Ind vs Eng : दिनेश कार्तिक म्हणाला, ‘वाढीव दिसताय राव’, आता मोहम्मद सिराजकडून ‘अपना स्टाईल’मध्ये उत्तर!

पहिल्यांदा विकेट घेणार आणि नंतर 'शटअप' म्हणून इशारा करणार... अशी हटके स्टाईल आहे भारताचा नव्या दमाचा वेगवान गोलंदाज आणि उद्याचं भारताचं भविष्य मोहम्मद सिराज (Mohammad Siraj) याची... विकेट घेतल्यानंतर त्याचं सेलिब्रेशन पाहण्यासारखं असतं..!

दिनेश कार्तिक आणि मोहम्मद सिराज

TV9 मराठी डिजीटल टीम | Edited By: Akshay Adhav | Updated on: Aug 15, 2021 | 1:13 PM

Ind vs Eng : पहिल्यांदा विकेट घेणार आणि नंतर ‘शटअप’ म्हणून इशारा करणार… अशी हटके स्टाईल आहे भारताचा नव्या दमाचा वेगवान गोलंदाज आणि उद्याचं भारताचं भविष्य मोहम्मद सिराज (Mohammad Siraj) याची… विकेट घेतल्यानंतर त्याचं सेलिब्रेशन पाहण्यासारखं असतं…! मात्र हे सेलिब्रेशन सगळ्यांनाच आवडतं असं नाही ना… डीके बॉसला (Dinesh karthik) हे सेलिब्रेशन आवडलं नाही. त्याने मोहम्मद सिराजच्या सेलिब्रेशनवर निशाणा साधला. ‘हे वाढीव सेलिब्रेशन करण्याची काहीही गरज नाही’, असं म्हणत त्याने सिराजला शांत राहण्याचा सल्ला दिला. आता सिराजनेही दिनेश कार्तिकला ‘अपना स्टाईल’मध्ये उत्तर दिलंय…

मोहम्मद सिराजच्या सेलिब्रेशनवर डीके बॉस भडकला

इंग्लंडविरुद्ध सुरु असलेल्या कसोटी मालिकेदरम्यान मोहम्मद सिराजचं शट अप सेलिब्रेशन क्रिकेट समालोचक दिनेश कार्तिकला काही आवडलं नाही. दिनेश कार्तिक मोहम्मद सिराजच्या सेलिब्रेशनवर भडकला. द टेलिग्राफमध्ये लिहिलेल्या लेखात त्याने सिराजवर निशाणा साधला.

“मला असं वाटतं की फलंदाजाला आऊट केल्यानंतर शट अपचा इशारा हा वाढीव आणि अनावश्यक आहे. पहिल्यांदाच फलंदाज आऊट झालेला असतो त्यात पुन्हा त्याला शांत किंवा शटअप करण्याचा इशारा कशाला हवाय?”, असं दिनेश कार्तिक म्हणाला.

मोहम्मद सिराजकडून दिनेश कार्तिकला अपना स्टाईलमध्ये उत्तर!

दिनेश कार्तिकच्या टीकेनंतर मोहम्मद सिराजने मौन सोडलं. त्याने आपल्या शट-अप सेलिब्रेशनमागचं राज सांगितलं. तो म्हणाला हे सेलिब्रेशन त्यांच्यासाठी आहे जे मला कमी समजतात, ज्यांना वाटतं अमुक गोष्ट मी करु शकत नाही किंवा तशी माझ्याकडे पात्रता नाही. सिराजच्या म्हणण्यानुसार त्याच्या सेलिब्रेशनपाठीमागे फलंदाजाचं मन दुखावणे किंवा डिवचणे असा कोणताही प्रकार नाही…!