IND Vs AUS | ऑस्ट्रेलियाला मोठा धक्का, ‘हा’ खेळाडू दुखापतीमुळे पहिल्या कसोटी सामन्याला मुकणार

सिडनी : एकदिवसीय आणि टी 20 मालिकेनंतर टीम इंडिया विरुद्ध ऑस्ट्रेलिया (India Tour Australia 2020) यांच्यात कसोटी मालिका खेळण्यात येणार आहे. एकूण 4 सामन्यांची ही कसोटी मालिका असणार आहे. या कसोटी मालिकेला 17 डिसेंबरपासून सुरुवात होणार आहे. डेव्हिड वॉर्नर (David Warner) दुखापतीमुळे पहिल्या कसोटी सामन्यातून बाहेर झाला आहे. त्यामुळे ऑस्ट्रेलियाच्या चिंता वाढली होती. त्या चिंतेत अजून भर पडली आहे. ऑस्ट्रेलियाचा युवा सलामीवीर विल पुकोवस्की (Will Pucovski) पहिल्या कसोटीतून बाहेर पडला आहे. आयसीसीने याबाबतची माहिती ट्वविटद्वारे दिली आहे. ind vs aus 2020-21 australia opener Will Pucovski ruled out 1st test match due to injurey

JUST IN: Marcus Harris has been added to the Australia squad for the Adelaide Test ➕

He has been drafted in following confirmation of David Warner and Will Pucovski's unavailability for the first match. #AUSvIND pic.twitter.com/Fgd9dzGPWa

— ICC (@ICC) December 12, 2020

टीम इंडिया विरुद्ध ऑस्ट्रेलिया यांच्यात पहिला सराव सामना खेळण्यात आला. या सराव सामन्यात कार्तिक त्यागीने टाकलेला बाऊंसर चेंडू पुकोवस्कीच्या हेल्मेटवर आदळला. त्यामुळे पुकोवस्कीच्या रिटायर्ट हर्ट झाला. त्यामुळे पुकोवस्कीला पहिल्या सामन्याला मुकावे लागणार आहे. दरम्यान पुकोवस्कीऐवजी संघात मार्कस हॅरिस याला संधी देण्यात आली आहे.

Fingers crossed for Will Pucovksi, who's retired hurt after this nasty blow to the helmet.

Live scores from #AUSAvIND: https://t.co/MfBZAvzAkr pic.twitter.com/pzEBTfipF2

— cricket.com.au (@cricketcomau) December 8, 2020

वॉर्नरही पहिल्या सामन्याला मुकणार

ऑस्ट्रेलियाचा सलामीवीर डेव्हिड वॉर्नरही पहिल्या कसोटी सामन्याला मुकणार आहे. वॉर्नरला टीम इंडिया विरोधातील दुसऱ्या एकदिवसीय मॅचदरम्यान फिल्डिंग करताना दुखापत झाली होती. ज्यामुळे त्याला तात्काळ मैदानाबाहेर जावं लागलं. पहिल्या कसोटी मॅचपर्यंत तो पूर्णपणे बरा होऊ शकत नाही. यामुळे वॉर्नर दुसऱ्या कसोटी सामन्यात ऑस्ट्रेलियन संघात पुनरागमन करण्याची शक्यता आहे.

परिणाम काय होणार?

दुर्देवाने ऑस्ट्रेलियाचे दोन्ही सलामीवीर खेळाडू दुखापतग्रस्त झाले आहेत. यामुळे पहिल्या कसोटी सामन्यात ऑस्ट्रेलियाकडून सलामीला कोण येणार, असा यक्ष प्रश्न टीम मॅनेजमेंटसमोर असणार आहे. त्यामुळे सलामीला कोणाला संधी मिळते, याकडे सर्वांचेच लक्ष असणार आहे. भारत आणि ऑस्ट्रेलिया यांच्यात होणारा पहिला कसोटी सामना ऐतिहासिक असणार आहे. भारतीय संघ ऑस्ट्रेलियाविरुद्ध पहिल्यांदाच डे नाईट मॅच खेळणार आहे. ही मॅच दोन्ही संघ पिंक (गुलाबी) बॉलने खेळतील.

संबंधित बातम्या :

Ind Vs Aus : ऑस्ट्रेलियाला मोठा धक्का, पहिल्या टेस्टमधून डेव्हिड वॉर्नर बाहेर

ind vs aus 2020-21 australia opener Will Pucovski ruled out 1st test match due to injurey