IND vs AFG 3rd Odi : तिसऱ्या वनडेच्या वेळेत बदल? भारत-अफगाणिस्तान सामन्याला किती वाजता सुरुवात? जाणून घ्या
India vs Afghanistan 3rd Odi Match Time and Venue : टीम इंडिया 3 सामन्यांच्या मालिकेत 2-0 अशा एकतर्फी फरकाने आघाडीवर आहे. तर तिसरा सामना हा शनिवारी 20 जूनला आयोजित करण्यात आला आहे.
टीम इंडियाने शुबमन गिल याच्या नेतृत्वात अफगाणिस्तान विरुद्ध पहिल्याच द्विपक्षीय एकदिवसीय मालिकेतील 3 पैकी सलग 2 सामने जिंकले. भारताने सलग 2 सामने जिंकून मालिका आपल्या नावावर केली आहे. आता टीम इंडिया तिसऱ्या आणि अंतिम सामन्यासाठी तयार आहे. टीम इंडियाकडे हा सामना जिंकून विजयी हॅट्रिक करण्याची संधी आहे. तसेच भारताकडे अफगाणिस्तानला 3-0 ने क्लिन स्वीप करण्याची संधी आहे. तर दुसऱ्या बाजूला अफगाणिस्तानसाठी हा सामना प्रतिष्ठेचा असणार आहे. अफगाणिस्तानसमोर तिसरा सामना जिंकून भारत दौऱ्याचा शेवट गोड करण्याचा प्रयत्न असणार आहे. त्यामुळे मालिकेच्या निकालानंतरही चाहत्यांना अंतिम सामन्यात रस्सीखेच पाहायला मिळू शकते. उभयसंघातील तिसऱ्या सामन्याबाबत महत्त्वाची माहिती जाणून घेऊयात.
टीम इंडिया विरुद्ध अफगाणिस्तान तिसरा एकदिवसीय सामना कधी?
टीम इंडिया विरुद्ध अफगाणिस्तान तिसरा एकदिवसीय सामना शनिवारी 20 जूनला खेळवण्यात येणार आहे.
टीम इंडिया विरुद्ध अफगाणिस्तान तिसरा एकदिवसीय सामना कुठे?
टीम इंडिया विरुद्ध अफगाणिस्तान तिसरा एकदिवसीय सामना चेन्नईतील एमए चिदंबरम स्टेडियममध्ये आयोजित करण्यात आला आहे.
टीम इंडिया विरुद्ध अफगाणिस्तान तिसऱ्या एकदिवसीय सामन्याला किती वाजता सुरुवात होणार?
टीम इंडिया विरुद्ध अफगाणिस्तान तिसऱ्या एकदिवसीय सामन्याला दुपारी 1 वाजून 30 मिनिटांनी सुरुवात होणार आहे. तर 1 वाजता टॉस होईल.
टीम इंडिया विरुद्ध अफगाणिस्तान तिसरा एकदिवसीय सामना टीव्हीवर कुठे पाहायला मिळेल?
टीम इंडिया विरुद्ध अफगाणिस्तान तिसरा एकदिवसीय सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल.
टीम इंडिया विरुद्ध अफगाणिस्तान तिसरा एकदिवसीय सामना मोबाईलवर कुठे पाहायला मिळेल?
टीम इंडिया विरुद्ध अफगाणिस्तान तिसरा एकदिवसीय सामना मोबाईलवर जिओहॉटस्टार एपद्वारे लाईव्ह पाहायला मिळेल.
शुबमन गिल चेन्नईत होणाऱ्या सामन्यात भारतीय संघाचं नेतृत्व करणार आहे. तर हशमतुल्लाह शाहीदी याच्याकडे अफगाणिस्तानच्या कर्णधारपदाची जबाबदारी आहे. हशमतुल्लासमोर अफगाणिस्तानला भारत विरुद्ध पहिला आंतरराष्ट्रीय विजय मिळवून देण्याचं आव्हान आहे. हशमतुल्लाह शेवटच्या सामन्यात यशस्वी होणार का? हे पाहणं महत्त्वाचं ठरणार आहे.
हर्षित राणाची एन्ट्री
भारतीय संघात अफगाणिस्तान विरूद्धच्या मालिकेतील तिसऱ्या सामन्यासाठी वेगवान युवा गोलंदाज हर्षित राणा याचा समावेश करण्यात आला आहे. त्यामुळे आता हर्षितचा प्लेइंग ईलेव्हनमध्ये समावेश केला जाणार का? हे पाहणं महत्त्वाचं ठरणार आहे.
