्हाला असा प्रश्न पडेल की, प्रतिओव्हर 10 रन्स देऊनही या गोलंदाजाच इतकं कौतुक का होतय?. त्याचं कारण आहे, अंशुलची गोलंदाजी. क्रिकेटमध्ये आकड्याला खूप महत्त्व आहे. पण काहीवेळा आकडे हे गोलंदाजाच्या प्रतिभेला न्याय देत नाहीत. असच काहीस अंशुल कंबोज सोबत झालं. अंशुल कंबोज हैदराबाद विरुद्ध महागडा ठरला. पण हे सुद्धा तितकच खरं आहे, या खेळाडूला नशिबाची साथ मिळाली नाही.
अंशुलकडून हार्दिक पांड्याने गोलंदाजीची ओपनिंग केली. त्याने दुसरी ओव्हर टाकली. त्याच्या गोलंदाजीवर ट्रेविस हेड दोनदा बोल्डा होता, होता बचावला. त्यानंतर अंशुलने पुढच्याच ओव्हरमध्ये हेडला बोल्ड केलं. पण तो नो बॉल होता. मोठी गोष्ट म्हणजे अंशुल कंबोजने पुन्हा एकदा हेडला आऊट केलंच होतं. त्याच्या गोलंदाजीवर तुषाराच्या हातात थेट कॅच गेली. पण या खेळाडूने सोपी संधी गमावली.
Anshul Kamboj looks impressive. Literally got Travis Head out twice.
— Irfan Pathan (@IrfanPathan) May 6, 2024
इरफान पठाण सुद्धा या गोलंदाजावर प्रभावित
अंशुल कंबोजने हार मानली नाही. त्याने डेब्युमध्ये पहिली विकेट घेतलीच. मयंक अग्रवाल अंशुल कंबोजचा पहिला विकेट ठरला. त्याच्या गोलंदाजीवर मोठा फटका खेळण्याच्या नादात मयंक बोल्ड झाला. अंशुल कंबोज आपली पहिली विकेट घेतल्यानंतर खूप आनंदात होता. अंशुल कंबोजच्या गोलंदाजीच इरफान पठाणने सुद्धा कौतुक केलं. “कंबोजने जवळपास दोनवेळा हेडला आऊट केलच होतं. त्याच्या गोलंदाजीत दम आहे” असं इरफानने आपल्या टि्वटमध्ये म्हटलं आहे.
