अंडर19 आशिया कपचे वेळापत्रक जाहीर, भारत पाकिस्तान पुन्हा एकदा भिडणार, ‘या’ तारखेला होणार महामुकाबला

आशिया चषक (१९ वर्षांखालील) स्पर्धेचे वेळापत्रक जाहीर झाले आहे. यावर्षी ही स्पर्धा ओमानमध्ये होणार आहे. या स्पर्धेत आठ संघ सहभागी होणार असून, सर्वात मोठी गोष्ट म्हणजे साखळी फेरीत भारत आणि पाकिस्तान यांच्यात सामना होणार आहे. भारत-पाकिस्तान सामना ८ नोव्हेंबर रोजी होणार आहे. पहिला सामना श्रीलंका आणि मलेशिया यांच्यात होईल. आशियाई क्रीडा स्पर्धेत भारत, श्रीलंका, मलेशिया, संयुक्त अरब अमिरात, पाकिस्तान, अफगाणिस्तान, नेपाळ आणि बांगलादेशचे संघ सहभागी होतील.

१९ वर्षांखालील आशिया कपचे संपूर्ण वेळापत्रक

5 नोव्हेंबर: श्रीलंका विरुद्ध मलेशिया, बांगलादेश विरुद्ध अफगाणिस्तान

६ नोव्हेंबर: पाकिस्तान विरुद्ध युएई, भारत विरुद्ध नेपाळ

नोव्हेंबर ७: अफगाणिस्तान विरुद्ध मलेशिया, श्रीलंका विरुद्ध बांगलादेश

८ नोव्हेंबर: युएई विरुद्ध नेपाळ, भारत विरुद्ध पाकिस्तान

9 नोव्हेंबर: बांगलादेश विरुद्ध मलेशिया, श्रीलंका विरुद्ध अफगाणिस्तान

१० नोव्हेंबर: भारत विरुद्ध युएई, पाकिस्तान विरुद्ध नेपाळ

उपांत्य फेरी सामना: १२ नोव्हेंबर – ए१ विरुद्ध बी२, बी१ विरुद्ध ए२

अंतिम सामना: १४ नोव्हेंबर

१९ वर्षांखालील आशिया चषकात कशी राहिलीय भारताची कामगिरी?

२०२५ च्या  १९ वर्षांखालील आशिया चषकाच्या अंतिम सामन्यात भारतीय संघ पाकिस्तानकडून पराभूत झाला. पाकिस्तानने ५० षटकांत ३४७ धावा केल्या आणि भारतीय संघ केवळ १५६ धावांवर सर्वबाद झाला. पाकिस्तानने हा अंतिम सामना १९१ धावांनी जिंकला. भारतीय संघाने १९ वर्षांखालील आशिया चषकाचे सलग दोन अंतिम सामने गमावले आहेत. भारताने शेवटचा १९ वर्षांखालील आशिया चषक २०२१ मध्ये जिंकला होता. भारतीय संघाने ही स्पर्धा सलग तीन वेळा जिंकली आहे. भारतीय संघ २०१८, २०१९ आणि २०२१ मध्ये विजेता ठरला. भारताने ही स्पर्धा सर्वाधिक वेळा, सात वेळा जिंकली आहे.

आशिया कपमध्ये पाकिस्तानी फलंदाजांची चमकदार कामगिरी

१९ वर्षांखालील आशिया चषक स्पर्धेत पाकिस्तानी फलंदाजांनी आपले वर्चस्व दाखवले आहे. या स्पर्धेत सामी अस्लमने १० सामन्यांमध्ये ८४० धावा करून सर्वाधिक धावा केल्या आहेत. पाकिस्तानच्या शाहजेब खानने ८ सामन्यांमध्ये ५०४ धावा, तर समीर मिन्हासने ५ सामन्यांमध्ये ४७१ धावा केल्या आहेत. भारताकडून हिमांशू राणाने ८ सामन्यांमध्ये ४५१ धावा, तर वैभव सूर्यवंशीने १० सामन्यांमध्ये ४३७ धावा केल्या आहेत.