कट्टर प्रतिस्पर्धी भारत-पाकिस्तान पुन्हा भिडणार! स्टेडियम अन् चाहते सज्ज, वेळही ठरली, कुठे पाहता येणार IND vs PAK महामुकाबला LIVE?

भारत आणि पाकिस्तान यांच्यातील क्रिकेट सामना पाहण्यासाठी चाहते नेहमीच उत्सुक असतात. आता रायझिंग स्टार्स आशिया कप 2026 मध्ये दोन्ही देशांचे संघ आमनेसामने येणार आहेत. सामना किती वाजता सुरू होणार आणि मोबाईलवर कुठे पाहता येणार, जाणून घ्या सर्व माहिती.

कट्टर प्रतिस्पर्धी भारत-पाकिस्तान पुन्हा भिडणार! स्टेडियम अन् चाहते सज्ज, वेळही ठरली, कुठे पाहता येणार IND vs PAK महामुकाबला LIVE?
Ind vs pak match 22 nov
Image Credit source: टीव्ही९ मराठी
| Updated on: Nov 21, 2026 | 4:22 PM

भारत आणि पाकिस्तान यांच्यातील सामने हे प्रचंड सस्पेन्सफुल होतात. आता क्रिकेट चाहत्यांना पुन्हा एकदा भारत-पाकिस्तानचा हाच थरार अनुभवता येणार आहे. रायझिंग स्टार्स आशिया कप 2026 स्पर्धेत रविवारी, 22 नोव्हेंबर रोजी भारत अ आणि पाकिस्तान अ हे संघ आमनेसामने येणार आहेत. दोन्ही संघांचा स्पर्धेतील हा दुसरा सामना असेल. त्यामुळे या सामन्यात विजय मिळवून गुणतालिकेत आघाडी घेण्याचा दोन्ही संघांचा प्रयत्न असेल.

दोन्ही संघांनी विजयाने केली स्पर्धेची सुरुवात

भारत अ संघाने पहिल्या सामन्यात नेपाळचा तब्बल 306 धावांनी पराभव केला. तर पाकिस्तान अ संघाने संयुक्त अरब अमिरातीचा (UAE) 61 धावांनी धुव्वा उडवला. त्यामुळे दोन्ही संघांचा आत्मविश्वास वाढलेला आहे. आता भारत-पाकिस्तान यांच्यात कोण बाजी मारणार, याकडे चाहत्यांचे लक्ष लागले आहे.

Loading...

भारत-पाकिस्तान सामना कुठे आणि किती वाजता सुरू होणार?

हा सामना कतारची राजधानी दोहा येथील वेस्ट एंड पार्क इंटरनॅशनल क्रिकेट स्टेडियमवर खेळवला जाणार आहे. भारतीय वेळेनुसार रविवारी दुपारी 3.30 वाजता सामन्याला सुरुवात होईल. त्याआधी दुपारी 3 वाजता नाणेफेक होणार आहे. दोहाच्या स्थानिक वेळेनुसार दुपारी 1 वाजता सामना सुरू होईल.

मोबाईलवर सामना कुठे पाहता येणार?

भारत आणि पाकिस्तान यांच्यातील या सामन्याचे थेट प्रक्षेपण सोनी स्पोर्ट्स नेटवर्कच्या टीव्ही वाहिन्यांवर पाहता येणार आहे. तर मोबाईल, लॅपटॉप आणि स्मार्ट टीव्हीवर सोनीलिव्ह (SonyLIV) ॲप आणि वेबसाइटच्या माध्यमातून सामन्याचे थेट प्रक्षेपण पाहता येईल. चाहत्यांना हिंदी आणि इंग्रजी समालोचनाचाही पर्याय उपलब्ध असेल.

भारताच्या संघात स्टार खेळाडूंची फौज

तिलक वर्मा भारत अ संघाचे नेतृत्व करणार आहे. अभिषेक शर्मा, वैभव सूर्यवंशी, रिंकू सिंग, आयुष बदोनी, प्रभसिमरन सिंग आणि हर्षित राणा यांसारखे खेळाडू संघात आहेत. दुसरीकडे पाकिस्तान अ संघाचे नेतृत्व अब्दुल समद करणार आहे. शाहजेब खान, हैदर अली, हसन नवाज आणि मोहम्मद हसनैन यांच्यावरही लक्ष असेल. त्यामुळे या सामन्यात दोन्ही संघांतील युवा खेळाडूंची कामगिरी पाहणे महत्त्वाचे ठरणार आहे.

Loading...
Unable to load recommendations.
Follow Us